500 വിദ്യാര്‍ഥികള്‍ക്ക് ലാപ്‌ടോപ് വിതരണം ചെയ്ത ു
1376194
Wednesday, December 6, 2023 7:05 AM IST
കോഴിക്കോട്: നാഷണല്‍ എന്‍ജിഒ കോണ്‍ഫെഡറേഷന്‍ ഡിജിറ്റല്‍ ട്രാന്‍സ്‌ഫോര്‍മേഷന്‍ പ്രോഗ്രാമിന്റെ ഭാഗമായി ദേവഗിരി സെന്‍റ് ജോസഫ് കോളജില്‍ കമ്യൂണിറ്റി യൂത്ത് എംപവര്‍മെന്‍റ് പ്രോഗ്രാം നടത്തി. മൂന്നാംഘട്ടത്തില്‍ 500 വിദ്യാര്‍ഥികള്‍ക്കാണ് ലാപ്‌ടോപ്പ് വിതരണം ചെയ്തത്. ഡെപ്യൂട്ടി കളക്ടര്‍ ഷാമിന്‍ സെബാസ്റ്റ്യന്‍ ഉദ്ഘാടനം നിര്‍വഹിച്ചു.
നാഷണല്‍ എന്‍ജിഒ കോണ്‍ഫെഡറേഷന്‍ ദേശിയ ചെയര്‍മാന്‍ കെ.എന്‍. ആനന്ദകുമാര്‍ മുഖ്യാതിഥിയായിരുന്നു. ദേശീയ കോ-ഓര്‍ഡിനേറ്റര്‍ അനന്തുകൃഷ്ണന്‍ മുഖ്യ പ്രഭാഷണം നടത്തി. എന്‍ജിഒ ജില്ലാ പ്രസിഡന്‍റ് മോഹനന്‍ കോട്ടൂര്‍ അധ്യക്ഷത വഹിച്ചു.ദേവഗിരി സെന്‍റ് ജോസഫ് കോളജ് പ്രിന്‍സിപ്പല്‍ ഡോ.സതീഷ് ജോര്‍ജ് ,കോളജ് അഡ്മിനിസ്‌ട്രേറ്റര്‍ ഫാ.ബോണി അഗസ്റ്റ്യന്‍, നാഷണല്‍ എന്‍ജിഒ കോണ്‍ഫെഡറേഷന്‍ ദേശീയ എക്‌സീക്യൂട്ടീവ് അംഗം ബേബി കിഴക്കേഭാഗം, സ്റ്റാര്‍സ് എക്സിക്യൂട്ടീവ് ഡയറക്ടര്‍ ഫാ.ജോസ് പ്രകാശ്, എന്‍ജിഒ ജില്ലാ സെക്രട്ടറി പി.സുരേഷ് ബാബു എന്നിവർ സംസാരിച്ചു.