31

കൊ​ട്ടാ​ര​ക്ക​ര : സ്വ​കാ​ര്യ ധ​ന​കാ​ര്യ സ്ഥാ​പ​ന​ത്തി​ല്‍ സാ​മ്പ​ത്തി​ക തി​രി​മ​റി ന​ട​ത്തി​യ കേ​സി​ല്‍ ര​ണ്ടു​പേ​ര്‍ അ​റ​സ്റ്റി​ല്‍. വാ​ള​കം പൊ​ലി​ക്കോ​ട് മി​ഥു​ന്‍ നി​വാ​സി​ല്‍ മി​ഥു​ന്‍(26), വാ​ള​കം വ​യ​യ്ക്ക​ല്‍ ഫാ​ത്തി​മ മ​ന്‍​സി​ലി​ല്‍ ജാ​സ്മി(40) എ​ന്നി​വ​രെ​യാ​ണ് കൊ​ട്ടാ​ര​ക്ക​ര പോലീ​സ് അ​റ​സ്റ്റ് ചെ​യ്ത​ത്.

വ​യ​യ്ക്ക​ലി​ല്‍ പ്ര​വ​ര്‍​ത്തി​ക്കു​ന്ന ധ​ന​കാ​ര്യ സ്ഥാ​പ​ന​ത്തി​ലാ​ണ് ക്ര​മ​ക്കേ​ട് ന​ട​ത്തി​യ​ത്. കേ​സി​ലെ ര​ണ്ടാം പ്ര​തി മാ​നേ​ജ​ര്‍ രാ​ധാ​കൃ​ഷ്ണ പി​ള്ള നേ​ര​ത്തെ ആ​ത്മ​ഹ​ത്യ ചെ​യ്തി​രു​ന്നു. സ്ഥാ​പ​നം ഉ​ട​മ​യ്ക്ക് 1,46,79,000 രൂ​പ​യു​ടെ ന​ഷ്ട​മു​ണ്ടാ​ക്കി​യെ​ന്നാ​ണ് റി​പ്പോ​ര്‍​ട്ട്. ജാ​സ്മി 2025 ജ​നു​വ​രി എ​ട്ടി​ന് ഇ​വി​ടെ 974.2 ഗ്രാം ​സ്വ​ര്‍​ണം പ​ണ​യം​വ​ച്ച് പ​ണം വാ​ങ്ങി.

തു​ട​ര്‍​ന്ന് മാ​നേ​ജ​രു​മാ​യി ഉ​ണ്ടാ​ക്കി​യ ധാ​ര​ണ​യി​ല്‍ സ്വ​ര്‍​ണാ​ഭ​ര​ണ​ങ്ങ​ള്‍ തി​രി​കെ ന​ല്‍​കി. സ്ഥാ​പ​ന​ത്തി​ല്‍ പ​ല​പ്പോ​ഴാ​യി 30 പേ​ര്‍ പ​ണ​യം വ​ച്ചി​രു​ന്ന 655.4 ഗ്രാം ​സ്വ​ര്‍​ണ​വും ഇ​തേ രീ​തി​യി​ല്‍ മാ​റ്റി​യ​താ​യും ക​ണ്ടെ​ത്തി.

ഫി​നാ​ന്‍​സ് ഉ​ട​മ​യു​ടെ വി​ശ്വ​സ്ത​രാ​യി​രു​ന്നു മാ​നേ​ജ​രും ക്ലര്‍​ക്കും. അ​തു​കൊ​ണ്ടു​ത​ന്നെ കൂ​ടു​ത​ല്‍ പ​രി​ശോ​ധ​ന​ക​ള്‍ ന​ട​ത്തി​യി​രു​ന്നി​ല്ല. ഓ​ഡി​റ്റ് ന​ട​ത്തി​യ​പ്പോ​ഴാ​ണ് വ​ലി​യ തോ​തി​ല്‍ ക്ര​മ​ക്കേ​ട് ന​ട​ന്നി​ട്ടു​ള്ള​താ​യി ക​ണ്ടെ​ത്തി​യ​ത്. തു​ട​ര്‍​ന്നാ​ണ് ഉ​ട​മ കൊ​ട്ടാ​ര​ക്ക​ര പോ​ലീ​സി​ല്‍ പ​രാ​തി ന​ല്‍​കി​യ​ത്.

വി​ശ​ദ​മാ​യ അ​ന്വേ​ഷ​ണ​ത്തി​ല്‍ 30 ല​ക്ഷം രൂ​പ​യു​ടെ സ്വ​ര്‍​ണാ​ഭ​ര​ണ​ങ്ങ​ള്‍ വി​വി​ധ ധ​ന​കാ​ര്യ സ്ഥാ​പ​ന​ങ്ങ​ളി​ല്‍ പ​ണ​യം വ​ച്ച​തി​ന്‍റെ ര​സീ​തു​ക​ള​ട​കം ക​ണ്ടെ​ത്താ​നാ​യി. പ്ര​തി​ക​ളെ കോ​ട​തി റി​മാ​ന്‍​ഡ് ചെ​യ്തു. ക​സ്റ്റ​ഡി​യി​ല്‍ വാ​ങ്ങി കൂ​ടു​ത​ല്‍ തെ​ളി​വെ​ടു​പ്പ് ന​ട​ത്തു​മെ​ന്ന് ഡി​വൈ​എ​സ്പി എ​സ്. ഷെ​രീ​ഫ് അ​റി​യി​ച്ചു.

Tags : Nattuvishesham DistrictNews DeepikaNews arrested