എ​രു​മേ​ലി: വ​നം വ​കു​പ്പി​ന്‍റെ നേ​തൃ​ത്വ​ത്തി​ൽ ശ​ബ​രി​മ​ല പ​ര​മ്പ​രാ​ഗ​ത കാ​ന​ന​പാ​ത തെ​ളി​ക്ക​ൽ ആ​രം​ഭി​ച്ചു. ശ​ബ​രി​മ​ല സീ​സ​ണി​ൽ മാ​ത്രം തു​റ​ക്കു​ന്ന പാ​ത മാ​സ​ങ്ങ​ളാ​യി ജ​ന​സ​ഞ്ചാ​ര​മി​ല്ലാ​ത്ത​തി​നാ​ൽ കാ​ട് നി​റ​ഞ്ഞ അ​വ​സ്ഥ​യി​ലാ​ണ്.

പാ​ത​യി​ലെ കാ​ടു​ക​ൾ വെ​ട്ടി മാ​റ്റി വ​ഴി​യൊ​രു​ക്കു​ന്ന ജോ​ലി​ക​ൾ പൂ​ർ​ത്തി​യാ​യാ​ലും തീ​ർ​ഥാ​ട​നം ആ​രം​ഭി​ക്കു​ന്ന​തി​ന് മു​മ്പ് വീ​ണ്ടും കാ​ട് വെ​ട്ടി വ​ഴി യാ​ത്രാ​യോ​ഗ്യ​മാ​ണെ​ന്ന് ഉ​റ​പ്പാ​ക്കു​മെ​ന്ന് വ​നം വ​കു​പ്പ് അ​ധി​കൃ​ത​ർ അ​റി​യി​ച്ചു. വ​ന സം​ര​ക്ഷ​ണ​സ​മി​തി അം​ഗ​ങ്ങ​ളും വ​ന​പാ​ല​ക​രും ചേ​ർ​ന്നാ​ണ് പാ​ത​യി​ലെ കാ​ട് തെ​ളി​ക്കു​ന്നത്.
എ​രു​മേ​ലി​യി​ൽ കോ​യി​ക്ക​ക്കാ​വ് മു​ത​ലാ​ണ് കാ​ന​ന​പാ​ത​യു​ടെ തു​ട​ക്കം. എ​രു​മേ​ലി​യി​ൽ​നി​ന്ന് പേ​രൂ​ർ​ത്തോ​ട് എ​ത്തി ഇ​രു​മ്പൂ​ന്നി​ക്ക​ര വ​ഴി കോ​യി​ക്ക​ക്കാ​വ് വ​രെ വാ​ഹ​ന ഗ​താ​ഗ​ത​മു​ണ്ട്. കോ​യി​ക്ക​ക്കാ​വ് ഫോ​റ​സ്റ്റ് ചെ​ക്ക് പോ​സ്റ്റ്‌ മു​ത​ൽ കാ​ൽ​ന​ട​യാ​യാ​ണ് സ​ഞ്ചാ​രം അ​നു​വ​ദി​ച്ചി​ട്ടു​ള്ള​ത്. തു​ട​ർ​ന്ന് മ​മ്പാ​ടി വ​ഴി വ​ന​ത്തി​ലൂ​ടെ കാ​ള​കെ​ട്ടി ക്ഷേ​ത്ര​ത്തി​ൽ എ​ത്തു​മ്പോ​ഴാ​ണ് ഇ​ട​ത്താ​വ​ള വി​ശ്ര​മ​കേ​ന്ദ്ര​മാ​കു​ന്ന​ത്. ഇ​തി​നി​ടെ​യു​ള്ള കാ​ട്ടു​പാ​ത​യി​ൽ ആ​രോ​ഗ്യ വ​കു​പ്പി​ന്‍റെ ഓ​ക്സി​ജ​ൻ പാ​ർ​ല​റു​ക​ളും പ്രാ​ഥ​മി​ക ചി​കി​ത്സാ സൗ​ക​ര്യ​ങ്ങ​ളും മൊ​ബൈ​ൽ മെ​ഡി​ക്ക​ൽ യൂണി​റ്റും താ​ത്കാ​ലി​ക ക​ട​ക​ളും ഉ​ൾ​പ്പ​ടെ സേ​വ​ന കേ​ന്ദ്ര​ങ്ങ​ൾ ആ​രം​ഭി​ക്കു​ന്ന​തി​ന് ഉ​ട​ൻ ന​ട​പ​ടി​ക​ളാ​കു​മെ​ന്ന് വ​നം വ​കു​പ്പ് അ​റി​യി​ച്ചു.

കാ​ള​കെ​ട്ടി​യി​ൽ ഇ​ത്ത​വ​ണ 51 അം​ഗ പൊ​ലി​സാ​ണ് ഡ്യൂ​ട്ടി​ക്കു​ണ്ടാ​കു​ക​യെ​ന്ന് ജി​ല്ലാ പൊ​ലി​സ് മേ​ധാ​വി അ​റി​യി​ച്ചു. പൊ​ലി​സ് എ​യ്ഡ് പോ​സ്റ്റ്‌ നി​ർ​മി​ക്കു​ന്ന​തി​നു​ള്ള സ്ഥ​ലം വ​നം വ​കു​പ്പും എ​യ്ഡ് പോ​സ്റ്റി​നു​ള്ള ഷെ​ഡ് ദേ​വ​സ്വം ബോ​ർ​ഡു​മാ​ണ് ല​ഭ്യ​മാ​ക്കു​ക.

തീ​ർ​ഥാ​ട​ന​കാ​ല​ത്ത് സ​മ​യ​നി​യ​ന്ത്ര​ണ​മി​ല്ലാ​തെ മു​ഴു​വ​ൻ സ​മ​യ​വും യാ​ത്ര അ​നു​വ​ദി​ക്ക​ണ​മെ​ന്ന ആ​വ​ശ്യം ശ​ക്ത​മാ​ണെ​ങ്കി​ലും യാ​ത്രാ​വി​ല​ക്കോ രാ​ത്രി​യാ​ത്രാ നി​യ​ന്ത്ര​ണ​മോ സം​ബ​ന്ധി​ച്ച് ഇ​തു​വ​രെ ഔ​ദ്യോ​ഗി​ക തീ​രു​മാ​ന​മാ​യി​ട്ടി​ല്ല.

കാ​ട് തെ​ളി​ക്ക​ലി​ന്‍റെ ഉ​ദ്ഘാ​ട​നം വാ​ർ​ഡ് അം​ഗം പി.​എ​സ്. സു​ര​ണ്യ നി​ർ​വ​ഹി​ച്ചു. ഫോ​റ​സ്റ്റ് ഡെ​പ്യൂ​ട്ടി റേ​ഞ്ച് ഓ​ഫി​സ​ർ നെ​ജി​മോ​ൻ, വ​ന സം​ര​ക്ഷ​ണ​സ​മി​തി പ്ര​സി​ഡ​ന്‍റ് എം.​എ​സ്. സ​തീ​ശ്, സെ​ക്‌​ഷ​ൻ ഫോ​റ​സ്റ്റ് ഓ​ഫി​സ​ർ റെ​ജി ശ്രീ​ധ​ർ, ബീ​റ്റ് ഫോ​റ​സ്റ്റ് ഓ​ഫി​സ​ർ വി​ജ​യ​കൃ​ഷ്ണ​ൻ തു​ട​ങ്ങി​യ​വ​ർ നേ​തൃ​ത്വം ന​ൽ​കി.

Tags : Forest Department Nattuvishesham DistrictNews