കൊ​ല്ലം: യു​ദ്ധം പോ​ലു​ള്ള അ​ടി​യ​ന്ത​ര സാ​ഹ​ച​ര്യ​ങ്ങ​ൾ നേ​രി​ടു​ന്ന​തി​നു​ള്ള മു​ന്നൊ​രു​ക്കം ഉ​റ​പ്പു​വ​രു​ത്തു​ന്ന​തി​ന് അ​ന്താ​രാ​ഷ്‌ട്ര ദു​ര​ന്ത​ല​ഘൂ​ക​ര​ണ ദി​ന​ത്തി​ൽ ക​ള​ക്‌ടറേ​റ്റി​ൽ മോ​ക് ഡ്രി​ൽ സം​ഘ​ടി​പ്പി​ച്ചു. രാ​ജ്യ​ത്തു​ട​നീ​ളം ത​ന്ത്ര​പ്ര​ധാ​ന കേ​ന്ദ്ര​ങ്ങ​ളി​ൽ സം​ഘ​ടി​പ്പി​ക്കു​ന്ന സി​വി​ൽ ഡി​ഫ​ൻ​സ് മോ​ക് ഡ്രി​ല്ലി​ന്‍റെ ഭാ​ഗ​മാ​യി​ട്ടാ​യി​രു​ന്നു ക​ള​ക്ട​റേ​റ്റി​ലെ മോ​ക്ഡ്രി​ൽ. വ്യോ​മാ​ക്ര​മ​ണ​വും അ​ത് മൂ​ലം സം​ഭ​വി​ക്കു​ന്ന അ​ഗ്‌​നി​ബാ​ധ​യും കെ​ട്ടി​ട​ങ്ങ​ളു​ടെ ത​ക​ർ​ച്ച​യും എ​ന്ന സാ​ങ്ക​ല്പി​ക സാ​ഹ​ച​ര്യം മു​ൻ​നി​ർ​ത്തി​യാ​യി​രു​ന്നു മോ​ക് ഡ്രി​ൽ.

ഇന്നലെ ഉ​ച്ചകഴിഞ്ഞ് മൂ​ന്നിന് വ്യോ​മാ​ക്ര​മ​ണം ന​ട​ന്ന​താ​യി സൂ​ചി​പ്പി​ക്കു​ന്ന ആ​ദ്യ സൈ​റ​ൺ മു​ഴ​ങ്ങി​യ​തോ​ടെ​യാ​ണ് മോ​ക് ഡ്രി​ല്ലി​ന് തു​ട​ക്ക​മാ​യ​ത്. തു​ട​ർ​ന്ന് ക​ള​ക്‌ടറേ​റ്റ് കെ​ട്ടി​ട​ത്തി​ന്‍റെ പു​റ​ത്തും വ​രാ​ന്ത​യി​ലും​നി​ന്ന എ​ല്ലാ​വ​രും കെ​ട്ടി​ട​ത്തി​നു​ള്ളി​ലെ സു​ര​ക്ഷി​ത സ്ഥാ​ന​ങ്ങ​ളി​ലേ​ക്ക് ഓ​ടി മാ​റി.

ആ​ക്ര​മ​ണം അ​വ​സാ​നി​ച്ച​താ​യി ര​ണ്ടാം സൈ​റ​ൺ മു​ഴ​ങ്ങി​യ​തോ​ടെ കെ​ട്ടി​ട​ത്തി​നു​ള്ളി​ൽ​നി​ന്നു ആ​ളു​ക​ളെ​ല്ലാം ലി​ഫ്റ്റ് ഉ​പ​യോ​ഗി​ക്കാ​തെ കോ​ണി​പ്പ​ടി​ക​ൾ വ​ഴി ക​ള​ക്‌ടറേ​റ്റ് വ​ള​പ്പി​ലെ അ​സം​ബ്ലി പോ​യി​ന്‍റി​ൽ എ​ത്തി. ക​ള​ക്‌ടറേ​റ്റ് ക​ൺ​ട്രോ​ൾ റൂ​മി​ൽ​നി​ന്ന് പൊ​ലിസ് ക​ൺ​ട്രോ​ൾ റൂ​മി​ലേ​ക്കും ചാ​മ​ക്ക​ട ഫ​യ​ർ സ്റ്റേ​ഷ​നി​ലേ​ക്കും അ​റി​യി​പ്പ് ന​ൽ​കി​യ​തി​നെ തു​ട​ർ​ന്ന് സ്ഥ​ല​ത്തെ​ത്തി​യ പൊ​ലി​സ് പ്ര​ദേ​ശ​ത്തി​ന്‍റെ നി​യ​ന്ത്ര​ണം ഏ​റ്റെ​ടു​ത്തു. അ​ഗ്നി​ര​ക്ഷാ സേ​ന​യെ​ത്തി തീ​യ​ണ​യ്ക്കാ​നു​ള്ള ശ്ര​മം തു​ട​ങ്ങി. ഡി​എം​ഒ​യ്ക്ക് അ​റി​യി​പ്പ് ന​ൽ​കി​യ​തി​നെ തു​ട​ർ​ന്ന് ആം​ബു​ല​ൻ​സ​ട​ക്കം സ​ജ്ജീ​ക​ര​ണ​ങ്ങ​ളു​മാ​യി മെ​ഡി​ക്ക​ൽ സം​ഘ​വും സ്ഥ​ല​ത്തെ​ത്തി. ‌

