അ​ന്നാ​മ്മ ചേ​ട​ത്തി​യു​ടെ നി​സ്തു​ല​ സേ​വ​ന​ത്തി​ന് നാ​ട്ടു​കാ​രു​ടെ ആ​ദ​ര​വ്
Thursday, October 14, 2021 1:06 AM IST
പ​യ്യ​ന്നൂ​ര്‍: മ​ല​യോ​രമേ​ഖ​ല​യി​ലെ ആ​ദ്യ​കാ​ല പ്ര​സ​വ ശു​ശ്രൂ​ഷാ വി​ദ​ഗ്ധ​യാ​യ അ​ന്നാ​മ്മ ചാ​ക്കോ​യ്ക്ക് നാ​ട്ടു​കൂ​ട്ടാ​യ്മ​യു​ടെ ആ​ദ​രം. ക​ണ്ണൂ​ര്‍ ജി​ല്ല​യി​ലെ കു​ടി​യേ​റ്റമേ​ഖ​ല​ക​ളി​ലൊ​ന്നാ​യ കാ​ര്യ​പ്പ​ള്ളി​യി​ലും പെ​രു​വാ​മ്പ​യു​ള്‍​പ്പെ​ടെ​യു​ള്ള സ​മീ​പ പ്ര​ദേ​ശ​ങ്ങ​ളി​ലു​മാ​യി ആ​യി​ര​ത്തി​ല​ധി​കം പ്ര​സ​വമെ​ടു​ത്ത് ജ​ന​ഹൃ​ദ​യ​ങ്ങ​ളി​ല്‍ കു​ടി​യേ​റി​യ അ​ന്നാ​മ്മ ചാ​ക്കോ​യെ​യാ​ണ് പെ​രു​വാ​മ്പ​യി​ലെ പൊ​തു​ജ​ന കൂ​ട്ടാ​യ്മ​യാ​യ "നാ​ട്ടു​പെ​രു​മ' ആ​ദ​രി​ച്ച​ത്.
ആ​ശു​പ​ത്രി​ക​ളും ഡോ​ക്‌ടര്‍​മാ​രും മ​ല​യോ​ര​മേ​ഖ​ല​യ്ക്ക് അ​പ്രാ​പ്യ​മാ​യി​രു​ന്ന 1963ലാ​ണ് കോ​ട്ട​യം മു​ത്തോ​ലി സ്വ​ദേ​ശി​നി​യാ​യ അ​ന്നാ​മ്മ​യും കു​ടും​ബ​വും കാ​ര്യ​പ്പ​ള്ളി​യി​ലേ​ക്ക് കു​ടി​യേ​റി​യ​ത്. അ​ക്കാല​ത്ത് പ്ര​സ​വ​മെ​ടു​ക്കു​ന്ന ഡോ​ക്‌ട​റും ക്ലി​നി​ക്കും ഉ​ണ്ടാ​യി​രു​ന്ന​ത് 35 കി​ലോ​മീ​റ്റ​റോ​ളം അ​ക​ലെ​യു​ള്ള പ​യ്യ​ന്നൂ​രി​ലാ​യി​രു​ന്നു.

ഗ​താ​ഗ​ത​സൗ​ക​ര്യ​മു​ള്ള റോ​ഡും വാ​ഹ​ന​സൗ​ക​ര്യ​ങ്ങ​ളു​മി​ല്ലാ​ത്ത​തി​നാ​ല്‍ പേ​റ്റു​നോ​വ​നു​ഭ​വി​ക്കു​ന്നവ​ര്‍​ക്ക് വൈ​ദ്യ​സ​ഹാ​യം ല​ഭ്യ​മാ​ക്കാ​നും ക​ഴി​യു​മാ​യി​രു​ന്നി​ല്ല. കാ​ടി​നോ​ടും കാ​ട്ടു​മൃ​ഗ​ങ്ങ​ളോ​ടും പ​ട​പൊ​രു​തി മ​ണ്ണി​ല്‍ ക​ന​കം വി​ള​യി​ക്കാ​നു​ള്ള പ്ര​യ​ത്ന​ങ്ങ​ള്‍​ക്കി​ട​യി​ല്‍ പ്ര​സ​വ​ത്തോ​ടെ അ​മ്മ​യും കു​ഞ്ഞും മ​രി​ക്കു​ന്ന സം​ഭ​വ​ങ്ങ​ളും അ​ക്കാ​ല​ത്ത് പ​തി​വാ​യി​രു​ന്നു.

