28

ക​ട്ട​പ്പ​ന: ശ​ക്ത​മാ​യ മ​ഴ​യെത്തു​ട​ർ​ന്ന് കാ​ഞ്ചി​യാ​ർ ല​ബ്ബ​ക്ക​ട​യി​ൽ വ്യാ​പാ​രസ്ഥാ​പ​ന​ങ്ങ​ൾ പ്ര​വ​ർ​ത്തി​ച്ചി​രു​ന്ന കെ​ട്ടി​ട​ത്തി​ന്‍റെ മേ​ൽ​ക്കൂ​ര ത​ക​ർ​ന്നുവീ​ണു. ല​ബ്ബ​ക്ക​ട ടൗ​ണി​ൽ പ​ഞ്ചാ​യ​ത്ത് റോ​ഡി​ൽ സ്ഥി​തി ചെ​യ്തി​രു​ന്ന കൂ​ട്ടു​ങ്ക​ൽ ജോ​ർ​ജി​ന്‍റെ ഉ​ട​മ​സ്ഥ​ത​യി​ലു​ള്ള കെ​ട്ടി​ടത്തിന്‍റെ മേൽക്കൂരയാണ് ത​ക​ർ​ന്നുവീ​ണ​ത്. കെ​ട്ടി​ട​ത്തി​ൽ ബാ​ബു അ​ഞ്ചാ​നി, അ​നി​ൽ ചെ​മ്പ​ൻ​പു​രി​യി​ടം , ശ​ശീ​ദ​ര​ൻ എ​ന്നി​വ​രു​ടെ പ​ല​ച​ര​ക്കുക​ട​ക​ൾ, മി​നി കോ​ഫി ഷോ​പ്പ് എ​ന്നി​വ​യാ​ണ് പ്ര​വ​ർ​ത്തി​ച്ചി​രു​ന്ന​ത്.

ഇന്നലെ രാ​വി​ലെ 10.30 ഓ​ടെ​യാ​ണ് സം​ഭ​വം.​ ത​ക​ർ​ന്നു വീ​ഴു​ന്ന ശ​ബ്ദം കേ​ട്ട് ക​ട​യി​ൽ ഉ​ണ്ടാ​യി​രു​ന്ന ഉ​ട​മ​ക​ൾ അ​ട​ക്കം പു​റ​ത്തേ​ക്ക് ഇ​റ​ങ്ങി ഓ​ടി​യ​തി​നാ​ൽ ആ​ർ​ക്കും പ​രി​ക്കി​ല്ല. കെ​ട്ടി​ട​ത്തി​ന് മു​ൻ​പി​ൽ പാ​ർ​ക്ക് ചെ​യ്തി​രു​ന്ന കാ​റി​നു കേ​ടു​പാ​ടു​ക​ൾ സം​ഭ​വി​ച്ചു. അ​മ്പ​തോ​ളം വ​ർ​ഷം പ​ഴ​ക്ക​മു​ള്ള ഓ​ടിട്ട കെ​ട്ടി​ട​മാ​ണ് ത​ക​ർ​ന്ന​ത്.

മ​ഴ വെ​ള്ളം ഇ​റ​ങ്ങി വ്യാ​പാ​ര​സ്ഥാ​പ​ന​ത്തി​ൽ ഉ​ണ്ടാ​യി​രു​ന്ന​ സാ​ധ​ന​ങ്ങ​ൾ​ക്ക് നാ​ശം സം​ഭ​വി​ച്ചു .. നാ​ട്ടു​കാ​രു​ടെ​യും ക​ട ഉ​ട​മ​ക​ളു​ട​ടെ​യും നേ​തൃ​ത്വ​ത്തി​ൽ സാ​ധ​ന​ങ്ങ​ൾ മ​റ്റൊ​രു സ്ഥ​ല​ത്തേ​ക്ക് മാ​റ്റി.

Tags : Nattuvishesham Local News roof building collapsed