Image for representation
കണ്ണൂർ: സംസ്ഥാനത്ത് അഞ്ചു ജില്ലകളിൽ ഇഡി റെയ്ഡ്. കാസർഗോഡ്, കണ്ണൂർ, കോഴിക്കോട്, മലപ്പുറം, പാലക്കാട് ജില്ലകളിലാണ് ഇഡി പരിശോധന നടത്തുന്നത്. ഫെമ, ഹവാല, സ്വർണക്കടത്ത് കേസുകളിലാണ് ഈ ജില്ലകളിൽ പത്തിടങ്ങളിലായി വ്യാപക പരിശോധന നടത്തുന്നത്.
കണ്ണൂരിൽ ചക്കരക്കല്ല് ഇരിവേരിയിലും കാസർഗോട്ടെ തളങ്കര ബാങ്കോടും ചെമ്പിരിക്ക ചന്ദ്രഗിരിയിലും കോഴിക്കോട് കുന്ദമംഗലത്തും കൊയിലാണ്ടി മടക്കരയിലും മലപ്പുറത്ത് വേങ്ങര, താനൂർ എന്നിവിടങ്ങളിലും പാലക്കാട് കുമരനല്ലൂരിലുമാണ് വീടുകൾ കേന്ദ്രീകരിച്ച് നിലവിൽ പരിശോധന നടക്കുന്നത്.
സ്വർണക്കടത്ത്, ഹവാല, ഫെമ എന്നിവയുമായി ബന്ധപ്പെട്ട രേഖകളും ഡിജിറ്റൽ തെളിവുകളുമാണ് പ്രധാനമായും അന്വേഷിക്കുന്നത്. ഇഡി കൊച്ചി യൂണിറ്റിന്റെ നേതൃത്വത്തിൽ നടക്കുന്ന റെയിഡിൽ. സ്വർണക്കടത്ത്, ഹവാല ഇടപാടുകൾ വഴിയുള്ള അനധികൃത ഇടപാടുകളും കള്ളപ്പണം വെളുപ്പിക്കലും സംബന്ധിച്ച വിവരങ്ങളുടെ അടിസ്ഥാനത്തിലാണ് പരിശോധന.
Tags : ED Raid Kerala Fema GoldSmuggling