ആ​ല​പ്പു​ഴ: നെ​ൽ​വി​ത്തു ക്ഷാ​മം മൂ​ലം കു​ട്ട​നാ​ട്ടി​ൽ ര​ണ്ടാം കൃ​ഷി​ക്ക് പി​ന്നാ​ലെ പു​ഞ്ച ക്കൃഷിയും താ​ളം തെ​റ്റു​ന്നു. കു​ട്ട​നാ​ട​ൻ ക​ർ​ഷ​ക​ർ സ​ർ​ട്ടി​ഫൈ​ഡ് നെ​ൽ​വി​ത്ത് വാ​ങ്ങാ​ൻ പാ​ല​ക്കാ​ട്ടേ​ക്കു പോ​ക​ണ​മെ​ന്ന് ഉ​ത്ത​ര​വി​റ​ക്കി കൃ​ഷിവ​കു​പ്പ്.

കേ​ര​ള സ്റ്റേ​റ്റ് സീ​ഡ് ഡെ​വ​ല​പ്മെ​ന്‍റ് അ​ഥോ​റി​റ്റി വ​ഴി സ​ർ​ക്കാ​രാ​ണ് ഒ​രേ​ക്ക​റി​ന് 40 കി​ലോ നെ​ൽ​വി​ത്ത് ക​ർ​ഷ​ക​ർ​ക്ക് ന​ൽ​കു​ന്ന​ത്. എ​ന്നാ​ൽ ഇ​ങ്ങ​നെ ന​ൽ​കാ​ൻ നെ​ൽ​വി​ത്ത് പാ​യ്ക്ക് ചെ​യ്യു​ന്ന​തി​ലുണ്ടാ യ കാ​ല​താ​മ​സ​മാ​ണ് നെ​ൽ​വി​ത്ത് വി​ത​ര​ണ​ത്തി​ൽ വ​ന്ന​തെ​ന്ന് കൃ​ഷി​വ​കു​പ്പ് ഉ​ദ്യോ​ഗ​സ്ഥ​ർ പ​റ​യു​ന്നു. പു​ഞ്ച​ക്കൃ​ഷി​ക്കു​ള്ള വി​ത സ​മ​യം പി​ന്നി​ട്ട​തോ​ടെ ക​ർ​ഷ​ക​രി​ൽനി​ന്നു​ള്ള പ്ര​തി​ഷേ​ധം ശ​ക്ത​മാ​യ​തിനെത്തുടര്‍ന്നാണ് കൃ​ഷി വ​കു​പ്പ് സ്പെ​ഷ​ൽ സെ​ക്ര​ട്ട​റി പു​തി​യ നി​ർ​ദേ​ശ​മി​റ​ക്കി​യ​ത്.

ക​ർ​ഷ​ക​ർ പാ​ട​ശേ​ഖ​രസ​മി​തി​ക​ൾ വ​ഴി വാ​ഹ​നം ഏ​ർ​പ്പാ​ടാ​ക്കി പാ​ല​ക്കാ​ട് സീ​ഡ് അ​ഥോ​റി​റ്റി​യു​ടെ ഗോ​ഡൗ​ണി​ൽ കൃ​ഷി ഓ​ഫീ​സ​റു​ടെ ലെ​റ്റ​റു​മാ​യി എ​ത്തി​യാ​ൽ വി​ത്ത് ന​ൽ​കു​മെ​ന്നാ​ണ് സ​ർ​ക്കാ​ർ ഉ​ത്ത​ര​വി​ൽ പ​റ​യു​ന്ന​ത്. ഇ​തി​നു ചെ​ല​വാ​കു​ന്ന വാ​ഹ​ന കൂ​ലി സീ​ഡ് അ​ഥോ​റി​റ്റി അം​ഗീ​ക​രി​ച്ച നി​ര​ക്കി​ൽ പാ​ട​ശേ​ഖ​ര​സ​മി​തി​യു​ടെ ലെ​റ്റ​ർ​പാ​ഡി​ൽ ആ​വ​ശ്യ​പ്പെ​ട്ടാ​ൽ പി​ന്നീ​ട് ന​ൽ​കാ​മെ​ന്നാ​ണ് ഉ​ത്ത​ര​വി​ലു​ള്ള​ത്. വി​ത്ത് വാ​ഹ​ന​ത്തി​ലേ​ക്കു ക​യ​റ്റു​ന്ന​തി​നു​ള്ള ചെ​ല​വ് സ​ർ​ക്കാ​ർ വ​ഹി​ക്കും. ഇ​റ​ക്കു​ന്ന​തി​നു​ള്ള കൂ​ലി ക​ർ​ഷ​ക​ർ ത​ന്നെ ന​ൽ​ക​ണം. കി​ലോ​ഗ്രാ​മി​ന് 42 രൂ​പ നി​ര​ക്കും നി​ശ്ച​യി​ച്ചി​ട്ടു​ണ്ട്.