കെ​ട്ടി​ട​ത്തി​ൽ പ​രി​ക്കേ​റ്റ് കു​ടു​ങ്ങി​ക്കി​ട​ന്ന അ​ഞ്ച് പേ​രെ അ​ഗ്നി​ര​ക്ഷാ സേ​നാം​ഗ​ങ്ങ​ളും സി​വി​ൽ ഡി​ഫ​ൻ​സ് വോ​ള​ണ്ടി​യ​ർ​മാ​രും ചേ​ർ​ന്ന് ക​ള​ക്ട​റേ​റ്റ് വ​ള​പ്പി​ൽ സ​ജ്ജ​മാ​ക്കി​യ മെ​ഡി​ക്ക​ൽ എ​യ്ഡ് പോ​സ്റ്റി​ലെ​ത്തി​ച്ചു. ഗു​രു​ത​ര പ​രി​ക്കേ​റ്റ​വ​രെ ആം​ബു​ല​ൻ​സി​ൽ ആ​ശു​പ​ത്രി​യി​ലേ​ക്ക് മാ​റ്റി. ആ​രും കു​ടു​ങ്ങി​ക്കി​ട​ക്കു​ന്നി​ല്ലെ​ന്ന് ഉ​റ​പ്പു​വ​രു​ത്തും വ​രെ തെ​ര​ച്ചി​ൽ തു​ട​ർ​ന്നു. ബോം​ബ് സ്ക്വാ​ഡും ഡോ​ഗ് സ്ക്വാ​ഡും സ്ഥ​ല​ത്ത് പ​രി​ശോ​ധ​ന ന​ട​ത്തി. മോ​ക് ഡ്രി​ല്ലി​ന്റെ ഭാ​ഗ​മാ​യി ന​ട​ന്ന സാ​ങ്ക​ല്പി​ക ആ​ക്ര​മ​ണ​ത്തി​ൽ ഒ​രാ​ൾ മ​രി​ച്ച​താ​യും പ​രി​ക്കേ​റ്റ​വ​രെ​യെ​ല്ലാം ആ​ശു​പ​ത്രി​യി​ലേ​ക്ക് മാ​റ്റി​യ​താ​യും സ്ഥി​തി​ഗ​തി​ക​ൾ വി​ല​യി​രു​ത്തി​യ ക​ള​ക്ട​ർ പ്ര​ഖ്യാ​പി​ച്ചു.

തു​ട​ർ​ന്ന് ന​ട​ന്ന അ​വ​ലോ​ക​ന​യോ​ഗ​ത്തി​ൽ വി​വി​ധ വ​കു​പ്പു​ക​ളി​ൽ​നി​ന്നു​ള്ള സം​ഘ​ങ്ങ​ളെ ന​യി​ച്ച ഉ​ദ്യോ​ഗ​സ്ഥ​ർ ഓ​രോ വി​ഭാ​ഗ​വും സ്വീ​ക​രി​ച്ച ന​ട​പ​ടി​ക​ൾ വി​ശ​ദീ​ക​രി​ച്ചു. ഫ​യ​ർ എ​ക്സ്റ്റിം​ഗ്വി​ഷ​ർ ഉ​പ​യോ​ഗി​ക്കു​ന്ന​തി​ന് ക​ള​ക്ട​റേ​റ്റ് ജീ​വ​ന​ക്കാ​ർ​ക്ക് അ​ഗ്നി​ര​ക്ഷാ​സേ​ന​യു​ടെ നേ​തൃ​ത്വ​ത്തി​ൽ പ്രാ​യോ​ഗി​ക പ​രി​ശീ​ല​ന​വും ന​ൽ​കി. ജി​ല്ലാ ക​ളക്‌ടർ ആ​നി ജൂ​ല തോ​മ​സി​ന്‍റെ മേ​ൽ​നോ​ട്ട​ത്തി​ൽ ദു​ര​ന്ത നി​വാ​ര​ണ വി​ഭാ​ഗ​ത്തി​ന്‍റെ നേ​തൃ​ത്വ​ത്തി​ലാ​ണ് മോ​ക്ഡ്രി​ൽ ന​ട​ന്ന​ത്.

Tags : Nattuvishesham District News DeepikaNews Mock drill