10

കാ​ഞ്ഞി​ര​പ്പ​ള്ളി: പ​ഠ​ന പ്ര​വ​ർ​ത്ത​ന​ങ്ങ​ളോ​ടൊ​പ്പം വി​ദ്യാ​ർ​ഥി​ക​ളു​ടെ ശാ​രീ​രി​ക, മാ​ന​സി​കാ​രോ​ഗ്യ പ​രി​പാ​ല​ന​ത്തി​നാ​യി ത​മ്പ​ല​ക്കാ​ട് എ​ൻ​എ​സ്എ​സ് യു​പി സ്കൂ​ളി​ൽ നീ​ന്ത​ൽ, സൈ​ക്കി​ളിം​ഗ് പ​രി​ശീ​ല​നം ആ​രം​ഭി​ച്ചു. സം​സ്ഥാ​ന​ത്തുത​ന്നെ ആ​ദ്യ​മാ​യി​ട്ടാ​ണ് സ​ർ​ക്കാ​ർ എ​യ്ഡ​ഡ് സ്കൂ​ളി​ൽ സ്ഥി​ര​മാ​യി ക്ലാ​സി​നൊ​പ്പം നീ​ന്ത​ൽ, സൈ​ക്കി​ളിം​ഗ് പ​രി​ശീ​ല​നം സം​ഘ​ടി​പ്പി​ക്കു​ന്ന​തെ​ന്ന് പ്ര​ധാ​നാധ്യാ​പി​ക​യാ​യ ലേ​ഖ ജി. ​നാ​യ​ർ പ​റ​യു​ന്നു.

ദി​വ​സ​വും മു​ക്കാ​ൽ മ​ണി​ക്കൂ​ർ വീ​ത​മാ​യി യു​പി വി​ഭാ​ഗ​ത്തി​ലെ ആ​ൺ​കു​ട്ടി​ക​ൾ​ക്കാ​ണ് നി​ല​വി​ൽ പ​രി​ശീ​ല​നം ന​ൽ​കിവ​രു​ന്ന​ത്. ര​ക്ഷാ​ക​ർ​ത്താ​ക്ക​ൾ ന​ൽ​കി​യ സ​മ്മ​ത​പ​ത്ര​ത്തി​ന്‍റെ അ​ടി​സ്ഥാ​ന​ത്തി​ൽ 25 വി​ദ്യാ​ർ​ഥി​ക​ളാ​ണ് നീ​ന്ത​ൽ പ​രി​ശീ​ല​നം ന​ട​ത്തു​ന്ന​ത്.
സൈ​ക്കി​ൾ പ​ഠ​ന​ത്തി​നാ​യി സ്‌​കൂ​ളി​ലെ എ​ൽ​പി വി​ഭാ​ഗം വി​ദ്യാ​ർ​ഥി​ക​ള​ട​ക്കം പ​ങ്കെ​ടു​ക്കു​ന്നു​ണ്ട്. പെ​ൺ​കു​ട്ടി​ക​ൾ​ക്കും നീ​ന്ത​ൽ പ​രി​ശീ​ല​നം ഉ​ട​ൻ ആ​രം​ഭി​ക്കു​മെ​ന്ന് സ്‌​കൂ​ൾ അ​ധി​കൃ​ത​ർ അ​റി​യി​ച്ചു.

ക​ഴി​ഞ്ഞ വ​ർ​ഷം ന​ട​ന്ന സം​സ്ഥാ​ന സ്‌​കൂ​ൾ അ​ത്‌​ല​റ്റി​ക് മീ​റ്റി​ൽ നീ​ന്ത​ൽ മ​ത്സ​ര​ത്തി​ൽ ചാ​ന്പ്യ​നാ​യ കാ​ർ​ത്തി​ക് കൃ​ഷ്ണ​ദാ​സ് ഈ ​സ്‌​കൂ​ളി​ലെ വി​ദ്യാ​ർ​ഥി​യാ​യി​രു​ന്നു. കാ​ർ​ത്തി​കി​ന്‍റെ വി​ജ​യം സ്‌​കൂ​ളി​ന് പ്ര​ചോ​ദ​ന​മാ​കു​ക​യാ​യി​രു​ന്നു. ത​മ്പ​ല​ക്കാ​ട് സ്വ​ദേ​ശി​യാ​യ ച​ന്ദ്ര​മോ​ഹ​ൻ നാ​യ​രാ​ണ് ത​ന്‍റെ ഉ​ട​മ​സ്ഥ​ത​യി​ലു​ള്ള കു​ളം വി​ദ്യാ​ർ​ഥി​ക​ൾ​ക്ക് നീ​ന്ത​ൽ പ​രി​ശീ​ല​ന​ത്തി​നാ​യി സൗ​ജ​ന്യ​മാ​യി ന​ൽ​കി​യി​രി​ക്കു​ന്ന​ത്.

Tags : training NattuVishasham DistrictNews