കോ​ഴി​ക്കോ​ട് താ​ലൂ​ക്ക് ത​ഹ​സി​ൽ​ദാ​ർ കൈ​യേറി​യ ഭൂ​മി പൊ​ളി​ച്ചു നീ​ക്കി
Monday, July 22, 2019 1:05 AM IST
മു​ക്കം: കോ​ഴി​ക്കോ​ട് താ​ലൂ​ക്ക് ഭൂ​രേ​ഖാ ത​ഹ​സി​ൽ​ദാ​ർ അ​നി​ത​കു​മാ​രി​യും കു​ടും​ബ​വും കെെ​യേറി​യ പു​റ​മ്പോ​ക്ക് ഭൂ​മി സ്വ​യം ഒ​ഴി​ഞ്ഞു കൊ​ടു​ത്തു.

ഭൂ​മി കൈ​യേറി നി​ർ​മി​ച്ച ന​ട​വ​ഴി​യും കെ​ട്ടി​ട​വും സ്വ​ന്തം ചെല​വി​ൽ പൊ​ളി​ച്ചു മാ​റ്റു​ക​യാ​യി​രു​ന്നു. ഹൈ​ക്കോ​ട​തി നി​ർ​ദേ​ശ പ്ര​കാ​രം ന​ട​ത്തി​യ പ​രി​ശോ​ധ​ന​യി​ലാ​ണ് ഇ​വ​രു​ടെ മു​ക്കം- കു​റ്റി​പ്പാ​ല റോ​ഡി​ലെ വീ​ടി​നോ​ട് ചേ​ർ​ന്ന മൂ​ന്ന് സെ​ന്‍റ് ഭൂ​മി​യോ​ളം കൈ​യേറി​യ​താ​യി ക​ണ്ടെ​ത്തി​യി​രു​ന്ന​ത്.

പ​രി​ശോ​ധ​നാ റി​പ്പോ​ർ​ട്ട് ജി​ല്ലാ ക​ള​ക്ട​ർ​ക്ക് കൈ​മാ​റി​യി​രു​ന്നു. റി​പ്പോ​ർ​ട്ടി​ന്‍റെ അ​ടി​സ്ഥാ​ന​ത്തി​ൽ ത​ഹ​സി​ൽ​ദാ​ർ​ക്കെ​തി​രേ വ​കു​പ്പ് ത​ല ന​ട​പ​ടി​ക​ൾ അ​ട​ക്ക​മു​ള്ള​വ സ്വീ​ക​രി​ക്കാ​നി​രി​ക്കെ​യാ​ണ് ഇ​ന്ന​ലെ കെെ​യേറ്റം പൊളിച്ചത്. ത​ഹ​സി​ൽ​ദാ​ർ ഭൂ​മി കൈ​യേറി​യ​താ​യി ആ​രോ​പി​ച്ച് കോ​ഴി​ക്കോ​ട് സ്വ​ദേ​ശി​യാ​യ ര​ത്നാ​ക​ര​ൻ ഉ​ന്ന​ത ഉ​ദ്യോ​ഗ​സ്ഥ​ർ​ക്ക് പ​രാ​തി ന​ൽ​കി​യ​തി​ന്‍റെ അ​ടി​സ്ഥാ​ന​ത്തി​ൽ മു​ൻ​പ് ന​ട​ത്തി​യ പ​രി​ശോ​ധ​ന​യി​ൽ ഭൂ​മി കെെ​യേറി​യി​ട്ടി​ല്ലെ​ന്ന് ക​ണ്ടെ​ത്തി​യി​രു​ന്നു. ഇ​ത് സം​ബ​ന്ധി​ച്ച് വീ​ണ്ടും കോ​ഴി​ക്കോ​ട് ക​ള​ക്ട​ർ​ക്ക് ന​ൽ​കി​യ പ​രാ​തി​യി​ൽ ന​ട​പ​ടി ഇ​ല്ലാ​തി​രു​ന്ന​തോ​ടെ​യാ​ണ് പ​രാ​തി​ക്കാ​ര​ൻ ഹൈ​ക്കോ​ട​തി​യെ സ​മീ​പി​ച്ച​ത്. ഹൈ​ക്കോ​ട​തി​യു​ടെ നി​ർ​ദേ​ശ പ്ര​കാ​രം ജി​ല്ലാ സ​ർ​വേ സൂ​പ്ര​ണ്ട് വീ​രേ​ന്ദ്ര​കു​മാ​റി​ന്‍റെ നേ​തൃ​ത്വ​ത്തി​ൽ ന​ട​ത്തി​യ സ​ർ​വെ​യി​ലാ​ണ് മൂ​ന്ന് സെ​ന്‍റ് ഭൂ​മി കൈ​യേറി​യ​താ​യി ക​ണ്ടെ​ത്തി​യ​ത്.