ഈ​യൊ​രു ഘ​ട്ട​ത്തി​ലാ​യി​രു​ന്നു സ​ങ്കീ​ര്‍​ണാ​വ​സ്ഥ​യി​ലു​ള്ള പ്ര​സ​വ​ങ്ങ​ള്‍ കൈ​കാ​ര്യം ചെ​യ്യാ​നു​ത​കു​ന്ന നാ​ട​ന്‍ മ​രു​ന്ന് പ്ര​യോ​ഗ​ങ്ങ​ളും പാ​ര​മ്പ​ര്യ ചി​കി​ത്സാ​രീ​തി​ക​ളും ഹൃ​ദി​സ്ഥ​മാ​ക്കി​യി​രു​ന്ന അ​ന്നാ​മ്മ ചേ​ട​ത്തി ഒ​രു ച​രി​ത്രനി​യോ​ഗം​പോ​ലെ കാ​ര്യ​പ്പ​ള്ളി എ​ന്ന കു​ഗ്രാ​മ​ത്തി​ല്‍ എ​ത്തു​ന്ന​ത്. പേ​റ്റു​നോ​വു​യ​രാ​ന്‍ തു​ട​ങ്ങു​മ്പോ​ഴേ​ക്കും വി​വ​ര​മ​റി​ഞ്ഞ് ഓ​ടി​യെ​ത്തു​ന്ന അ​ന്നാ​മ്മ ഗ്രാ​മീ​ണ​രു​ടെ ക​ണ്‍​ക​ണ്ട ദൈ​വ​മാ​യി മാ​റാ​ന്‍ അ​ധി​കം താ​മ​സ​മു​ണ്ടാ​യി​ല്ല. പേ​റ്റി​ച്ചി, മ​ലി തു​ട​ങ്ങി​യ നാ​ട​ന്‍​പേ​രു​ക​ളി​ല്‍ അ​റി​യ​പ്പെ​ട്ടി​രു​ന്ന "വ​യ​റ്റാ​ട്ടി' മ​ല​യോ​രജ​ന​ത​യു​ടെ അ​വി​ഭാ​ജ്യഘ​ട​ക​മാ​യി മാ​റി​യ​തോ​ടെ ആ ​പ്ര​ദേ​ശ​ത്തി​ന്‍റെ കു​ടി​യേ​റ്റ ച​രി​ത്ര​ത്തി​ല്‍ മ​റ്റൊ​രേ​ടു​കൂ​ടി​യാ​യി മാ​റു​ക​യാ​യി​രു​ന്നു അ​ന്നാ​മ്മ ചേട​ത്തി​യു​ടെ ജീ​വി​തം.

നൂ​റി​ന്‍റെ നി​റ​വി​ലെ​ത്തി​യ അ​ന്നാ​മ്മ​യു​ടെ ഓ​ര്‍​മ​ക​ളി​ല്‍ പ്ര​സ​വ​വീ​ടു​ക​ള്‍​തോ​റും ക​യ​റി​യി​റ​ങ്ങി​യു​ള്ള ഈ ​പ്ര​യാ​ണ​ത്തി​നി​ട​യി​ലെ പ​ല സം​ഭ​വ​ങ്ങ​ളും ഇ​പ്പോ​ഴും ഒ​ളി​മ​ങ്ങാ​തെ കി​ട​പ്പു​ണ്ട്.

