ര​ണ്ടു പ​ക​ലി​ലെ​യും ഒ​രു രാ​ത്രി​യി​ലെ​യും ജ​ന​സ​മ്പ​ര്‍ക്ക​ത്തി​നു​ശേ​ഷം ഒ​രി​ക്ക​ല്‍കൂ​ടി പു​തു​പ്പ​ള്ളി​യു​ടെ മ​ടി​ത്ത​ട്ടി​ലേ​ക്ക് കു​ഞ്ഞൂ​ഞ്ഞെ​ത്തി, ചേ​ത​ന​യ​റ്റ ശ​രീ​ര​മാ​യി. മു​ന്‍നി​ശ്ച​യി​ച്ച​തി​ലും മ​ണി​ക്കൂ​റു​ക​ള്‍ വൈ​കി​യാ​ണ് ഉ​മ്മ​ന്‍ ചാ​ണ്ടി​യു​ടെ ഭൗ​തി​ക​ശ​രീ​രം വ​ഹി​ച്ചു​കൊ​ണ്ടു​ള്ള വി​ലാ​പ​യാ​ത്ര പു​തു​പ്പ​ള്ളി വീ​ട്ടി​ലേ​ക്ക് എ​ത്തി​യ​ത്. ഉ​ച്ച​ക​ഴി​ഞ്ഞ് 2.30ന് ​തി​രു​ന​ക്ക​ര മൈ​താ​ന​ത്തുനി​ന്നും ആ​രം​ഭി​ച്ച വി​ലാ​പയാ​ത്ര പു​തു​പ്പ​ള്ളി​യി​ലെ ക​രോ​ട്ട് വ​ള്ള​ക്കാ​ലി​ല്‍ വീ​ട്ടി​ലെ​ത്തി​യ​പ്പോ​ള്‍ സ​ന്ധ്യ​ മ​യ​ങ്ങി.

തി​രു​ന​ക്ക​ര മൈ​താ​ന​ത്തുനി​ന്നും ശാ​സ്ത്രി റോ​ഡ് വ​ഴി ക​ള​ക്ട​റേ​റ്റ് പ​ടി​ക്ക​ല്‍ എ​ത്തി​യ​പ്പോ​ള്‍ വ​ന്‍ ജ​നാ​വ​ലി മൃ​ത​ദേ​ഹ​ത്തെ പൊ​തി​ഞ്ഞു. അ​തി​വേ​ഗം ബ​ഹു​ദൂ​രം ന​ട​ന്നി​രു​ന്ന ഉ​മ്മ​ന്‍ ചാ​ണ്ടി​യു​ടെ വാ​ഹ​നം മ​ന്ദ​ം മന്ദമാ​യി നീ​ങ്ങി.

ക​ഞ്ഞി​ക്കു​ഴി ക​വ​ല​യും മാ​ങ്ങാ​ന​വും ക​ട​ക്കാ​ന്‍ മ​ണി​ക്കൂ​റു​ക​ള്‍ എ​ടു​ത്തു. വ​ലി​യ പു​രു​ഷാ​രം വാ​ഹ​ന​ത്തി​നു മു​മ്പി​ലും പി​ന്നി​ലു​മാ​യി ഒ​ഴു​കി ന​ട​ന്നു. പാ​ത​യോ​ര​ങ്ങ​ളി​ല്‍ സ്ത്രീ​ക​ളും കു​ട്ടി​ക​ളും പു​ഷ്പ​ങ്ങ​ളും ത​ങ്ങ​ളു​ടെ പ്രി​യ​പ്പെ​ട്ട കു​ഞ്ഞൂ​ഞ്ഞി​ന്‍റെ ചി​ത്ര​വും നെ​ഞ്ചോ​ടു ചേ​ര്‍ത്ത് കാ​ത്തുനി​ല്‍ക്കു​ക​യാ​യി​രു​ന്നു. കെ​ട്ടി​ട​ങ്ങ​ളു​ടെ മു​ക​ളി​ല്‍ മ​ര​ങ്ങ​ളു​ടെ മു​ക​ളി​ലും ഒ​ക്കെ ക​യ​റി ത​ങ്ങ​ളു​ടെ പ്രി​യ​പ്പെ​ട്ട നോ​താ​വി​നെ എ​ല്ലാ​വ​രും ഒ​രു നോ​ക്കു ക​ണ്ടു. ആ​റു മ​ണി​യോ​ടെ വി​റ​ങ്ങ​ലി​ച്ചു നി​ന്ന ജ​ന​ഹൃ​യ​ങ്ങ​ൾ വിതുന്പി.


