പുന്നപ്ര വയലാര് രക്തസാക്ഷി മണ്ഡപത്തില് പുഷ്പചക്രം അര്പ്പിക്കുന്ന മുഖ്യമന്ത്രി പിണറായി വിജയന്.
ചേര്ത്തല: എഡിഎഫ് സര്ക്കാരുകളുടെ ഭരണകാലത്തെ നേട്ടങ്ങളാണ് കേരളത്തെ പുരോഗതിയിലേക്ക് നയിച്ചതെന്ന് മുഖ്യമന്ത്രി പിണറായി വിജയന് പറഞ്ഞു. പുന്നപ്ര-വയലാര് സമര വാര്ഷിക വാരാചരണ സമാപനത്തോടനുബന്ധിച്ചു നടന്ന പൊതുസമ്മേളനത്തില് സംസാരിക്കുകയായിരുന്നു മുഖ്യമന്ത്രി.
കേരളത്തില് ഇതുവരെ നടന്നിട്ടുള്ള യുഡിഎഫ് ഭരണകാലത്ത് നടന്നത് കെടുകാര്യസ്ഥതകള് മാത്രമാണ്. വിവേകാനന്ദന് ഒരുകാലത്ത് ഭ്രാന്താലയം എന്നുവിളിച്ച കേരളം ഇന്നത്തെ പുരോഗതിയിലേക്ക് എത്തിയതിനുമുന്നില് കമ്യൂണിസ്റ്റ് പ്രസ്ഥാനങ്ങളാണ്. നവോഥാന പ്രസ്ഥാനങ്ങള്ക്ക് കമ്യൂണിസ്റ്റുകാര് നല്കിയ പിന്തുണയും കേരളത്തിന്റെ പുരോഗതിക്ക് വഴിയൊരുക്കി.
കേന്ദ്രത്തിന്റെ സഹായമില്ലാതെ തന്നെ സംസ്ഥാനസര്ക്കാര് ചൂരല്മലയില് ജനുവരിയില് മാതൃകാടൗണ്ഷിപ്പ് യാഥാര്ഥ്യമാക്കുമെന്നും പിണറായി വിജയന് പറഞ്ഞു.
സിപിഐ സംസ്ഥാന സെക്രട്ടറി ബിനോയ് വിശ്വം, മന്ത്രിമാരായ സജി ചെറിയാന്, കെ. രാജന്, പി. പ്രസാദ്, സിപിഎം കേന്ദ്രകമ്മിറ്റിയംഗങ്ങളായ തോമസ് ഐസക്, സി.എസ്. സുജാത, സിപിഐ ദേശീയ സെക്രട്ടേറിയറ്റംഗം കെ. പ്രകാശ് ബാബു, ദേശീയ നിര്വാഹകസമിതിയംഗം പി. സന്തോഷ് കുമാര് എംപി എന്നിവര് പ്രസംഗിച്ചു.