വ​ണ്ടി​ക്കൂ​ലി​യും ഇ​റ​ക്കു​കൂ​ലി​യും ക​ഴി​ഞ്ഞാ​ൽ ക​ർ​ഷ​ക​ന് പി​ന്നെ എ​ന്തു ല​ഭി​ക്കു​മെ​ന്നാ​ണ് ക​ർ​ഷ​ക​ർ ചോ​ദി​ക്കു​ന്ന​ത്. കാ​ർ​ഷി​ക ക​ല​ണ്ട​ർ പ്ര​കാ​രം തു​ലാം പ​ത്തി​നു മു​ന്പ്, അ​താ​യ​ത്, ഒ​ക്ടോ​ബ​ർ 25നു ​മു​ന്പാ​ണ് വി​ത തീ​ർ​ക്കേ​ണ്ട​ത്. എ​ങ്കി​ലേ കൃ​ത്യ​സ​മ​യ​ത്ത് വി​ള​വെ​ടു​പ്പ് പൂ​ർ​ത്തി​യാ​ക്കാ​നാ​കൂ.

കു​ട്ട​നാ​ട്ടി​ൽ ഒ​രേ​ക്ക​റി​ന് 50- 60 കി​ലോ വി​ത്താ​ണ് വി​ത​യ്ക്കാ​ൻ ആ​വ​ശ്യ​മു​ള്ള​ത്. എ​ന്നാ​ൽ, സ​ർ​ക്കാ​ർ ന​ൽ​കു​ന്ന​ത് 40 കി​ലോ മാ​ത്ര​മാ​ണ്. ബാ​ക്കി വ​രു​ന്ന വി​ത്ത് ക​ർ​ഷ​ക​ർ പ​ണം മു​ട​ക്കി​യാ​ണ് വാ​ങ്ങു​ന്ന​ത്. ഇ​ങ്ങ​നെ വാ​ങ്ങി​യ​തി​ന്‍റേ​ത് ഉ​ൾ​പ്പ​ടെ സ​ർ​ക്കാ​ർ ന​ൽ​കി​യ പ​ല വാ​ഗ്ദാ​ന​ങ്ങ​ളു​ടെ​യും 2024 മു​ത​ലു​ള്ള തു​ക ക​ർ​ഷ​ക​ർ​ക്ക് ഇ​നി​യും ല​ഭി​ച്ചി​ട്ടി​ല്ലെ​ന്ന് അ​വ​ർ പ​റ​യു​ന്നു.

24,800 ഹെ​ക്ട​റി​ലാ​ണ് കു​ട്ട​നാ​ട്ടി​ൽ ഇ​ത്ത​വ​ണ പു​ഞ്ച​ക്കൃഷി ന​ട​ക്കു​ന്ന​ത്. ഇ​തി​ൽ 80 ശ​ത​മാ​നം പാ​ട​ശേ​ഖ​ര​ങ്ങ​ളി​ലും വി​ത ക​ഴി​ഞ്ഞ​താ​യാ​ണ് കൃ​ഷിവ​കു​പ്പ് പ​റ​യു​ന്ന​ത്. എ​ന്നാ​ൽ കു​ട്ട​നാ​ട്ടിലെ ര​ണ്ടാം കൃ​ഷി​യും പു​ഞ്ചക്കൃഷിയും ചെ​യ്യു​ന്ന നെ​ടു​മു​ടി കൃ​ഷി​ഭ​വ​നു കീ​ഴി​ലെ ക​ർ​ഷ​ക​ർ പ​ല​രും കൃ​ഷി ഉ​പേ​ക്ഷി​ക്കു​ക​യാ​ണ്. 36 പാ​ട​ശേ​ഖ​ര​ങ്ങ​ളി​ലാ​യി 5000 ഏ​ക്ക​റി​ൽ കൃ​ഷി ന​ട​ക്കു​ന്ന ഇ​വി​ടെ പ​ത്തു​പാ​ട​ശേ​ഖ​ര​ങ്ങ​ളി​ലാ​യി 1000 ഏ​ക്ക​റി​ൽ മാ​ത്ര​മാ​ണ് ഇ​ത്ത​വ​ണ പു​ഞ്ച ക്കൃഷി ഇ​റ​ക്കു​ന്ന​ത്. 26 പാ​ട​ശേ​ഖ​ര​ങ്ങ​ളി​ലെ 4000 ഏ​ക്ക​റി​ലെ കൃ​ഷി​യാ​ണ് ക​ർ​ഷ​ക​ർ ഉ​പേ​ക്ഷി​ച്ച​ത്.

