ഗുരുദർശന സംഗമം ജില്ല പഞ്ചായത്ത് പ്രസിഡന്റ് വി. പ്രിയദർശിനി ഉദ്ഘാടനം ചെയ്യുന്നു.
ചിറയിൻകീഴ്: ശാർക്കര ശ്രീനാരായണ ഗുരു ക്ഷേത്ര മണ്ഡപത്തിൽ താലൂക്കുതല ശ്രീനാരായണ ഗുരുദേവ മഹാസമാധിദിനാചരണത്തോടനുബന്ധിച്ചു നടന്ന ഗുരുദർശന സംഗമം ജില്ലാ പഞ്ചായത്ത് പ്രസിഡന്റ് വി. പ്രിയദർശിനി ഉദ്ഘാടനം ചെയ്തു. ഗുരുക്ഷേത്ര സമിതി പ്രസിഡന്റ് ഡോ. ബി. സീരപാണി അധ്യക്ഷത വഹിച്ചു. ഡോ. ശരണ്യ ദൈവദശകം ആലപിച്ചു. ചിറയിൻകീഴ് താലൂക്ക് എസ്എൻഡിപിയൂണിയൻ പ്രസിഡന്റ് സി. വിഷ്ണുഭക്തൻ മുഖ്യാതിഥിയായി. ജില്ല പഞ്ചായത്തംഗം സജിത്ത് മുട്ടപ്പലം, യൂണിയൻ സെക്രട്ടറി ശ്രീകുമാർ പെരുങ്ങുഴി, വൈസ് പ്രസിഡന്റ് പ്രദീപ് സഭവിള, യോഗം ഡയറക്ടർ അഴൂർ ബിജു, കൗൺസിലർമാരായ സി.കൃത്തിദാസ്, ഡി. ചിത്രാംഗദൻ, എസ്.എൻ. ട്രസ്റ്റ് ബോർഡ് അംഗങ്ങളായ സന്തോഷ് പുതുക്കരി, ചന്ദ്രൻ പട്ടരുമഠം, ജിജു പെരുങ്ങുഴി, വനിതാ സംഘം യൂണിയൻ ഭാരവാഹികളായ ലതിക പ്രകാശ്, ബീന ഉദയകുമാർ ഷീല മനോഹരൻ,വത്സലപുതുക്കരി, ഉദയകുമാരി, നിമ്മി ശ്രീജിത്ത്, ഇന്ദിര കടയ്ക്കാവൂർ എന്നിവർ പ്രസംഗിച്ചു.
അപകടങ്ങളിൽപ്പെട്ട നിർധന രോഗികൾക്ക് എസ്എൻഡിപി യോഗം ജനറൽ സെക്രട്ടറി വെള്ളാപ്പള്ളി നടേശൻ നവതിയാഘോഷ കാരുണ്യ പദ്ധതിയുടെ ഭാഗമായി നൽകുന്ന വീൽ ചെയറുകളുടെ വിതരണോദ്ഘാടനവും ജില്ല പഞ്ചായത്ത് പ്രസിഡന്റ് വി. പ്രിയദർശിനി നിർവഹിച്ചു.
മഹാ ഗുരുപൂജ, സർവമത പ്രാർഥന, അന്നദാനം, പുഷ്പാഭിഷേകം, പായസസദ്യ എന്നിവയോടെ സമാപിച്ചു.
Tags : Nattuvishesham Districtnews Deepikanews was organized.