ഒ​രു കു​ടും​ബ​ത്തി​ല്‍ നി​ന്നു മാ​ത്രം 11 കു​ട്ടി​ക​ളെ പ്ര​സ​വ​ത്തി​ലൂ​ടെ എ​ടു​ത്ത​തും മ​റ്റൊ​രു വീ​ട്ടി​ല്‍ ഒ​ന്പ​ത് കു​ട്ടി​ക​ളെ എ​ടു​ത്ത​തും ഒ​രേസ​മ​യം ഒ​ന്നി​ല​ധി​കം വീ​ടു​ക​ളി​ലോ​ടി​യെ​ത്തി മാ​റി​മാ​റി പ്ര​സ​വ​മെ​ടു​ത്ത​തും അ​ന്നാ​മ്മ​യു​ടെ ഓ​ര്‍​മ​യി​ലു​ണ്ട്. ഒ​രൊ​റ്റ ദി​വ​സംത​ന്നെ അ​ഞ്ചു പ്ര​സ​വ​ങ്ങ​ള്‍ വ​രെ​യെ​ടു​ത്ത സം​ഭ​വ​ങ്ങ​ളും അ​വ​ര്‍ ഓ​ര്‍​ത്തെ​ടു​ക്കു​ന്നു.

അ​ക്കാ​ല​ത്ത് എ​ങ്ങ​നെ​യാ​ണ് ഇ​തൊ​ക്കെ സാ​ധി​ച്ച​തെ​ന്നു ചോ​ദി​ച്ചാ​ല്‍ എ​ല്ലാം ഒ​രു നി​മി​ത്ത​മാ​ണെ​ന്ന മ​റു​പ​ടി​യും.

പ​ര​മ്പ​രാ​ഗ​ത ക്രൈ​സ്ത​വ​വേ​ഷ​മാ​യ ച​ട്ട​യും മു​ട്ടും വെ​ന്തീ​ഞ്ഞ​യും നേ​ര്യ​തും കാ​തി​ലെ മേ​ക്കാ​മോ​തി​ര​വും കാ​ല​യ​വ​നി​ക​യി​ല്‍ മ​റ​ഞ്ഞു​കൊ​ണ്ടി​രി​ക്കു​മ്പോ​ഴും കാ​ര്യ​പ്പ​ള്ളി​ക്കാ​രു​ടെ മ​ന​സി​ല്‍ അ​ന്നേ കു​ടി​യേ​റി​യ​താ​ണ് ഈ ​വേ​ഷ​വും ധ​രി​ച്ച് കു​ട​യും ചൂ​ടി മു​റു​ക്കി​ത്തു​പ്പി ന​ട​ന്നി​രു​ന്ന അ​ന്നാ​മ്മ ചേ​ട​ത്തി.

പെ​രു​വാ​മ്പ​യി​ലെ പൊ​തു​ജ​ന കൂ​ട്ടാ​യ്മ​യാ​യ "നാ​ട്ടു​പെ​രു​മ' കാ​ര്യ​പ്പ​ള്ളി​യി​ലെ വീ​ട്ടി​ലെ​ത്തി​യാ​ണ് അ​ന്നാ​മ്മ ചാ​ക്കോ​യെ ആ​ദ​രി​ച്ച​ത്. എ​ന്‍. പി. ​വി​നീ​ഷ് അ​ധ്യ​ക്ഷ​ത വ​ഹി​ച്ചു. എ​ന്‍.​പി. ല​ക്ഷ്മ​ണ​ന്‍ പൊ​ന്നാ​ട അ​ണി​യി​ച്ചു. ര​ഘു മ​ണി​യ​റ മെ​മെ​ന്‍റോ​യും സി​ദ്ദീ​ഖ് ക​ണ്ണൂ​ര്‍ ഉ​പ​ഹാ​ര​വും ന​ല്‍​കി. ഇ. ​സാ​വി​ത്രി, കെ.​വി. അ​ജി​ത, സി.​സി. ശാ​ന്ത​കു​മാ​രി, ഷീ​ന, ശി​ല്പ, പി. ​ഭാ​സ്‌​ക​ര​ന്‍ എ​ന്നി​വ​ര്‍ പ​ങ്കെ​ടു​ത്തു.