ബെല്ജിയത്തിന്റെ എന്ഗോയ് (15), മൊറെയ്റ എന്നിവരുടെ ഗോളാഘോഷം.
ബ്രസല്സ്: യുവേഫ നേഷന്സ് ലീഗ് ഫുട്ബോളില് ക്വാര്ട്ടര് കാണാതെ ഇറ്റലി പുറത്ത്. ഗ്രൂപ്പ് എ ഒന്നിലെ നിര്ണായക മത്സരത്തില് ബെല്ജിയത്തിനു മുന്നില് 4-1ന്റെ തോല്വി വഴങ്ങിയാണ് ഇറ്റലി പുറത്തായത്.
11-ാം മിനിറ്റില് പിയൊ എസ്പൊസിറ്റൊയുടെ ഗോളില് ലീഡ് നേടിയശേഷമായിരുന്നു ഇറ്റലിയുടെ തോല്വി എന്നതും ശ്രദ്ധേയം. മാക്സിം ഡി കൈപര് (15-ാം മിനിറ്റ്), നഥാന് എന്ഗോയ് (22-ാം മിനിറ്റ്), ജെറെമി ഡൊകു (26-ാം മിനിറ്റ്), ഡിയേഗൊ മൊറെയ്റ (80-ാം മിനിറ്റ്) എന്നിവരുടെ വകയായിരുന്നു ബെല്ജിയത്തിന്റെ ഗോളുകള്.
ഗ്രൂപ്പിലെ മറ്റൊരു മത്സരത്തില് ഫ്രാന്സ് 2-1നു തുര്ക്കിയെ കീഴടക്കി ഒന്നാം സ്ഥാനത്തു ഫിനിഷ് ചെയ്തു. 13 പോയിന്റുമായി ഫ്രാന്സ് ഗ്രൂപ്പ് ചാമ്പ്യന്മാരായി. 12 പോയിന്റുമായി ബെല്ജിയം രണ്ടാം സ്ഥാനത്തു ഫിനിഷ് ചെയ്തു. മൂന്നാം സ്ഥാനക്കാരായ ഇറ്റലിക്കു 10 പോയിന്റാണ്.
Tags : Italy UEFA Nations League Football Sports Belgium