നെടുമ്പാശേരി: അതീവ ഗുരുതരാവസ്ഥയിലായ രണ്ട് രോഗികളെ ലക്ഷദ്വീപിൽ നിന്നും ചികിത്സയ്ക്കായി എറണാകുളത്ത് എത്തിച്ചു. തീരസംരക്ഷണ സേനയുടെ നേതൃത്വത്തിൽ കൊച്ചി അന്താരാഷ്ട്ര വിമാനത്താവളം വഴി എറണാകുളത്ത് എത്തിച്ചാണ് അടിയന്തര ചികിത്സ ലഭ്യമാക്കിയത് .
തീരസംരക്ഷണ സേന കവരത്തി ജില്ലാ ഹെഡ്ക്വാർട്ടേഴ്സും കൊച്ചിയിലെ കോസ്റ്റ് ഗാർഡ് എയർ എൻക്ലേവും ലക്ഷദ്വീപ് ഭരണകൂടവുമായി ചേർന്നാണ് രോഗികളെ ചികിത്സയ്ക്കായി കൊച്ചിയിൽ എത്തിച്ചത്. കവരത്തി, അഗത്തി എന്നിവിടങ്ങളിൽ നിന്നുമുള്ള അറുപതും അറുപത്താറും വയസുള്ളവരെയാണ് അസുഖ ബാധിതരായി ആശുപത്രിയിലെത്തിച്ചത്.
മെഡിക്കൽ സജ്ജീകരണങ്ങളുള്ള കോസ്റ്റ് ഗാർഡിന്റെ ഡോണിയർ വിമാനത്തിലാണ് ഇരുവരെയും ലക്ഷദ്വീപിൽ നിന്നും കൊച്ചിയിൽ എത്തിച്ചത്. ചിക്തസപൂർത്തീകരിച്ച് അസുഖം ഭേദമായതിനു ശേഷം ഇരുവരും ലക്ഷദ്വീപിലേക്ക് മടങ്ങും
Tags : Local News Nattuvishesham Ernakulam