തൊ​ണ്ടാ​ർ പ​ദ്ധ​തി: പ്രതിഷേധം അലയടിച്ച് സമരസംഗമം
Monday, January 18, 2021 11:45 PM IST
ക​ൽ​പ്പ​റ്റ: എ​ട​വ​ക പ​ഞ്ചാ​യ​ത്തി​ലെ മൂ​ളി​ത്തോ​ടി​ൽ മ​ണ്ണ​ണ നി​ർ​മി​ച്ചു തൊ​ണ്ടാ​ർ ജ​ല​സേ​ച​ന പ​ദ്ധ​തി പ്രാ​വ​ർ​ത്തി​ക​മാ​ക്കാ​നു​ള്ള നീ​ക്ക​ത്തി​നെ​തി​രെ ഡാം ​വി​രു​ദ്ധ ആ​ക്ഷ​ൻ കൗ​ണ്‍​സി​ൽ മു​ളി​ത്തോ​ട് എ.​എ​ൽ.​പി സ്കൂ​ൾ ഗ്രൗ​ണ്ടി​ൽ സം​ഘ​ടി​പ്പി​ച്ച സ​മ​ര​സം​ഗ​മം ജ​ന​പ​ങ്കാ​ളി​ത്തം​കൊ​ണ്ടു ശ്ര​ദ്ധേ​യ​മാ​യി. എ​ട​വ​ക, വെ​ള്ള​മു​ണ്ട, തൊ​ണ്ട​ർ​നാ​ട് പ​ഞ്ചാ​യ​ത്തു​ക​ളി​ൽ​നി​ന്നാ​യി സ്ത്രീ​ക​ള​ട​ക്കം നൂ​റു​ക​ണ​ക്കി​നാ​ളു​ക​ൾ സം​ഗ​മ​ത്തി​ൽ പ​ങ്കെ​ടു​ത്തു.

നി​ർ​ദി​ഷ്ട പ​ദ്ധ​തി പ്ര​ദേ​ശ​ത്തി​നു പു​റ​ത്തു​നി​ന്നു​ള്ള പ​രി​സ്ഥി​തി പ്ര​വ​ർ​ത്ത​ക​രും സം​ഗ​മ​ത്തി​നെ​ത്തി. 148.35 ഹെ​ക്ട​ർ കൃ​ഷി​ഭൂ​മി​യും 1,371.13 മീ​റ്റ​ർ ജി​ല്ലാ റോ​ഡും 1,891 മീ​റ്റ​ർ ഗ്രാ​മീ​ണ റോ​ഡും അ​നേ​കം വീ​ടു​ക​ളും കെ​ട്ടി​ട​ങ്ങ​ളും വെ​ള്ള​ത്തി​ന​ടി​യി​ലാ​ക്കു​ന്ന തൊ​ണ്ടാ​ർ പ​ദ്ധ​തി ന​ട​പ്പി​ലാ​ക്കാ​ൻ അ​നു​വ​ദി​ക്കി​ല്ലെ​ന്ന പ്ര​മേ​യം സം​ഗ​മം അം​ഗീ​ക​രി​ച്ചു. ജ​ല​സേ​ച​ന​ത്തി​നു ആ​സൂ​ത്ര​ണം ചെ​യ്ത വ​ൻ​കി​ട പ​ദ്ധ​തി​ക​ളാ​യ കാ​രാ​പ്പു​ഴ​യും ബാ​ണാ​സു​ര​സാ​ഗ​റും ഇ​നി​യും ല​ക്ഷ്യം​കാ​ണാ​ത്ത സാ​ഹ​ച​ര്യ​ത്തി​ൽ 450 കോ​ടി രൂ​പ മു​ട​ക്കി തൊ​ണ്ടാ​ർ പ​ദ്ധ​തി ന​ട​പ്പി​ലാ​ക്കു​ന്ന​തി​ന്‍റെ യു​ക്തി​യും ശാ​സ്ത്രീ​യ അ​ടി​ത്ത​റ​യും സം​ഗ​മം ചോ​ദ്യം ചെ​യ്തു. പ​ദ്ധ​തി വി​ഷ​യ​ത്തി​ൽ പ്ര​ദേ​ശ​ത്തെ ഒ​രോ വീ​ട്ടി​ലു​മെ​ത്തി അ​ധി​കാ​രി​ക​ൾ ഹി​ത​പ​രി​ശോ​ധ​ന ന​ട​ത്ത​ണ​മെ​ന്നു ആ​വ​ശ്യ​പ്പെ​ട്ടു.