ത​ണ്ണീ​ർ​മു​ക്കം ബ​ണ്ടി​ന്‍റെ ഷ​ട്ട​ർ ഡി​സം​ബ​ർ 15നാ​ണ് അ​ട​യ്ക്കു​ന്ന​തെ​ങ്കി​ലും ത​ക​ർ​ന്നുകി​ട​ക്കു​ന്ന തോ​ട്ട​പ്പ​ള്ളി സ്പി​ൽ​വേ വ​ഴി വ​രു​ന്ന ഉ​പ്പു​വെ​ള്ളം കൃ​ഷി ന​ശി​പ്പി​ക്കു​ന്ന​തി​നാ​ലാ​ണ് നെ​ടു​മു​ടി, കൈ​ന​ക​രി, അ​മ്പ​ല​പ്പു​ഴ, പു​ന്ന​പ്ര, പു​റ​ക്കാ​ട് തു​ട​ങ്ങി​യ സ്ഥ​ല​ങ്ങ​ളി​ലെ ക​ർ​ഷ​ക​ർ പു​ഞ്ച​ക്കൃഷി ഉ​പേ​ക്ഷി​ക്കു​ന്ന​ത്.

പ്ര​കൃ​തി​ദു​ര​ന്ത​മാ​യി ക​ണ​ക്കാ​ക്കാ​ത്ത​തി​നാ​ൽ ഉ​പ്പു ജ​ലം ക​യ​റി​യു​ള്ള കൃ​ഷി​നാ​ശ​ത്തി​ന് വി​ള ഇ​ൻ​ഷ്വ​റ​ൻ​സ് പ്ര​കാ​ര​മു​ള്ള ന​ഷ്ട​പ​രി​ഹാ​ര​വും ല​ഭി​ക്കി​ല്ല. ഉ​പ്പു​ജ​ലം ക​യ​റു​ന്ന​തി​ന് പ​രി​ഹാ​രം ഉ​ണ്ടാ​യാ​ൽ ഏ​ക്ക​ർക​ണ​ക്കി​ന് പാ​ട​ങ്ങ​ളി​ൽ പു​ഞ്ചക്കൃഷി ന​ട​ക്കും. ക​ഴി​ഞ്ഞ ര​ണ്ടാം കൃ​ഷി​ക്കും വി​ത്ത് എ​ത്താ​ൻ താ​മ​സി​ച്ച​തി​നാ​ൽ കൃ​ഷി താ​മ​സി​ച്ചി​രു​ന്നു. കാ​ർ​ഷി​ക ക​ല​ണ്ട​ർ താ​ളം തെ​റ്റു​ന്ന​തി​നാ​ൽ മ​ഴ​യി​ലും മ​റ്റും കൃ​ഷി​നാ​ശം ഉ​ണ്ടാ​യി പ​റ​യാ​നാ​വാ​ത്ത ന​ഷ്ട​മാ​ണ് ക​ർ​ഷ​ക​ർ​ക്ക് സം​ഭ​വി​ക്കു​ന്ന​ത്.

കെഎ​സ്എ​സ്ഡിഎ പ്ര​വ​ർ​ത്ത​നം താ​ളം​തെ​റ്റി

കേ​ര​ള സ്റ്റേ​റ്റ് സീ​ഡ് ഡെവ​ല​പ്മെ​ന്‍റ് അ​ഥോ​റി​റ്റി (കെഎ​സ്​എ​സ്ഡിഎ) പാ​ല​ക്കാ​ട്ടു​നി​ന്നു സം​ഭ​രി​ക്കു​ന്ന വി​ത്തു​ക​ൾ സം​സ്ക​രി​ച്ച് ഏ​തു പാ​ട​ശേ​ഖ​ര​ത്തി​ലെ വി​ത്തെ​ന്നു രേ​ഖ​പ്പെ​ടു​ത്തി​യാ​യി​രു​ന്നു കു​ട്ട​നാ​ട്ടി​ലേ​ക്ക് എ​ത്തി​ച്ചി​രു​ന്ന​ത്. ഇ​വി​ടെ ക​രാ​റു​കാ​ർ വി​ത്തു സം​സ്ക​രി​ച്ചു വി​ത​ര​ണം ചെ​യ്യു​ന്ന​തി​ൽ വീ​ഴ്ച​ വ​രു​ത്തി​യ​താ​ണ് കു​ട്ട​നാ​ട്ടി​ലെ ക​ർ​ഷ​ക​ർ​ക്കു വെ​ല്ലു​വി​ളി​യാ​യ​ത്. ക​ർ​ഷ​ക​ർ നേ​രി​ട്ടു വി​ത്തെ​ടു​ക്കാ​ൻ പോ​കു​മ്പോ​ൾ വി​ത്തി​ന്‍റെ കൃ​ത്യ​ത ഉ​റ​പ്പാ​ക്കാ​നാ​കി​ല്ല.​

Tags : Kuttanad Puncha Cultivation Disrupted Deepika DeepikaNewspaper BreakingNews NewsUpdate Headlines CurrentAffairs GlobalNews DailyNews InDepth NewsFlash