വി.അബ്ദുറഹിമാൻ
കൊച്ചി: മെസിയുടെ പേരിൽ നടന്ന തട്ടിപ്പിൽ മുൻ കായികമന്ത്രി വി.അബ്ദുറഹിമാൻ ഉൾപ്പെടെയുള്ളവർക്കെതിരെ നിർണായക നടപടി. മുൻ മന്ത്രി ഉൾപ്പെടെയുള്ളവരെ പ്രതി ചേർത്ത റിപ്പോർട്ട് പ്രത്യേക അന്വേഷണസംഘം ഉടൻ കോടതിയിൽ സമർപ്പിക്കും.
അഴിമതി നിരോധന നിയമപ്രകാരമുള്ള കുറ്റങ്ങളാണ് പ്രതികൾക്കെതിരെ ചുമത്തിയിരിക്കുന്നത്. പരമാവധി 10 വർഷം വരെ ശിക്ഷ ലഭിക്കാവുന്നതാണ് ചുമത്തിയിരിക്കുന്ന വകുപ്പുകൾ. അബ്ദുറഹിമാനെ കൂടാതെ അദ്ദേഹത്തിന്റെ പ്രൈവറ്റ് സെക്രട്ടറിയായിരുന്ന സി.സത്യപാലൻ, സ്പോർട്സ് കൗൺസിൽ മുൻ പ്രസിഡന്റ് യു.ഷറഫലി എന്നിവരെയും പ്രതി ചേർത്തിട്ടുണ്ട്.
സ്പോൺസർക്ക് അന്യായമായ ലാഭം ഉണ്ടാക്കാൻ വേണ്ടി ഔദ്യോഗിക പദവി ദുരുപയോഗം ചെയ്ത മുൻ മന്ത്രി ഇടപെടൽ നടത്തിയെന്നാണ് അന്വേഷണസംഘത്തിന്റെ കണ്ടെത്തൽ. കേസിൽ റിപ്പോർട്ടർ ടിവി മാനേജിംഗ് എഡിറ്റർ ആന്റോ അഗസ്റ്റിനാണ് ഒന്നാംപ്രതി.