8

മൂ​വാ​റ്റു​പു​ഴ : മു​ള​വൂ​രി​ല്‍ പെ​രി​യാ​ര്‍​വാ​ലി ക​നാ​ലി​ലേ​ക്ക് ശു​ചി​മു​റി മാ​ലി​ന്യം ത​ള്ളി​യ​താ​യി പ​രാ​തി. മു​ള​വൂ​ര്‍ പൊ​ന്നി​രി​ക്ക​പ​റ​മ്പി​ന് സ​മീ​പം ഇ​ത​ര​സം​സ്ഥാ​ന തൊ​ഴി​ലാ​ളി​ക​ള്‍ താ​മ​സി​ക്കു​ന്ന ഫ്‌​ളാ​റ്റി​ല്‍ നി​ന്നാ​ണ് പെ​രി​യാ​ര്‍​വാ​ലി ക​നാ​ലി​ലേ​ക്ക് ശു​ചി​മു​റി മാ​ലി​ന്യം ഒ​ഴു​ക്കി​യ​ത്.

വ്യാ​ഴാ​ഴ്ച രാ​ത്രി എ​ട്ടോ​ടെ​യാ​ണ് സം​ഭ​വം. സെ​പ്റ്റി​ക് ടാ​ങ്കി​ലെ മാ​ലി​ന്യം മോ​ട്ടോ​ര്‍ ഉ​പ​യോ​ഗി​ച്ച് ക​നാ​ലി​ലേ​ക്ക് ഒ​ഴു​ക്കു​ക​യാ​യി​രു​ന്നു. കു​റ​ച്ച് നാ​ളു​ക​ളാ​യി ദു​ര്‍​ഗ​ന്ധം അ​നു​ഭ​വ​പ്പെ​ട്ട​തി​നെ തു​ട​ര്‍​ന്ന് പ്ര​ദേ​ശ​വാ​സി​ക​ളു​ടെ നി​രീ​ക്ഷ​ണ​ത്തി​ലാ​യി​രു​ന്നു ഇ​വി​ടം. മ​ഴ​ക്കാ​ല​മാ​യ​തി​നാ​ല്‍ രാ​ത്രി​യാ​കു​മ്പോ​ള്‍ കെ​ട്ടി​ട ഉ​ട​മ സെ​പ്റ്റി​ക് ടാ​ങ്ക് മാ​ലി​ന്യം ക​നാ​ലി​ലേ​ക്ക് ഒ​ഴു​കു​ന്ന​ത് പ​തി​വാ​യി​രു​ന്നു.

ഇ​തി​നി​ടെ വ്യാ​ഴാ​ഴ്ച രാ​ത്രി മാ​ലി​ന്യം ഒ​ഴു​ക്കു​ന്ന​ത് പ്ര​ദേ​ശ​വാ​സി​ക​ള്‍ കൈ​യോ​ടെ പി​ടി​കൂ​ടു​ക​യാ​യി​രു​ന്നു. സം​ഭ​വം അ​റി​ഞ്ഞ് പ​ഞ്ചാ​യ​ത്ത് പ്ര​സി​ഡ​ന്‍റ് സീ​ന​ത്ത് അ​സീ​സ്, വാ​ര്‍​ഡം​ഗം ബി​സ്മി സ​ലാം, ആ​രോ​ഗ്യ വ​കു​പ്പ് ഉ​ദ്യോ​ഗ​സ്ഥ​ര്‍, മൂ​വാ​റ്റു​പു​ഴ പോലീസ് അ​ട​ക്കം സ്ഥ​ല​ത്തെ​ത്തി പ​രി​ശോ​ധ​ന ന​ട​ത്തി.

സം​ഭ​വ​ത്തെ​ക്കു​റി​ച്ച് അ​ടി​യ​ന്ത​ര​മാ​യി അ​ന്വേ​ഷ​ണം ന​ട​ത്തി ഉ​ത്ത​ര​വാ​ദി​ക​ള്‍​ക്കെ​തി​രെ ക​ര്‍​ശ​ന​മാ​യ ന​ട​പ​ടി സ്വീ​ക​രി​ക്ക​ണ​മെ​ന്നും പ്ര​ദേ​ശ​വാ​സി​ക​ള്‍ ബ​ന്ധ​പ്പെ​ട്ട അ​ധി​കാ​രി​ക​ളോ​ട് ആ​വ​ശ്യ​പ്പെ​ട്ടു. സം​ഭ​വ​ത്തി​ല്‍ മു​ഖ്യ​മ​ന്ത്രി, ആ​രോ​ഗ്യ വ​കു​പ്പ്, പെ​രി​യാ​ര്‍ വാ​ലി അ​ധി​കൃ​ത​ര്‍​ എന്നിവർക്ക് പ​രാ​തി ന​ല്‍​കി​യി​ട്ടു​ണ്ട്. കു​റ്റ​ക്കാ​ര്‍​ക്കെ​തി​രെ ഉ​ട​ന്‍ ന​ട​പ​ടി സ്വീ​ക​രി​ക്കു​മെ​ന്ന് പോ​ലീ​സ് പ​റ​ഞ്ഞു.

Tags : Nattuvishesham DistrictNews DeepikaNews Complaint