പാലക്കാട്: ഗാന്ധിജിയുടെ നാമത്തെ പോലും ഭയപ്പെടുന്ന കേന്ദ്ര സർക്കാർ ഗാന്ധിജിയുടെ പേര് മാറ്റുന്നതിലൂടെ തൊഴിലുറപ്പ് തൊഴിലാളികളുടെ തൊഴിൽ നഷ്ടപ്പെടുത്തുകയാണെന്ന് കെപിസിസി വൈസ് പ്രസിഡന്റ് രമ്യ ഹരിദാസ് പറഞ്ഞു.
മഹാത്മാഗാന്ധി തൊഴിലുറപ്പ് പദ്ധതിയിൽനിന്നും ഗാന്ധിയുടെ പേര് നീക്കം ചെയ്യാനുള്ള നീക്കത്തിനെതിരേ ജില്ലാ കോൺഗ്രസ് കമ്മിറ്റിയുടെ നേതൃത്വത്തിൽ നടത്തിയ പ്രതിഷേധസംഗമം സ്റ്റേഡിയം പരിസരത്ത് ഉദ്ഘാടനം ചെയ്ത് പ്രസംഗിക്കുകയായിരുന്നു രമ്യ ഹരിദാസ്.
ഡിസിസി പ്രസിഡന്റ് എ. തങ്കപ്പൻ അധ്യക്ഷത വഹിച്ചു. സംസ്ഥാന രാഷ്ട്രീയകാര്യ സമിതി സി.പി. മുഹമ്മദ്, കെപിസിസി ജനറൽ സെക്രട്ടറി കെ.എ. തുളസി, നേതാക്കളായ കെ.എ. ചന്ദ്രൻ, വി. രാമചന്ദ്രൻ, തോലന്നൂർ ശശിധരൻ, എസ്.കെ. അനന്തകൃഷ്ണൻ, കൃഷ്ണദാസ്, കമ്മുകുട്ടി എടത്തോൾ, അജാസ് കുഴൽമന്ദം, കെ.എസ്. ജയഘോഷ്, ബ്ലോക്ക് കോൺഗ്രസ് പ്രസിഡന്റുമാരായ സി.വി. സതീഷ്, പി.കെ. പ്രിയ കുമാരൻ, പി.കെ. വാസു, യുഡിഎഫ് നിയോജക മണ്ഡലം ചെയർമാൻ സുധാകരൻ പ്ലാക്കാട്ട്,മണ്ഡലം പ്രസിഡന്റുമാരായ രമേശ് പുത്തൂർ, എസ്. സേവ്യർ, അനിൽ ബാലൻ, എസ്.എം. താഹ, പി. പ്രസാദ്, പി.ആർ. പ്രസാദ്, ഹരിദാസ് മച്ചിങ്ങൽ, എസ്. സുജാത, പ്രദീപ, പ്രീത സുധീരൻ, ഷമീന എന്നിവർ പ്രസംഗിച്ചു.
Tags : nattu vishesham Protest rally