ചെ​റു​വ​ത്തൂ​ർ: കു​ള​ങ്ങാ​ട്ട് മ​ല​യി​ലെ വ​ന​മേ​ഖ​ല​യി​ൽ ഭൂ​മി​യി​ൽ ആ​ഴ​മേ​റി​യ വി​ള്ള​ൽ. താ​ഴെ​യു​ള്ള സ്ഥ​ല​ങ്ങ​ളി​ലേ​ക്ക് വ​ലി​യ അ​ള​വി​ൽ ചെ​ളി​വെ​ള്ള​വും മ​ണ്ണും ഒ​ഴു​കി​യി​റ​ങ്ങി​യ​തി​നെ തു​ട​ർ​ന്ന് പ​രി​ശോ​ധ​ന ന​ട​ത്തി​യ നാ​ട്ടു​കാ​രാ​ണ് കു​ന്നി​ൻ​മു​ക​ളി​ൽ ആ​ഴ​ത്തി​ലു​ള്ള വി​ള്ള​ൽ രൂ​പ​പ്പെ​ട്ട​താ​യി ക​ണ്ടെ​ത്തി​യ​ത്.

കു​ള​ങ്ങാ​ട്ട് നെ​ല്ലി​ക്കാ​ൽ ബ​സ് സ്റ്റോ​പ്പി​ൽ നി​ന്ന് മു​ക​ളി​ലേ​ക്കു​ള്ള റോ​ഡി​ലൂ​ടെ​യാ​ണ് മ​ണ്ണും ചെ​ളി​വെ​ള്ള​വും താ​ഴേ​ക്ക് കു​ത്തി​യൊ​ഴു​കി​യ​ത്. ഇ​ന്ന​ലെ വൈ​കു​ന്നേ​ര​ത്തോ​ടെ വി​ള്ള​ലി​ന് വ​ലി​പ്പ​വും ആ​ഴ​വു​മേ​റി​യ​ത് സ​മീ​പ പ്ര​ദേ​ശ​ങ്ങ​ളി​ലു​ള്ള​വ​ർ​ക്ക് ക​ടു​ത്ത ആ​ശ​ങ്ക​യാ​വു​ക​യാ​ണ്.

റോ​ഡി​ന്‍റെ സ​മീ​പ​ത്തെ ക​ല്ലു​ക​ളും ച​ര​ൽ​മ​ണ്ണും ഇ​ള​കി​വീ​ണ നി​ല​യി​ലാ​ണ്. മ​ല​യ്ക്ക് സ​മീ​പ​ത്തു​ള്ള അം​ബേ​ദ്ക​ർ ഉ​ന്ന​തി​യി​ലെ 16 കു​ടും​ബ​ങ്ങ​ളി​ൽ നി​ന്നാ​യി 47 പേ​രെ ക​ള​ക്ട​റു​ടെ നി​ർ​ദേ​ശ പ്ര​കാ​രം കാ​ട​ങ്കോ​ട് ഗ​വ. ഫി​ഷ​റീ​സ് ഹ​യ​ർ സെ​ക്ക​ൻ​ഡ​റി സ്കൂ​ളി​ലെ ദു​രി​താ​ശ്വാ​സ ക്യാ​മ്പി​ലേ​ക്ക് മാ​റ്റി. അ​പ​ക​ട സാ​ധ്യ​ത മു​ൻ​നി​ർ​ത്തി വി​ള്ള​ലു​ണ്ടാ​യ ഭാ​ഗ​ത്തേ​ക്ക് കൂ​ടു​ത​ലാ​യി നാ​ട്ടു​കാ​രെ​ത്തു​ന്ന​ത് വി​ല​ക്കി.

