ഷെ​മീ​റി​ന്‍റേ​യും കു​ടും​ബ​ത്തി​ന്‍റേ​യും ദു​രി​ത​ത്തി​ന് അ​റു​തി​യി​ല്ല
Sunday, June 13, 2021 10:28 PM IST
കൊ​ല്ലം: മാ​റി വ​രു​ന്ന സ​ർ​ക്കാ​രു​ക​ളു​ടെ സ​ഹാ​യ​പ്ര​ഖ്യാ​പ​ന​ങ്ങ​ൾ പാ​ഴ് വാ​ക്കാ​കു​മെ​ന്ന് ഷെ​മീ​റും കു​ടും​ബ​വും ഒ​രി​യ്ക്ക​ലും ക​രു​തി​യി​രു​ന്നി​ല്ല. ആ​ദി​ച്ച​ന​ല്ലൂ​ർ കു​ണ്ടു​മ​ൺ അ​ൻ​സി​ർ മ​ൻ​സി​ലി​ൽ ഷെ​മീ​റി​ന്‍റെ ദു​രി​ത ജീ​വി​തം തു​ട​ങ്ങി​യി​ട്ട് പ​തി​നൊ​ന്ന് വ​ർ​ഷ​മാ​യി. സ​ർ​ക്കാ​രി​ന്‍റെ സ​ഹാ​യ​വാ​ഗ്ദാ​ന​ത്തി​നും ഇ​ത്ര​യും പ​ഴ​ക്ക​വു​മു​ണ്ട്.

2010-ലാ​ണ് ആ​ദി​ച്ച​ന​ല്ലൂ​ർ അ​ടി​മു​ക്കി​ന് സ​മീ​പം ഷെ​മീ​ർ ഓ​ടി​ച്ച ഓ​ട്ടോ​റി​ക്ഷ മ​റി​ഞ്ഞ് അ​പ​ക​ട​മു​ണ്ടാ​യ​ത്. ത​ല​യ്ക്ക് ഗു​രു​ത​ര​മാ​യി പ​രി​ക്കേ​റ്റ ഷെ​മീ​ർ ഒ​രു​മാ​സ​ത്തോ​ളം തി​രു​വ​ന​ന്ത​പു​രം മെ​ഡി​ക്ക​ൽ കോ​ളേ​ജ് ആ​ശു​പ​ത്രി​യി​ൽ ചി​കി​ത്സ​യി​ലാ​യി​രു​ന്നു. തു​ട​ർ​ന്ന് കേ​ഴ് വി ​ശ​ക്തി ന​ഷ്ട​പ്പെ​ടു​ക​യും ഇ​ട​യ്ക്കി​ടെ ഓ​ർ​മ ഇ​ല്ലാ​താ​വു​ക​യും ചെ​യ്യു​ന്നു. ച​ല​ന​ശേ​ഷി ഇ​ല്ലാ​താ​യ ഷെ​മീ​റി​ൻ അ​ടു​ത്തി​ടെ​യാ​ണ് അ​ല്പം ന​ട​ക്കാ​ൻ ക​ഴി​യു​ന്ന​ത്.

ചി​കി​ത്സ​യ്ക്കാ​യി കി​ട​പ്പാ​ടം വി​റ്റ​തോ​ടെ ക​യ​റി​ക്കി​ട​ക്കാ​ന ും ഇ​ട​മി​ല്ലാ​തെ​യാ​യി. ഭാ​ര്യ ഹ​സീ​ന​യു​മാ​യി പ്ര​ണ​യ വി​വാ​ഹ​മാ​യ​തി​നാ​ൽ അ​ക​ന്നു​നി​ന്ന ബ​ന്ധു​ക്ക​ളും സ​ഹാ​യ​ത്തി​നെ​ത്തി​യി​ല്ല. മ​ക്ക​ളാ​യ ഷ​ഹ​നാ​സ് പ​ത്തി​ലും യൂ​സു​ഫ് എ​ട്ടി​ലും സു​ൽ​ത്താ​ന ഏ​ഴാം ക്ലാ​സി​ലു​മാ​ണ്. ഇ​പ്പോ​ൾ വാ​ട​ക കൊ​ടു​ക്കാ​ൻ​പോ​ലും ക​ഴി​യാ​ത്ത അ​വസ്ഥ​യാ​ണി​വ​ർ​ക്ക്.

