കാസർഗോഡ്: ജില്ലയില്‍ നാലു താലൂക്കുകളിലായി സ്ഥിരമായി റദ്ദ് ചെയ്ത 23 റേഷന്‍ കടകളിലേക്ക് സ്ഥിരം ലൈസന്‍സിയെ നിയമിക്കുന്നതിനുളള വിജ്ഞാപനം ക്ഷണിച്ചു. വെളളരിക്കുണ്ട് താലൂക്കില്‍ ഏഴു റേഷന്‍കടകളിലും (അടോട്ടുകയ - വനിതകള്‍, ചായ്യോത്ത് - പട്ടികജാതി, കാലിക്കടവ് - വനിതകള്‍, പരപ്പച്ചാല്‍ - വനിതകള്‍, ചിറ്റാരിക്കാല്‍ - ഭിന്നശേഷിക്കാര്‍, നര്‍ക്കിലക്കാട് - വനിതകള്‍, ഒടയംചാല്‍ - വനിതകള്‍), ഹൊസ്ദുര്‍ഗ് താലൂക്കില്‍ ആറു റേഷന്‍കടകളിലും (നീലേശ്വരം - വനിതകള്‍, നീലേശ്വരം ബസാര്‍ - പട്ടികജാതി, കന്നിക്കുളങ്ങര - വനിതകള്‍, മുല്ലച്ചേരി - വനിതകള്‍, മലാംകുന്ന് - പട്ടികജാതി, തൈക്കടപ്പുറം - വനിതകള്‍), കാസര്‍ഗോഡ് താലൂക്കില്‍ ഏഴു റേഷന്‍കടകളിലും (നാട്ടക്കല്‍ - വനിതകള്‍, ബദിയഡുക്ക - വനിതകള്‍, മല്ലികാര്‍ജുന ക്ഷേത്രത്തിനു സമീപം - ഭിന്നശേഷിക്കാര്‍, നെല്ലിക്കുന്ന് - വനിതകള്‍, തായലങ്ങാടി - പട്ടികജാതി, ബദിയഡുക്ക - പട്ടികജാതി, മാര്‍ക്കറ്റ് റോഡ് - വനിതകള്‍), മഞ്ചേശ്വരം താലൂക്കില്‍ മൂന്നു റേഷന്‍കടകളിലും (മഞ്ചേശ്വരം - ഭിന്നശേഷിക്കാര്‍, സുംഗകട്ടെ - പട്ടികവര്‍ഗം, കുമ്പോൽ - വനിതകള്‍) ആണ് ഒഴിവുകള്‍. അപേക്ഷകര്‍ നിശ്ചിത ഫോറത്തില്‍ വ്യക്തമായി പൂരിപ്പിച്ച് ജൂണ്‍ 15ന് ഉച്ചകഴിഞ്ഞ് മൂന്നിനകം നേരിട്ടോ തപാല്‍ മുഖേനയോ കാസര്‍ഗോഡ് ജില്ലാ സപ്ലൈ ഓഫീസില്‍ ലഭ്യമാക്കണം.