വടകര: കാറില് രേഖകളില്ലാതെ കൊണ്ടുപോകുകയായിരുന്ന ഒരു കോടിയിലേറെ രൂപ പോലീസ് പിടികൂടി. തൂഫാന് പരിശോധനക്കിറങ്ങിയ വടകര പോലീസും റൂറല് എസ്പിയുടെ നേതൃത്വത്തിലുള്ള ഡാന്സാഫ് സംഘവുമാണ് ഒരു കോടി നാലര ലക്ഷം രൂപ പിടികൂടിയത്.
ഒന്തംറോഡിലെ ജ്വല്ലറി ഉടമ മനോജ് സഞ്ചരിച്ച കാര് പരിശോധിച്ചപ്പോഴാണ് ഇത്രയും തുക കണ്ടെത്തിയത്.മഹാരാഷ്ട്രയില് നിന്ന് വരുന്ന കാറാണിതെന്ന് പോലീസ് പറഞ്ഞു. പിടികൂടിയ സ്ഥലത്ത് നിന്നുതന്നെ പോലീസ് പണം എണ്ണിത്തിട്ടപ്പെടുത്തി. പണവും പ്രതിയേയും എന്ഫോഴ്സ്മെന്റിന് കൈമാറുമെന്ന് പോലീസ് അറിയിച്ചു.
Tags : nattu vishesham Money laundering