പ്രതീകാത്മക ചിത്രം
നെയ്യാറ്റിന്കര: ഓണത്തെ വരവേറ്റ് താലൂക്കില് പലയിടത്തും ഓണച്ചന്തകള്ക്ക് തുടക്കമായി. നെയ്യാറ്റിന്കര നഗരസഭയിലെ പെരുന്പഴുതൂര് കൃഷി ഭവന്റെ ആഭിമുഖ്യത്തില് ആരംഭിച്ച ഓണച്ചന്ത നഗരസഭ ചെയര്പേഴ്സണ് ഡബ്ല്യൂ.ആര്. ഹീബ ഉദ്ഘാടനം ചെയ്തു.
പ്രിൻസിപ്പൽ കൃഷി ഓഫീസർ ഗിരീഷ് കുമാര്, നഗരസഭ കൗൺസിലർ സുപ്രിയ മഹേഷ്, കോൺഗ്രസ് നഗരസഭ ബ്ലോക്ക് കൺവീനർ മാമ്പഴക്കര രാജശേഖരൻനായർ, കൃഷിഭവൻ ഉദ്യോഗസ്ഥർ, കാർഷിക സമിതി അംഗങ്ങൾ എന്നിവർ പങ്കെടുത്തു.
അതിയന്നൂര് കൃഷി ഭവനില് ആരംഭിച്ച ഓണച്ചന്ത പഞ്ചായത്ത് പ്രസിഡന്റ് ടി. പ്രമീള ഉദ്ഘാടനം ചെയ്തു.
ഓണച്ചന്ത 25ന് സമാപിക്കുമെന്ന് കൃഷി ഓഫീസര് ഡോ. എസ്.ആര് കാവ്യ അറിയിച്ചു. നെല്ലിമൂട് സര്വീസ് സഹകരണ ബാങ്കിന്റെ ആഭിമുഖ്യത്തിലുള്ള ഓണച്ചന്തയുടെ ഉദ് ഘാടനം എന്. ശക്തന് എംഎല്എ നിര്വഹിച്ചു. സഹകരണ ബാങ്ക് പ്രസിഡന്റ് എം. പൊന്നയ്യന് അധ്യക്ഷനായി.
Tags : Nattuvishesham District News Onam markets