പ​രി​സ്ഥി​തി പ്ര​വ​ർ​ത്ത​ക​ൻ കെ.​സ​ഹ​ദേ​വ​ൻ ഉ​ദ്ഘാ​ട​നം ചെ​യ്തു. അ​ണ​ക്കെ​ട്ടു​ക​ളും വ​ര​ൾ​ച്ച​യു​മാ​യി വ​ലി​യ ബ​ന്ധ​മു​ണ്ടെ​ന്നു അ​ദ്ദേ​ഹം പ​റ​ഞ്ഞു. പു​തി​യ കാ​ല​ത്ത് ലോ​കം വ​ൻ​കി​ട അ​ണ​ക്കെ​ട്ടു​ക​ളെ ത​ള്ളി​പ്പ​റ​യു​ന്പോ​ൾ ഇ​വി​ടെ​യും വി​ക​സ​ന കാ​ഴ്ച​പ്പാ​ടു​ക​ളി​ൽ മാ​റ്റം ഉ​ണ്ടാ​ക​ണം. പ​ദ്ധ​തി​മൂ​ലം ബാ​ധി​ക്ക​പ്പെ​ടു​ന്ന​വ​രെ അ​ധി​കൃ​ത​ർ കൃ​ത്യ​മാ​യി കേ​ൾ​ക്ക​ണം. ജ​ന​ങ്ങ​ൾ ആ​ശ​ങ്ക അ​റി​യി​ച്ചാ​ൽ ശാ​സ്ത്രീ​യ അ​ടി​ത്ത​റ ഇ​ല്ലെ​ങ്കി​ൽ​ക്കൂ​ടി പ​ദ്ധ​തി പ്ര​വ​ർ​ത്ത​ന​ങ്ങ​ൾ നി​ർ​ത്തി​വ​യ്ക്ക​ണ​മെ​ന്നു​ണ്ട്. പ​ദ്ധ​തി​യെ​ക്കു​റി​ച്ചു കൃ​ത്യ​മാ​യ വി​വ​രം ജ​ന​ങ്ങ​ൾ​ക്കു ന​ൽ​കാ​തെ​യു​ള്ള പ്ര​വ​ർ​ത്ത​ന​ങ്ങ​ൾ നി​യ​മ​വി​രു​ദ്ധ​മാ​ണ്. രാ​ജ്യ​ത്ത് ഇ​തി​ന​കം അ​ണ​ക്കെ​ട്ടു​ക​ൾ​ക്കാ​യി കു​ടി​യി​റ​ക്കി​യ​വ​രി​ൽ അ​ധി​ക​വും ആ​ദി​വാ​സി​ക​ളും ചെ​റു​കി​ട ക​ർ​ഷ​ക​രു​മാ​ണെ​ന്നും അ​ദ്ദേ​ഹം പ​റ​ഞ്ഞു.