ഉ​മ്മ​ൻ​ചാ​ണ്ടി മു​ഖ്യ​മ​ന്ത്രി ആ​യി​രു​ന്ന​പ്പോ​ൾ ചി​കി​ത്സാ​സ​ഹാ​യ​മാ​യി 25000 രൂ​പ അ​നു​വ​ദി​ച്ചി​രു​ന്നു. കൂ​ടാ​തെ ആ​ശ്ര​യ പ​ദ്ധ​തി​പ്ര​കാ​രം വീ​ട് വ​ച്ച് ന​ൽ​കാ​നും ഉ​ത്ത​ര​വു​ണ്ടാ​യി. എ​ന്നാ​ൽ ഇ​തു​വ​രേ​യും വീ​ട് ല​ഭി​ച്ചി​ട്ടി​ല്ല. ഇ​തി​ന് വേ​ണ്ടി ക​യ​റി​യി​റ​ങ്ങാ​ത്ത സ്ഥ​ല​മി​ല്ലാ​യെ​ന്ന് ഭാ​ര്യ ഹ​സീ​ന പ​റ​യു​ന്നു. മൂ​ന്നു മ​ക്ക​ളും ഭാ​ര്യ​യു​മാ​യി ആ​ദി​ച്ച​ന​ല്ലൂ​ർ വി​ല്ലേ​ജോ​ഫീ​സി​ന്‍റെ വ​രാ​ന്ത​യി​ലും ഷെ​മീ​റി​ന് അ​ന്തി​യു​റ​ങ്ങേ​ണ്ടി​വ​ന്നി​ട്ടു​ണ്ട്.

2013-ൽ ​ആ​ശ്ര​യ പ​ദ്ധ​തി​യു​ടെ ഗു​ണ​ഭോ​ക്താ​വാ​യി ഷെ​മീ​റി​നെ പ​ഞ്ചാ​യ​ത്ത് തെ​ര​ഞ്ഞെ​ടു​ത്തെ​ങ്കി​ലും ഇ​തു​വ​രേ​യും ന​ട​പ​ടി ഉ​ണ്ടാ​യി​ട്ടി​ല്ല. വി​വി​ധ പ​ദ്ധ​തി​ക​ളി​ലെ​ല്ലാം ഉ​ൾ​പ്പെ​ടു​മെ​ങ്കി​ലും അ​വ​സാ​ന നി​മി​ഷം അ​വ ന​ഷ്ട​മാ​കു​ന്ന അ​വ​സ്ഥ​യാ​ണ് ഈ ​കു​ടും​ബ​ത്തി​ന്. ഹ​സീ​ന തൊ​ഴി​ലു​റ​പ്പി​ന് പോ​യി​ക്കി​ട്ടു​ന്ന വ​രു​മാ​നം മാ​ത്ര​മാ​ണി​വ​ർ​ക്ക്. ഇ​ത് വീ​ട്ടു​വാ​ട​ക​യ്ക്കു​പോ​ലും തി​ക​യി​ല്ല. ഒ​രു തു​ണ്ടു ഭൂ​മി​യും കൂ​ര​യു​മാ​ണ് ഇ​വ​രു​ടെ സ്വ​പ്നം. ഇ​ത് എ​ന്നെ​ങ്കി​ലും സ​ഫ​ല​മാ​കു​മെ​ന്ന പ്ര​തീ​ക്ഷ​യോ​ടെ വാ​ട​ക​വീ​ടി​ന്‍റെ ഉ​മ്മ​റ​ത്ത് അ​ധി​കാ​രി​ക​ളു​ടെ അ​റി​യി​പ്പി​നാ​യി കാ​ത്തി​രി​ക്കു​ക​യാ​ണ് ഷെ​മീ​ർ.