ജേതാക്കളായ ചാത്തമംഗലം ആർഇസി ഹയർ സെക്കൻഡറി സ്കൂൾ.
മുക്കം: ഡോൺ ബോസ്കോ കോളജ് സ്പോർട്സ് ക്ലബിന്റെ ആഭിമുഖ്യത്തിൽ ഹയർ സെക്കൻഡറി വിദ്യാർഥികൾക്കായി സംഘടിപ്പിച്ച ബോസ്കോ കപ്പ് 2കെ26 സീസൺ 3 ഫുട്ബോൾ ടൂർണമെന്റിൽ ആർഇസി ഹയർ സെക്കൻഡറി ചാത്തമംഗലം ജേതാക്കളായി.
കോഴിക്കോട് സെന്റ് ജോസഫ്സ് ബോയ്സ് ഹയർ സെക്കൻഡറി സ്കൂൾ ടീം റണ്ണറപ്പായി. ജില്ലയിലെ വിവിധ ഹയർ സെക്കൻഡറി സ്കൂളുകളിൽ നിന്നുള്ള ടീമുകൾ മത്സരത്തിൽ പങ്കെടുത്തു.ടൂർണമെന്റിന്റെ ഉദ്ഘാടനം ഡോൺ ബോസ്കോ കോളജ് മാനേജർ ഫാ. മാർട്ടിൻ അഗസ്റ്റിൻ നിർവഹിച്ചു. സമാപനച്ചടങ്ങിൽ മുക്കം നഗരസഭ കൗൺസിലർ റൈനിഷ് വിജയികൾക്ക് ട്രോഫികളും സമ്മാനങ്ങളും വിതരണം ചെയ്തു. കോളജ് പ്രിൻസിപ്പൽ ഫാ. ഡോ. ജോബി എം. ഏബ്രഹാം,ഡോൺ ബോസ്കോ കോളജ് സ്പോർട്സ് ക്ലബ് കോർഡിനേറ്റർ സന്തോഷ് അഗസ്റ്റ്യൻ,അധ്യാപകരായ ലിജു ജോസഫ്, സുധീഷ്, പ്രണവ് എന്നിവർ നേതൃത്വം നൽകി.
Tags : tournament Nattuvishesham Districtnews