നെ​ടു​മ​ങ്ങാ​ട്: ല​ക്ഷ്വ​റി വാ​ഹ​ന​ങ്ങ​ളു​ടെ ട്രാ​ൻ​സി​റ്റ് പോ​ളി​സി ബി​സി​ന​സി​ലും ടാ​റ്റ​ ഇ​ൻ​വെ​സ്റ്റ്‌​മെ​ന്‍റ് ആ​ൻ്‌​ഡ് മ്യൂ​ച്ച​ൽ ഫ​ണ്ടി​ലും പ​ണം​നി​ക്ഷേ​പി​ച്ചാ​ൽ അ​മി​ത​ലാ​ഭം ന​ൽ​കാ​മെ​ന്ന് പ​റ​ഞ്ഞ് വി​ശ്വ​സി​പ്പി​ച്ച് പ​ല​ത​വ​ണ​ക​ളാ​യി പ​ത്തു കോ​ടി​യോ​ളം രൂ​പ ത​ട്ടി​പ്പ് ന​ട​ത്തി​യ പ്ര​തി​യെ ബംഗളൂരുവിൽ നി​ന്ന് പൊലിസ് അ​റ​സ്റ്റ് ചെ​യ്തു.

നെ​ടു​മ​ങ്ങാ​ട് പ​ന​വൂ​ർ അം​ബേ​ദ്ക​ർ ഗ്രാ​മം റോ​ഡി​ൽ ഇ​പ്പോ​ൾ ക​ര​കു​ളം എ​ട്ടാം ക​ല്ലി​ൽ ഋ​തു​വി​ൽ താ​മ​സി​ച്ചു​വ​രു​ന്ന അ​രു​ണി (39)നെ​യാ​ണ് അ​റ​സ്റ്റ് ചെ​യ്ത​ത്. ചി​റ​യ​ൻ​കീ​ഴ് സ്വ​ദേ​ശി​ ബെ​ന്നി രാ​ജ​ൻ, പ​ന​വൂ​ർ സ്വ​ദേ​ശി​ അ​ഷ​റ​ഫ്, മ​ട​വൂ​ർ സ്വ​ദേ​ശി​ ഷാ​ജ​ൻ, പ​ന​യ​മു​ട്ടം സ്വ​ദേ​ശി​ സ​ജിം​ഷാ, നെ​ടു​മ​ങ്ങാ​ട് കൊ​ല്ലം​കാ​വ് സ്വ​ദേ​ശി​ അ​രു​ൺ ഷാ​ജി എ​ന്നി​വ​രി​ൽ നി​ന്നു​മാ​യി 10 കോ​ടി​യോ​ളം രൂ​പയാണ് അ​രു​ൺ കൈ​ക്ക​ലാ​ക്കി​യ​ത്. ബി​സി​ന​സിൽ ഇ​ൻ​വെ​സ്റ്റ് ചെ​യ്ത​ശേ​ഷം പ​ണം തി​രി​കെ കൊ​ടു​ക്കാ​തെ ഒ​ളി​വി​ൽ പോ​യ പ്ര​തി​യെ തി​രു​വ​ന​ന്ത​പു​രം റൂ​റ​ൽ ജി​ല്ലാ പൊലിസ് മേ​ധാ​വി​ക്ക് കി​ട്ടി​യ ര​ഹ​സ്യ വി​വ​ര​ത്തി​ന്‍റെ അ​ടി​സ്ഥാ​ന​ത്തി​ലാണ് അ​റ​സ്റ്റ് ചെ​യ്തത്.കോ​ട​തി​യി​ൽ ഹാ​ജ​രാ​ക്കി​യ പ്ര​തി​യെ റി​മാ​ൻ​ഡ് ചെ​യ്തു.
‎
‎

Tags : fraud case arrest NattuVishesham DistrictNews