പേ​രാ​മ്പ്ര: കേ​ന്ദ്ര സം​യോ​ജി​ത കീ​ട​നി​യ​ന്ത്ര​ണ കേ​ന്ദ്രം, സം​സ്ഥാ​ന കൃ​ഷി​വ​കു​പ്പ്, കേ​ര​ള കാ​ർ​ഷി​ക സ​ർ​വ​ക​ലാ​ശാ​ല​യു​ടെ കീ​ഴി​ലു​ള്ള പെ​സ്റ്റി​സൈ​ഡ് റെ​സി​ഡ്യൂ അ​ന​ലി​റ്റി​ക്ക​ൽ ല​ബോ​റ​ട്ട​റി എ​ന്നി​വ​യു​ടെ സ​ഹ​ക​ര​ണ​ത്തോ​ടെ കേ​ന്ദ്ര സ​ർ​ക്കാ​രി​ന്‍റെ എം​പി​ആ​ർ​എ​ൻ​എ​ൽ പ​ദ്ധ​തി​യു​ടെ ഭാ​ഗ​മാ​യി പേ​രാ​മ്പ്ര ബ്ലോ​ക്കി​ലെ ക​ർ​ഷ​ക​ർ​ക്കാ​യി സം​ഘ​ടി​പ്പി​ച്ച ദ്വി​ദി​ന സം​യോ​ജി​ത കീ​ട നി​യ​ന്ത്ര​ണ പ​രി​ശീ​ല​ന പ​രി​പാ​ടി സ​മാ​പി​ച്ചു.

പേ​രാ​മ്പ്ര ബി​എ​ൽ​എ​കെ​സി ബ്ലോ​ക്ക് പ​ഞ്ചാ​യ​ത്ത് ഹാ​ളി​ലാ​യി​രു​ന്നു പ​രി​ശീ​ല​നം. ദ്വി​ദി​ന പ​രി​ശീ​ല​ന പ​രി​പാ​ടി പേ​രാ​മ്പ്ര ബ്ലോ​ക്ക് പ​ഞ്ചാ​യ​ത്ത് പ്ര​സി​ഡ​ന്‍റ് മി​നി വ​ട്ട​ക്ക​ണ്ടി ഉ​ദ്ഘാ​ട​നം ചെ​യ്തു. കോ​ഴി​ക്കോ​ട് കേ​ന്ദ്ര സു​ഗ​ന്ധ വി​ള ഗ​വേ​ഷ​ണ കേ​ന്ദ്ര​ത്തി​ലെ സീ​നി​യ​ർ സ​യ​ന്‍റി​സ്റ്റ് ഡോ. ​മു​ഹ​മ്മ​ദ് ഫൈ​സ​ൽ പീ​രാ​ൻ ഇ​ഞ്ചി, കു​രു​മു​ള​ക് ഉ​ൾ​പ്പെ​ടെ​യു​ള്ള സു​ഗ​ന്ധ വ്യ​ഞ്ജ​ന വി​ള​ക​ളി​ലെ കീ​ട-​രോ​ഗ നി​യ​ന്ത്ര​ണ മാ​ർ​ഗ​ങ്ങ​ളെ​ക്കു​റി​ച്ച് ക്ലാ​സ് ന​യി​ച്ചു.

പേ​രാ​മ്പ്ര ബ്ലോ​ക്ക് കൃ​ഷി അ​സി. ഡ​യ​റ​ക്ട​ർ അ​ഞ്ജ​ലി എ ​ഹ​രി സു​സ്ഥി​ര കൃ​ഷി​യി​ൽ സം​യോ​ജി​ത കീ​ട നി​യ​ന്ത്ര​ണ​ത്തി​ന്‍റെ പ്രാ​ധാ​ന്യ​ത്തെ​ക്കു​റി​ച്ച് വി​ശ​ദീ​ക​രി​ച്ചു.
നെ​ല്ലി​ലെ വി​വി​ധ സം​യോ​ജി​ത കീ​ട-​രോ​ഗ നി​യ​ന്ത്ര​ണ മാ​ർ​ഗ​ങ്ങ​ൾ, വി​ള​ക​ളി​ലെ അ​വ​ശി​ഷ്ട വി​ഷാം​ശം എ​ന്നി​വ​യെ​ക്കു​റി​ച്ച് കേ​ന്ദ്ര സം​യോ​ജി​ത കീ​ട​നി​യ​ന്ത്ര​ണ കേ​ന്ദ്രം അ​സി. ഡ​യ​റ​ക്ട​ർ എ​ലി​സ​ബ​ത്ത് ജ​യ തോ​മ​സ് ക്ലാ​സ് ന​യി​ച്ചു. ആ​ഫ്രി​ക്ക​ൻ ഒ​ച്ചി​ന്‍റെ ഫ​ല​പ്ര​ദ​മാ​യ നി​യ​ന്ത്ര​ണ മാ​ർ​ഗ​ങ്ങ​ളെ കു​റി​ച്ച് ഡോ. ​പ്രെ​സ്റ്റി ജോ​ൺ ക്ലാ​സ് ന​യി​ച്ചു.

വാ​ഴ, തെ​ങ്ങ് എ​ന്നി​വ​യു​ടെ പ്ര​ധാ​ന കീ​ട-​രോ​ഗ ബാ​ധ​ക​ളും അ​വ​യു​ടെ സം​യോ​ജി​ത നി​യ​ന്ത്ര​ണ മാ​ർ​ഗ​ങ്ങ​ളും സം​ബ​ന്ധി​ച്ച് അ​സി. പ്ലാ​ന്‍റ് പ്രൊ​ട്ട​ക്ഷ​ൻ ഓ​ഫീ​സ​ർ​മാ​രാ​യ ഡോ. ​ര​ഞ്ചു​മോ​ൾ, രാ​കേ​ഷ് എ​ന്നി​വ​ർ വി​ശ​ദീ​ക​രി​ച്ചു. കേ​ന്ദ്ര കൃ​ഷി മ​ന്ത്രാ​ല​യം പു​തു​താ​യി വി​ക​സി​പ്പി​ച്ച എ​ൻ​പി​എ​സ്‌​എ​സ്‌ മൊ​ബൈ​ൽ ആ​പ്ലി​ക്കേ​ഷ​ന്‍റെ പ്ര​വ​ർ​ത്ത​ന​വും കാ​ർ​ഷി​ക മേ​ഖ​ല​യി​ലെ പ്രാ​യോ​ഗി​ക ഉ​പ​യോ​ഗ​വും സ​യി​ന്‍റി​ഫി​ക് അ​സി. അ​ഭി​ലാ​ഷ് വി​ശ​ദീ​ക​രി​ച്ചു.​കൃ​ഷി ഓ​ഫീ​സ​ർ ജി​ജോ ജോ​സ​ഫ്, കോ - ​ഓ​ർ​ഡി​നേ​റ്റ​ർ സു​രേ​ന്ദ്ര​ൻ പാ​ലേ​രി എ​ന്നി​വ​ർ പ്ര​സം​ഗി​ച്ചു.

Tags :