പ്രതീകാത്മക ചിത്രം
ജിമ്മിൽ പോകുന്നു എന്ന് ആരോടെങ്കിലും പറഞ്ഞിട്ടുണ്ടോ?പറഞ്ഞ ഉടൻ കിട്ടുന്ന മറുപടികൾ ഇതൊക്കെയായിരിക്കും.
"ആഹാ, നീയോ? രണ്ട് ദിവസം കഴിഞ്ഞ് നിർത്തും!"
"കാശ് കളയാതെ വീട്ടിൽ എക്സർസൈസ് ചെയ്താ പോരെ?"
"നിനക്ക് എന്തിനാ ജിം?
നീ ഇങ്ങനെ തന്നെ നല്ലതല്ലേ?
അതുകൊണ്ട് തന്നെയാണ് പലരും ഇപ്പോൾ ഒരു തീരുമാനം എടുത്തിരിക്കുന്നത് - ജിമ്മിൽ പോകുന്ന കാര്യം ആരോടും പറയില്ല.
1. പറയുമ്പോൾ തുടങ്ങുന്ന പ്രഷർ
ജിമ്മിൽ പോകുന്നു എന്ന് പറഞ്ഞാൽ, പിന്നെ എല്ലാവരും നിന്റെ ശരീരം നോക്കാൻ തുടങ്ങും."എന്താ, ഇതുവരെ മെലിഞ്ഞില്ലേ?"
"മസിൽ ഒന്നും വന്നില്ലല്ലോ?"
"ഇത്ര നാളായിട്ടും മാറ്റമില്ലല്ലോ?
ഒരു മാസം കൊണ്ട് മാറ്റം വരില്ല എന്ന് നിനക്കറിയാം. പക്ഷേ മറ്റുള്ളവരുടെ ഈ ചോദ്യങ്ങൾ നിന്നെ മടുപ്പിക്കും. ഒടുവിൽ ജിം നിർത്താൻ തന്നെ തോന്നും.
2. നിന്റ ലക്ഷ്യം, നിന്റെ രഹസ്യം
ഫിറ്റ്നസ് എന്നത് മറ്റുള്ളവരെ കാണിക്കാനുള്ളതല്ല, നിന്നെ തന്നെ മെച്ചപ്പെടുത്താനുള്ളതാണ്.നീ എന്തിനാണ് ജിമ്മിൽ പോകുന്നത്? വണ്ണം കുറയ്ക്കാനോ, മസിൽ വെക്കാനോ, മാനസിക സമ്മർദ്ദം കുറയ്ക്കാനോ, ആത്മവിശ്വാസം കൂട്ടാനോ?അത് നിനക്ക് മാത്രം അറിയുന്ന ഒരു കാര്യമായിരിക്കട്ടെ.
3. സൈലന്റ് ആയി വർക്ക് ചെയ്ത്, റിസൾട്ട് കൊണ്ട് ഞെട്ടിക്കൂ
ഇതാണ് ഇപ്പോഴത്തെ ഏറ്റവും വലിയ ട്രെൻഡ് - Silent Discipline.ആരോടും പറയാതെ, സ്റ്റാറ്റസ് ഇടാതെ, ജിം സെൽഫി ഇടാതെ, നിശബ്ദമായി വർക്ക് ചെയ്യുക.മൂന്ന് മാസം കഴിഞ്ഞ് നീ ഒരു ഫംഗ്ഷന് പോകുമ്പോൾ, ആളുകൾ തന്നെ ചോദിക്കും - "എന്താ, ആകെ മാറിയല്ലോ?"അതാണ് യഥാർത്ഥ മാസ്!
4. മോട്ടിവേഷൻ കുറയാതിരിക്കാൻ
നീ ജിമ്മിൽ പോകുന്നു എന്ന് പറയുമ്പോൾ, പലരും നിന്നെ കളിയാക്കും. ചിലർ നിന്നെ വഴിതെറ്റിക്കാൻ ശ്രമിക്കും."ഇന്ന് ഒരു ദിവസം വിട്ടേക്ക്, നാളെ പോയാ മതി"
"ബിരിയാണി കഴിച്ചിട്ട് നാളെ മുതൽ ഡയറ്റ് തുടങ്ങാം"ആരോടും പറഞ്ഞില്ലെങ്കിൽ, ഈ ഡിസ്ട്രക്ഷൻ ഒന്നും ഉണ്ടാകില്ല.
ഓർക്കുക ജിം ഒരു ആഘോഷമല്ല, ഒരു ശീലമാണ്.
ശീലങ്ങൾ വിളിച്ച് പറയേണ്ടതില്ല, ചെയ്ത് കാണിക്കേണ്ടതാണ്.അതുകൊണ്ട് അടുത്ത തവണ ആരെങ്കിലും ചോദിച്ചാൽ, വെറുതെ ചിരിച്ചിട്ട് പറയൂ - "ഒന്നുമില്ല, ജസ്റ്റ് അങ്ങനെ പോകുന്നു.
നിന്റെ റിസൾട്ട് തന്നെ നിന്റെ ഉത്തരമാകട്ടെ!