കോതമംഗലം: കീരംപാറ ഇടവകയിൽ 70 വയസിനുമുകളിൽ പ്രായമുള്ള മാതാപിതാക്കളെ ആദരിക്കുന്ന ലൈഫ് ഈസ് ബ്യൂട്ടിഫ്യുൾ ചടങ്ങ് സംഘടിപ്പിച്ചു. ചടങ്ങിനു മുന്നോടിയായി മാതാപിതാക്കൾ കാഴ്ചയർപ്പണം നടത്തി. തുടർന്ന് നടന്ന ദിവ്യബലിക്ക് ഗോരക്പുർ ബിഷപ് മാർ മാത്യു നെല്ലിക്കുന്നേൽ മുഖ്യകാർമികത്വം വഹിച്ചു.
ജീവിതത്തിന്റെ ഏതൊരവസ്ഥയിലും സന്തോഷത്തോടെയും സമാധാനത്തോടെയും ആയിരിക്കുമ്പോഴാണ് ജീവിതം മനോഹരമാണെന്ന് പറയാൻ കഴിയുക. അതിനായി ദൈവം തന്ന അനുഗ്രഹങ്ങൾക്ക് നന്ദിപറയുകയും ദൈവത്തിലാശ്രയിക്കുകയും ചെയ്യണമെന്ന് ദിവ്യബലിമധ്യേ ബിഷപ് ഉദ്ബോധിപ്പിച്ചു.
ദിവ്യബലിക്കശേഷം നടന്ന സമ്മേളനത്തിൽ ഇടവക വികാരി ഫാ. മാത്യു കൊച്ചുപുരയ്ക്കൽ അധ്യക്ഷത വഹിച്ചു. ബിഷപ് എല്ലാ മാതാപിതാക്കൾക്കും സമ്മാനം നൽകി. ഇടവകവികാരി ബിഷപ്പിന് മൊമെൻറ്റോ നൽകി ആദരിച്ചു. ഇടവകയിലെ 100-ലധികം മാതാപിതാക്കൾ പങ്കെടുത്തു. ഫാമിലി അപ്പോസ്തലേറ്റ്, പിതൃവേദി, മാതൃവേദി സംഘടനകളുടെ നേതൃത്വത്തിലാണ് ചടങ്ങ് സംഘടിപിച്ചത്.
കൈക്കാരൻ മൈക്കിൾ തെക്കേകുടി, ഫാമിലി അപ്പോസ്തലേറ്റ് പ്രസിഡന്റ് ഷോജി കണ്ണംപുഴ, പിതൃവേദി പ്രസിഡന്റ് ജിജി പുളിക്കൽ, സൺൺഡേ സ്കൂൾ ഹെഡ്മിസ്ടിസ് ജിൻസി ജോമോൻ, സിസ്റ്റർ റാണി ടോം, മീഡിയ കോ-ഓഡിനേറ്റർ ജോൺസൻ കറുകപ്പിള്ളിൽ എന്നിവർ നേതൃത്വം നൽകി.
Tags : nattu vishesham Senior Citizens Day