അ​ഡ്വ.​ഫാ.​സ്റ്റീ​ഫ​ൻ മാ​ത്യു അ​ധ്യ​ക്ഷ​ത വ​ഹി​ച്ചു. ആ​ക്ഷ​ൻ കൗ​ണ്‍​സി​ൽ കോ ​ഓ​ർ​ഡി​നേ​റ്റ​ർ എ​സ്.​ഷ​റ​ഫു​ദ്ദീ​ൻ ആ​മു​ഖ​പ്ര​ഭാ​ഷ​ണ​വും ചെ​യ​ർ​മാ​ൻ വി.​അ​ബ്ദു​ല്ല​ഹാ​ജി സ​മ​ര​പ്ര​ഖ്യാ​പ​ന​വും ന​ട​ത്തി. എ​ട​വ​ക പ​ഞ്ചാ​യ​ത്ത് പ്ര​സി​ഡ​ന്‍റ് എ​ച്ച്.​ബി.​പ്ര​ദീ​പ്, തൊ​ണ്ട​ർ​നാ​ട് പ​ഞ്ചാ​യ​ത്ത് പ്ര​സി​ഡ​ന്‍റ് അം​ബി​ക ഷാ​ജി, ജി​ല്ലാ പ​ഞ്ചാ​യ​ത്തം​ഗം കെ.​വി​ജ​യ​ൻ, വ​യ​നാ​ട് പ്ര​കൃ​തി സം​ര​ക്ഷ​ണ സ​മി​തി പ്ര​സി​ഡ​ന്‍റ് എ​ൻ.​ബാ​ദു​ഷ, സെ​ക്ര​ട്ട​റി തോ​മ​സ് അ​ന്പ​ല​വ​യ​ൽ, ഷ​ബീ​റ​ലി, യു.​സി.​ഹു​സൈ​ൻ, കെ.​വി.​വി​ജോ​ൾ, പി.​ച​ന്ദ്ര​ൻ, ല​ത വി​ജ​യ​ൻ, പി.​പി.​മൊ​യ്തീ​ൻ, ബ്രാ​ൻ അ​ഹ​മ്മ​ദു​കു​ട്ടി, ജോ​ർ​ജ് പ​ട​കൂ​ട്ടി​ൽ എ​ന്നി​വ​ർ പ്ര​സം​ഗി​ച്ചു. ആ​ക്ഷ​ൻ കൗ​ണ്‍​സി​ൽ ജ​ന​റ​ൽ ക​ണ്‍​വീ​ന​ർ ആ​ർ.​ര​വീ​ന്ദ്ര​ൻ സ്വാ​ഗ​ത​വും കെ.​റ​ഫീ​ഖ് ന​ന്ദി​യും പ​റ​ഞ്ഞു. സം​ഗ​മ​ത്തി​നു മു​ന്നോ​ടി​യാ​യി മൂ​ളി​ത്തോ​ടി​ൽ പ്ര​ക​ട​നം ന​ട​ന്നു.

ക​ബ​നി ജ​ല​ത്തി​ൽ 21 ടി.​എം.​സി ഉ​പ​യോ​ഗി​ക്കാ​ൻ കാ​വേ​രി ന​ദീ​ജ​ല ത​ർ​ക്ക ട്രി​ബ്യൂ​ണ​ൽ കേ​ര​ള​ത്തി​നു അ​നു​വാ​ദം ന​ൽ​കി​യി​ട്ടു​ണ്ട്. ഇ​തി​ന്‍റെ കാ​ലാ​വ​ധി 2034 ഫെ​ബ്രു​വ​രി​യി​ൽ അ​വ​സാ​നി​ക്കും. അ​തി​നു​മു​ന്പ് തൊ​ണ്ടാ​ർ പ​ദ്ധ​തി പ്രാ​വ​ർ​ത്തി​ക​മാ​ക്കാ​നാ​ണ് ജ​ല വി​ഭ​വ വ​കു​പ്പി​ന്‍റെ നീ​ക്കം. അ​ർ​ഹ​ത​പ്പെ​ട്ട ജ​ല​വി​ഹി​ത​ത്തി​ൽ പ​കു​തി​യോ​ളം മാ​ത്ര​മാ​ണ് കാ​രാ​പ്പു​ഴ, ബാ​ണാ​സു​ര​സാ​ഗ​ർ പ​ദ്ധ​തി​ക​ളി​ലാ​യി ഉ​പ​യോ​ഗി​ക്കു​ന്ന​ത്. തൊ​ണ്ടാ​ർ പ​ദ്ധ​തി​യു​ടെ എ​ഫ്ആ​ർ​എ​ൽ സ​ർ​വേ​യ്്ക്കു ഒ​രു​ക്കം ന​ട​ക്കു​ന്ന​തി​നി​ടെ​യാ​ണ് ആ​ക്ഷ​ൻ കൗ​ണ്‍​സി​ൽ സ​മ​ര​സം​ഗ​മം സം​ഘ​ടി​പ്പി​ച്ച​ത്.

