കൊല്ലം സഹോദയ ഫുട്ബോള് ടൂര്ണമെന്റില് ചാമ്പ്യന്മാരായ ബ്രൂക്ക് സ്കൂള് സെന്റ് ജോണ്സ് സ്കൂള് മാനേജര് ഫാ. ബോവസ് മാത്യുവില് നിന്ന് ട്രോഫി ഏറ്റുവാങ്ങുന്നു.
അഞ്ചല് : കൊല്ലം സഹോദയ അഞ്ചല് സെന്റ് ജോണ്സ് സ്കൂളിന്റെ ആഭിമുഖ്യത്തില് ഏഴംകുളം സെഞ്ച്വറി സ്പോര്ട് ഹബില് നടത്തിയ ഫുട്ബോള് ടൂര്ണമെന്റില് തുല്യ ഗോളുകള് നേടിയ ശാസ്താംകോട്ട ബ്രൂക്ക് സ്കൂളും കരിക്കം ഇന്റര് നാഷണല് സ്കൂളും ചാമ്പ്യന്മാരായി. രാവിലെ നടന്ന ടൂര്ണമെന്റ് സഹോദയ വൈസ് പ്രസിഡന്റ് ഡോ. എബ്രഹാം കരിക്കം ഉദ്ഘാടനം ചെയ്തു.
കൊല്ലം, തിരുവനന്തപുരം ജില്ലകളില് നിന്നായി 15 ടീമുകള് ടൂര്ണമെന്റില് പങ്കെടുത്തു. സെമി ഫൈനലില് കരിക്കം ഇന്റര്നാഷണല് സ്കൂള് അഞ്ചല് സെന്റ്് ജോണ്സ് സ്കൂളിനെയും ബ്രൂക്ക് സ്കൂള് കൈതക്കോട് മാര് ബസേലിയോസ് സ്കൂളിനെയും തോല്പിച്ചാണ് ഫൈനലില് എത്തിയത്. ട്രോഫികള് സെന്റ് ജോണ്സ് സ്കൂള് മാനേജര് ഫാ. ബോവസ് മാത്യു,
സഹോദയ ജനറല് സെക്രട്ടറി ഷിബു സക്കറിയ, ട്രഷറര് ഫാ. അരുണ് ഏറത്ത്, പി.ടി. ആന്റണി എന്നിവര് വിതരണം ചെയ്തു. മികച്ച കളിക്കാരനായി കിപ്സ് സ്കൂളിലെ ആല്ബര്ട്ടും ഗോളിയായി ബ്രൂക്കിലെ നിജിലിനേയും തെരഞ്ഞെടുത്തു.
Tags : Local News Nattuvishesham Kollam