റിപ്പണ്: ലഹരിവിരുദ്ധ സന്ദേശം ഉയർത്തി മാനന്തവാടി രൂപതയിലെ ഇടവകാംഗങ്ങൾക്ക് റിപ്പണിൽ സെന്റ് ജോസഫ്സ് പള്ളിയുടെ നേതൃത്വത്തിൽ സംഘടിപ്പിച്ച വടംവലി മത്സരത്തിൽ റിപ്പണ് സെന്റ് ജോസഫ്സ് ലെജൻസ് ടീം ജേതാക്കളായി. കുറുന്പാലക്കോട്ട സെന്റ് ജൂഡ്സ്, ദീപ്തിഗിരി കസിൻസ്, റിപ്പണ് സെന്റ് ജോസഫ്സ് വാരിയേഴ്സ് ടീമുകൾ യഥാക്രമം രണ്ട് മുതൽ നാലുവരെ സ്ഥാനം നേടി.
ടീമുകൾക്ക് 10,000, 7,500, 5,000, 3,000 രൂപ കാഷ് പ്രൈസും ട്രോഫിയും ലഭിച്ചു. മത്സരത്തിൽ അഞ്ച് മുതൽ എട്ട് വരെ സ്ഥാനം നേടിയ ടീമുകൾക്ക് 2,000 രൂപ വീതവും ഒന്പത് മുതൽ 15 വരെ സ്ഥാനം നേടിയ ടീമുകൾക്ക് 500 രൂപ വീതവും സമ്മാനം നൽകി. മികച്ച കോച്ചിനും ഉജ്വല പ്രകടനം കാഴ്ചവച്ച ഏഴ് താരങ്ങൾക്കും ട്രോഫി സമ്മാനിച്ചു. റിപ്പണ് ഇടവക വികാരി ഫാ.ഷിജു ഐക്കരക്കാനായിൽ സമ്മാന വിതരണം നിർവഹിച്ചു. സജി കോട്ടയം കമന്േററ്ററായി.
സാസ്കാരിക സമ്മേളനം മൂപ്പൈനാട് പഞ്ചായത്ത് പ്രസിഡന്റ് വി. കേശവൻ ഉദ്ഘാടനം ചെയ്തു. കെസിവൈഎം റിപ്പണ് യൂണിറ്റ് പ്രസിഡന്റ് ടിബിൻ പാറക്കൽ അധ്യക്ഷത വഹിച്ചു. ഫാ.ഷിജു ഐക്കരക്കാനായിൽ, സംഘാടക സമിതി കണ്വീനർ അനൂപ് പാലക്കലോടി എന്നിവർ പ്രസംഗിച്ചു. കൃഷി മന്ത്രി ടി. സിദ്ദിഖിന്റെ ആശംസ വായിച്ചു.
Tags : Rippon St. Joseph's