ജി​ല്ല​യി​ൽ ഏ​റ്റ​വും ജ​ന​സാ​ന്ദ്ര​ത​യു​ള്ള വി​ല്ലേ​ജു​ക​ളി​ലൊ​ന്നാ​ണ് എ​ട​വ​ക. ക​ഴി​ഞ്ഞ ര​ണ്ടു പ്ര​ള​യ​ങ്ങ​ളും ബാ​ധി​ക്കാ​ത്ത വി​ല്ലേ​ജി​ൽ കു​ടി​വെ​ള്ള ക്ഷാ​മ​മോ വ​ന്യ​ജീ​വി ശ​ല്യ​മോ ഇ​പ്പോ​ഴി​ല്ല. എ​ന്നി​രി​ക്കെ വ​ർ​ധി​ച്ച അ​ള​വി​ൽ വെ​ള്ളം കെ​ട്ടി​നി​ർ​ത്തു​ന്ന അ​ണ​യ്ക്കു പ​ക​രം ഇ​ട​ത്ത​രം ത​ട​യ​ണ​ക​ളാ​ണ് പ്ര​ദേ​ശ​ത്തു നി​ർ​മി​ക്കേ​ണ്ട​തെ​ന്നാ​ണ് ആ​ക്ഷ​ൻ കൗ​ണ്‍​സി​ലി​ന്‍റെ അ​ഭി​പ്രാ​യം. ക​ബ​നി ജ​ല​ത്തി​ൽ കേ​ര​ള​ത്തി​നു അ​വ​കാ​ശ​പ്പെ​ട്ട വി​ഹി​തം ത​ട​യ​ണ​ക​ൾ ശാ​സ്ത്രീ​യ​മാ​യി നി​ർ​മി​ച്ചും ഉ​പ​യോ​ഗ​പ്പെ​ടു​ത്താ​മെ​ന്നും അ​വ​ർ ചൂ​ണ്ടി​ക്കാ​ട്ടു​ന്നു.

തൊ​ണ്ടാ​ർ പ​ദ്ധ​തി​യെ അ​നു​കൂ​ലി​ക്കു​ന്ന​വ​രും എ​ട​വ​ക, വെ​ള്ള​മു​ണ്ട, തൊ​ണ്ട​ർ​നാ​ട് പ​ഞ്ചാ​യ​ത്തു​ക​ളി​ലു​ണ്ട്. ഡാം ​ക​ർ​മ​സ​മി​തി രൂ​പീ​ക​രി​ച്ചാ​ണ് ഇ​വ​രു​ടെ പ്ര​വ​ർ​ത്ത​നം. പ​ദ്ധ​തി​യു​മാ​യി ബ​ന്ധ​പ്പെ​ട്ടു ത​ത്പ​ര​ക​ക്ഷി​ക​ൾ അ​ടി​സ്ഥാ​ന​ര​ഹി​ത​മാ​യ പ്ര​ചാ​ര​ണ​മാ​ണ് ന​ട​ത്തു​ന്ന​തെ​ന്നു ക​ർ​മ സ​മി​തി​ക്കാ​ർ പ​റ​യു​ന്നു. 0.3 ടി.​എ.ം​സി മാ​ത്ര​മാ​ണ് നി​ർ​ദി​ഷ്ട അ​ണ​യു​ടെ ജ​ല​സം​ഭ​ര​ണ​ശേ​ഷി​യെ​ന്നും ഡാം​നി​ർ​മി​ക്കു​ന്ന​തു​മൂ​ലം മു​ങ്ങി​പ്പോ​കു​ന്ന പ്ര​ദേ​ശ​ങ്ങ​ളി​ൽ വീ​ടു​ക​ൾ അ​ട​ക്കം 105 കെ​ട്ടി​ട​ങ്ങ​ൾ മാ​ത്ര​മാ​ണ് ഉ​ള്ള​തെ​ന്നും ഇ​വ​ർ ചൂ​ണ്ടി​ക്കാ​ട്ടു​ന്നു. അ​ണ​യു​ടെ എ​ഫ്.​ആ​ർ.​എ​ൽ സ​ർ​വേ ഉ​ട​ൻ പൂ​ർ​ത്തി​യാ​ക്ക​ണ​മെ​ന്ന ആ​വ​ശ്യ​വും ക​ർ​മ​സ​മി​തി ഉ​ന്ന​യി​ക്കു​ന്നു​ണ്ട്.