നി​ര​വ​ധി ത​വ​ണ ത​ന്‍റെ ഔ​ദ്യോ​ഗി​ക വാ​ഹ​ന​ങ്ങ​ളി​ലും സ്വ​കാ​ര്യ വാ​ഹ​ന​ങ്ങ​ളി​ലും ക​ട​ന്നു​പോ​യ വ​ഴി​ക​ളി​ല്‍ കൈ​ക​ള്‍ ഉ​യ​ര്‍ത്തി അ​ഭി​വാ​ദ്യം ചെ​യ്ത ജ​ന​ങ്ങ​ള്‍ നി​റ​മി​ഴി​ക​ളോ​ടെ ഒ​രു​നോ​ക്കു​കാ​ണാ​ന്‍ കാ​ത്തു​നി​ല്‍പ്പു​ണ്ടാ​യി​രു​ന്നു.

ത​ന്‍റെ രാ​‌‌‌ഷ‌്ട്രീ​യ ജീ​വി​ത​ത്തി​ല്‍ ജ​ന​ങ്ങ​ളു​ടെ പ​രാ​തി​ക​ളും അ​വ​ലാ​തി​ക​ളും ക​ണ്ടു​കേ​ട്ടു പ​രി​ഹാ​രം ക​ണ്ടെ​ത്തി​യി​രു​ന്ന പു​തു​പ്പ​ള്ളി ക​രോ​ട്ട് വ​ള്ള​ക്കാ​ലി​ല്‍ വീ​ട്ടി​ലെ പ്രാ​ര്‍ഥ​നാ ശു​ശ്രൂ​ഷ​ക​ള്‍ക്കു ശേ​ഷം പു​തു​പ്പ​ള്ളി ക​വ​ല​യി​ല്‍ പു​തു​താ​യി നി​ര്‍മി​ക്കു​ന്ന വീ​ട്ടി​ലേ​ക്ക് എ​ത്തി​യ​പ്പോ​ഴും നാ​ട്ടു​കാ​ർ ഉ​മ്മ​ന്‍ ചാ​ണ്ടി​യെ പൊ​തി​ഞ്ഞ് കൂ​ടെത്ത​ന്നെ​യു​ണ്ടാ​യി​രു​ന്നു. തു​ട​ര്‍ന്ന് ഉ​മ്മ​ന്‍ ചാ​ണ്ടി ഏ​തു പ്ര​തി​സ​ന്ധി ഘ​ട്ട​ത്തി​ലും ഓ​ടി​യെ​ത്തു​ന്ന പു​തു​പ്പ​ള്ളി പ​ള്ളി​യി​ലേ​ക്ക് അ​ന്ത്യ​നി​ദ്ര​യ്ക്കാ​യി ജ​ന​ക്കൂ​ട്ട​ത്തെ കൂ​ടെക്കൂട്ടി മെ​ല്ലെ നീ​ങ്ങി​യ​പ്പോ​ള്‍ രാ​ത്രി വൈ​കി​യി​രു​ന്നു.

ഇ​നി പ​ള്ളി​യു​ടെ കി​ഴ​ക്കു​വ​ട​ക്കാ​യി വൈ​ദി​ക​രു​ടെ ക​ബ​റി​ട​ത്തി​നു​സ​മീ​പം പു​തി​യ ക​ല്ല​റ​യി​ല്‍ ഉ​മ്മ​ന്‍ ചാ​ണ്ടി​യെ​ന്ന ജനനായക​ന്‍റെ അ​ന്ത്യ​നി​ദ്ര.