പ്രതീകാത്മക ചിത്രം
കായംകുളം: കൃഷ്ണ ഹോം നഴ്സിംഗ് എന്ന സ്ഥാപനത്തിന്റെ മറവിൽ നിരവധി പേരെ കബളിപ്പിച്ച് പണം കൈക്കലാക്കിയ കേസിൽ കീരിക്കാട് വില്ലേജിൽ ആലുംമൂട്ടിൽ പുതുവൽ വീട്ടിൽ അമൃത ( 22 ) കായംകുളം പൊലിസിന്റെ പിടിയിലായി.
ലൈസൻസ് ഇല്ലാതെ, പ്രതിയായ അമൃത നടത്തി വരുന്ന കൃഷ്ണ ഹോം നഴ്സിംഗ് എന്ന സ്ഥാപനം വഴി ഹോം നഴ്സായി ജോലി ചെയ്താൽ പ്രതിമാസം 15000 രൂപ മുതൽ 30000 രൂപ വരെ ശമ്പളം നൽകാമെന്ന് പറഞ്ഞ് വിശ്വസിപ്പിച്ചായിരുന്നു തട്ടിപ്പ്. എസ്ഐ സജിത് മോന്റെ നേതൃത്വത്തിലുള്ള പൊലിസ് സംഘമാണ് അമൃതയെ അറസ്റ്റ് ചെയ്തത്. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.
Tags : Financial Fraud nattuvishesham local news Young Woman Arrested