ശതാഭിഷിക്തനായ എഴുത്തുകാരൻ എം. മുകുന്ദന് ആശംസകളറിയിക്കാൻ വീട്ടിലെത്തിയ കേരള ആഭ്യന്തരമന്ത്രി രമേശ് ചെന്നിത്തലയക്ക് എഴുത്തുകാരൻ തന്റെ പ്രവാസം എന്ന നോവൽ
മാഹി: ശതാഭിഷേക നിറവിലുള്ള എഴുത്തുകാരൻ എം. മുകുന്ദന് സ്നേഹാദരവുമായി ആഭ്യന്തരമന്ത്രി രമേശ് ചെന്നിത്തല. എം. മുകുന്ദന്റെ പള്ളൂർ ഇരട്ടപ്പിലാക്കൂലിലെ മണിയന്പത്ത് വീട്ടിലെത്തി പൊന്നാടയണിച്ചാണ് മന്ത്രി രമേശ് ചെന്നിത്തല തന്റെ ആശംസകൾ അറിയിച്ചത്.
എം. മുകുന്ദൻ തന്റെ പ്രവാസം എന്ന നോവൽ മന്ത്രിക്ക് കൈമാറി. സാഹിത്യം, ആനുകാലിക വിഷയങ്ങൾ എന്നിവ സംബന്ധിച്ച് ഇരുവരും ചർച്ച നടത്തി. ഓപ്പറേഷൻ തൂഫാൻ വിജയകരമാണെന്നും ഇതുമായി ബന്ധപ്പെട്ട് പുതുച്ചേരി മുഖ്യമന്ത്രിയുമായും താൻ സംസാരിച്ചിട്ടുണ്ടെന്ന് രമേശ് ചെന്നിത്തല പറഞ്ഞു.
പൊതുവെ ഷഷ്ടിപൂർത്തിയാകുക തന്നെ വലിയൊരു കാര്യമാണ്. എന്നാൽ ശതാഭിഷേകം എന്നത് ആയിരം പൂർണ ചന്ദ്രനെ കണ്ട് പൂർത്തിയാക്കുന്നതിന്റെ ആഘോഷമാണ്. ആയിരം പൂർണചന്ദ്രന്മാരെ കണ്ടുവെന്ന് ഞാൻ പറയുന്നില്ല. എന്നാൽ ഈ ജീവിതയാത്ര ഇവിടെവരെ എത്തിച്ചേരുകയും ശതാഭിഷേകം പൂർത്തിയാക്കാൻ കഴിയുകയും ചെയ്തതിൽ ഏറെ സന്തോഷമുണ്ടെന്ന് എം. മുകുന്ദൻ പറഞ്ഞു.
കേരള സാഹിത്യ അക്കാദമി ചെയർമാനായി കൽപറ്റ നാരായണനെ തെരഞ്ഞെടുത്തത് വളരെ നല്ല തീരുമാനമാണെന്നും എം. മുകുന്ദൻ മന്ത്രിയോട് പറഞ്ഞു.
Tags : NattuVishesham DistrictNews