രാ​ജ്മോ​ഹ​ൻ ഉ​ണ്ണി​ത്താ​ൻ എം​പി, എം.​രാ​ജ​ഗോ​പാ​ല​ൻ എം​എ​ൽ​എ, ക​ള​ക്ട​ർ കെ. ​ഇ​മ്പ​ശേ​ഖ​ർ, എ​ഡി​എം പി. ​അ​ഖി​ൽ, ത​ഹ​സി​ൽ​ദാ​ർ ടി. ​ജ​യ​പ്ര​സാ​ദ് എ​ന്നി​വ​രു​ടെ നേ​തൃ​ത്വ​ത്തി​ൽ ഉ​ദ്യോ​ഗ​സ്ഥ​രും മ​ല​യു​ടെ വി​വി​ധ ഭാ​ഗ​ങ്ങ​ൾ സ​ന്ദ​ർ​ശി​ച്ച് സ്ഥി​തി​ഗ​തി​ക​ൾ വി​ല​യി​രു​ത്തി.

ദേ​ശീ​യ ദു​ര​ന്ത​നി​വാ​ര​ണ സേ​ന​യു​ടെ ചെ​ന്നൈ ആ​ർ​ക്കോ​ണം നാ​ലാം ബ​റ്റാ​ലി​യ​നി​ലെ 26 പേ​ര​ട​ങ്ങു​ന്ന സം​ഘ​വും വ​നം, ജി​യോ​ള​ജി, ആ​രോ​ഗ്യം, വൈ​ദ്യു​ത വ​കു​പ്പ് ഉ​ദ്യോ​ഗ​സ്ഥ​രും പോ​ലീ​സും അ​ഗ്നി​ര​ക്ഷാ സേ​ന​യും സ്ഥ​ല​ത്തെ​ത്തി.

കു​ള​ങ്ങാ​ട്ട് മ​ല​യു​ടെ വ​ട​ക്കു ഭാ​ഗ​ത്തു​നി​ന്ന് തി​ങ്ക​ളാ​ഴ്ച രാ​ത്രി മ​ണ്ണും പാ​റ​ക്ക​ല്ലു​ക​ളും ഇ​ടി​ഞ്ഞു​വീ​ണ​ത് പ​യ്യ​ങ്കി ജ​വാ​ൻ ന​ഗ​റി​ലെ വീ​ടു​ക​ൾ​ക്ക് സ​മീ​പ​ത്തേ​ക്കാ​ണ്. വ​ലി​യ ശ​ബ്ദം കേ​ട്ട് ഞെ​ട്ടി​യു​ണ​ർ​ന്ന വീ​ട്ടു​കാ​ർ ഉ​രു​ൾ​പൊ​ട്ട​ൽ ഭീ​തി​യി​ൽ ഉ​ണ​ർ​ന്നി​രു​ന്നാ​ണ് നേ​രം വെ​ളു​പ്പി​ച്ച​ത്.

ജ​വാ​ൻ ന​ഗ​റി​ലെ കാ​വു​ട്ട​ൻ ക​മ​ലാ​ക്ഷി​യു​ടെ വീ​ടി​ന്‍റെ അ​ടു​ക്ക​ള ഭാ​ഗ​ത്താ​ണ് വ​ലി​യ പാ​റ വ​ന്നു വീ​ണ​ത്. എ.​ജി.​സു​ലൈ​മാ​ന്‍റെ വീ​ടി​നു സ​മീ​പ​ത്താ​ണ് മ​റ്റൊ​രു കൂ​റ്റ​ൻ പാ​റ വീ​ണ​ത്. വീ​ട്ടി​ൽ ത​നി​ച്ച് ക​ഴി​യു​ന്ന ക​മ​ലാ​ക്ഷി​യെ​യും സു​ലൈ​മാ​ൻ‌, തൊ​ട്ട​ടു​ത്ത വീ​ടു​ക​ളി​ലെ കെ. ​ര​തീ​ഷ്, വി.​കെ. അ​സൂ​റാ​ബി എ​ന്നി​വ​രു​ടെ കു​ടും​ബാം​ഗ​ങ്ങ​ളെ​യും ഇ​വി​ടെ​നി​ന്ന് ദു​രി​താ​ശ്വാ​സ ക്യാ​മ്പി​ലേ​ക്ക് മാ​റ്റി താ​മ​സി​പ്പി​ച്ചി​ട്ടു​ണ്ട്.