തിരുവനന്തപുരം: മുൻവൈരാഗ്യത്തിന്‍റെ പേരില്‍ അയൽവാസിയെ കത്തി കൊണ്ട് കുത്തി പരിക്കേല്‍പ്പിച്ച കേസിലെ പ്രതിയെ വെള്ളറട പൊലിസ് പിടികൂടി. തേക്കുപാറ വെള്ളരിക്കുന്ന് സ്‌നേഹാ വീട്ടില്‍ ഉല്ലാസ് (41) ആണ് അറസ്റ്റിലായത്.

കുത്തേറ്റതിനെത്തുടർന്ന് സമീപവാസിയായ രതീഷ് കുമാര്‍ (30) ആശുപത്രിയില്‍ ചികിത്സയില്‍ കഴിയുകയാണ്. മുൻ വൈരാഗ്യത്തിന്‍റെ പേരില്‍ ഇയാൾ ആക്രമിക്കുകയായിരുന്നെന്ന രതീഷ് കുമാറിന്‍റെ മൊഴിയുടെ അടിസ്ഥാനത്തിലാണ് വെള്ളറട പൊലിസ് കേസ് രജിസ്റ്റര്‍ ചെയ്ത് അന്വേഷണം ആരംഭിച്ചത്.

പിന്നാലെ അയൽവാസിയായ അക്രമിയെ പിടികൂടുകയായിരുന്നു. കോതിയിൽ ഹാജരാക്കിയ പ്രതിയെ റിമാൻഡ് ചെയ്തു.

Tags : Crime Accused Arrested Stabbing Deepika DeepikaNewspaper BreakingNews NewsUpdate Headlines CurrentAffairs GlobalNews DailyNews InDepth NewsFlash