കാസർഗോഡ്: നിയമസഭ തെരഞ്ഞെടുപ്പുമായി ബന്ധപ്പെട്ട് ജില്ലയിലെ എല്ലാ സര്‍ക്കാര്‍ ജീവനക്കാര്‍ക്കും ഇന്നും നാളെയും മറ്റന്നാളുമായി ജില്ലയിലെ നാല് കേന്ദ്രങ്ങളില്‍ കോവിഡ് വാക്‌സിനേഷന്‍ നടത്തുമെന്ന് ജില്ലാ കളക്ടര്‍ ഡി.സജിത് ബാബു അറിയിച്ചു. ഈ കേന്ദ്രങ്ങളില്‍ എത്താന്‍ സാധിക്കാത്തവര്‍ക്ക് തൊട്ടടുത്ത വാക്‌സിനേഷന്‍ കേന്ദ്രങ്ങളിലെത്തിയും വാക്‌സിന്‍ സ്വീകരിക്കാവുന്നതാണ്.
വാക്‌സിനേഷന്‍ കേന്ദ്രങ്ങള്‍, ഉള്‍പ്പെടുന്ന ഓഫീസുകള്‍ എന്ന ക്രമത്തില്‍ ചുവടെ ചേര്‍ക്കുന്നു:
കാസര്‍ഗോഡ് സിവില്‍ സ്റ്റേഷന്- സിവില്‍ സ്‌റ്റേഷനിലെ മുഴുവന്‍ ഓഫീസുകളും, കോടതി, വിദ്യാനഗര്‍ കേന്ദ്രീയ വിദ്യാലയം, കാസര്‍ഗോഡ് ഗവ.കോളജ്, കാസര്‍ഗോഡ് സിവില്‍സ്‌റ്റേഷന്‍ പരിസരത്തുള്ള സര്‍ക്കാര്‍-എയ്ഡഡ് സ്‌കൂളുകള്‍, ബാങ്കുകള്‍.
കാഞ്ഞങ്ങാട് മിനി സിവില്‍ സ്റ്റേഷന്- മിനി സിവില്‍ സ്‌റ്റേഷനിലെ മുഴുവന്‍ ഓഫീസുകളും, സബ്കളക്ടര്‍ ഓഫീസ്, കോടതി, പൊതുമരാമത്ത് വകുപ്പ് ഓഫീസുകള്‍, സര്‍ക്കാര്‍- എയ്ഡഡ് സ്‌കൂളുകള്‍, ബാങ്കുകള്‍, കേന്ദ്രീയ വിദ്യാലയം, കേന്ദ്രസര്‍വകലാശാല, പോളിടെക്‌നിക് കോളജ്, നവോദയ, എല്‍ഐസി, പടന്നക്കാട് കാര്‍ഷിക സര്‍വകലാശാല.
കാസര്‍ഗോഡ് താലൂക്ക് ഓഫീസ്- കാസര്‍കോട് താലൂക്ക് ഓഫീസ്, റവന്യു റിക്കവറി, ലാന്‍ഡ് ട്രൈബ്യൂണല്‍, ലാന്‍ഡ് അക്യുസിഷന്‍, റവന്യു ഡിവിഷണല്‍ ഓഫീസ്, പിഎസ്‌സി.
കാസര്‍ഗോഡ് സിപിസിആര്‍ഐ - സിപിസിആര്‍ഐ ജീവനക്കാര്‍, കേന്ദ്രീയ വിദ്യാലയം.