കോ​ടി​ക​ൾ ചെ​ല​വ​ഴി​ച്ച​ി‌ട്ടും ശാസ്താംകോട്ടയിൽ കെ​എ​സ്ആ​ർടിസി ​ഡി​പ്പോ യാ​ഥാ​ർ​ഥ്യ​മാ​യി​ല്ല
Monday, October 14, 2019 11:34 PM IST
ശാ​സ്താം​കോ​ട്ട: കോ​ടി​ക​ൾ ചെ​ല​വ​ഴി​ച്ച് നി​ർ​മി​ച്ച ശാ​സ്താം​കോ​ട്ട കെ​എ​സ്ആ​ർടി​സി ഡി​പ്പോ യാ ഥാ​ർഥ്യ​മാ​യി​ല്ല. ഓ​രോ നി​യോ​ജ​ക മ​ണ്ഡ​ല​ത്തി​ലും ഓ​രോ കെഎ​സ്ആ​ർടി​സി ഡി​പ്പോ എ​ന്ന നി​ല​യി​ലാ​ണ് കു​ന്ന​ത്തൂ​ർ നി​യ​മ​സ​ഭാ മ​ണ്ഡ​ല​ത്തി​ന്‍റെ ആ​സ്ഥാ​ന​മാ​യ ശാ​സ്താം​കോ​ട്ട​യി​ൽ 2005 ൽ​ഡി​പ്പോ ആ​രം​ഭി​ച്ച​ത്.

ശാ​സ്താം​കോ​ട്ട ഗ്രാ​മ പ​ഞ്ചാ​യ​ത്തി​ന്‍റെ ഉ​ട​മ​സ്ഥ​ത​യി​ലു​ള്ള പൊ​തു ച​ന്ത​യു​ടെ ഭാ​ഗ​മാ​യ ല​ക്ഷ​ങ്ങ​ൾ വി​ല​മ​തി​ക്കു​ന്ന 50 സെ​ന്‍റ് വ​സ്തു ഇ​തി​ന് വേ​ണ്ടി വി​ട്ടു ന​ൽ​കു​ക​യും ശാ​സ്താം​കോ​ട്ട​യി​ലെ വ്യാ​പാ​രി വ്യ​വ​സാ​യി ക​ൾ 10 ല​ക്ഷം രൂ​പ ചെ​ല​വ​ഴി​ച്ച് ഓ​ഫീ​സ് നി​ർ​മി​ച്ചു ന​ൽ​കു​ക​യും ചെ​യ്തു.​

അ​ന്ന് നി​യ​മ​സ​ഭാ തെ​ര​ഞ്ഞെ​ടു​പ്പി​ന് തൊ​ട്ട് മു​മ്പാ​ണ് ഡി​പ്പോ പ്ര​വ​ർ​ത്ത​നം ആ​രം​ഭി​ച്ച​ത്.​ഏ​താ​നും ദീ​ർ​ഘ​ദൂ​ര സ​ർ​വ്വീ​സു​ക​ൾ അ​ട​ക്കം ഇ​വി​ടെ നി​ന്ന് സ​ർ​വീ​സ് ആ​രം​ഭി​ക്കു​ക​യും ചെ​യ്തി​രു​ന്നു.

എ​ന്നാ​ൽ നി​യ​മ​സ​ഭ തെ​ര​ഞ്ഞെ​ടു​പ്പ് ക​ഴി​ഞ്ഞ​തോ​ടെ ഡി​പ്പോ​യു​ടെ പ്ര​വ​ർ​ത്ത​ന​വും മെ​ല്ലെ നി​ല​ച്ചു. ഇ​തി​ൽ പ്ര​തി​ഷേ​ധം ഉ​യ​ർ​ന്ന​തോ​ടെ ഗാ​രേ​ജ് ഇ​ല്ലാ​തെ ഡി​പ്പോ പ്ര​വ​ർ​ത്ത​നം ന​ട​ത്താ​ൻ സാ​ധി​ക്കി​ല്ലെന്ന പു​തി​യ നി​ല​പാ​ടു​മാ​യി കെഎ​സ്ആ​ർടി ​സി രം​ഗ​ത്ത് വ​ന്നു.

തു​ട​ർ​ന്ന് ശാ​സ്താം​കോ​ട്ട ഗ്രാ​മ പ​ഞ്ചാ​യ​ത്ത് കു​ന്ന​ത്തൂ​രി​ലെ മ​റ്റ് പ​ഞ്ചാ​യ​ത്തു​ക​ളു​ടെ സ​ഹാ​യ​ത്തോ​ടെ സാ​മ്പ​ത്തി​കം ക​ണ്ടെ​ത്തി ഗാ​രേ​ജി​ന് സ്ഥ​ലം വാ​ങ്ങു​ക​യും കോ​വൂ​ർ കു​ഞ്ഞു​മോ​ൻ എംഎ​ൽഎ​യു​ടെ പ്രാ​ദേ​ശി​ക വി​ക​സ​ന ഫ​ണ്ടി​ൽ നി​ന്ന് ഒ​രു കോ​ടി രൂ​പ ന​ൽ​കി കെ​ട്ടി​ട​ങ്ങ​ളും മ​റ്റ് അ​ടി​സ്ഥാ​ന സൗ​ക​ര്യ​ങ്ങ​ളും ഒ​രു​ക്കി ന​ൽ​കു​ക​യും ചെ​യ്തു.

ഓ​ഫീ​സ് വി​പു​ല​പ്പെ​ടു​ത്ത​ൽ, ബ​സ് ടെ​ർ​മി​ന​ൽ നി​ർ​മാ​ണം തു​ട​ങ്ങി നി​ര​വ​ധി പ്ര​വ​ർ​ത്ത​ന​ങ്ങ​ൾ​ക്ക് ഡി​പ്പോ​യി​ൽ ത​ന്നെ കോ​ടി​ക​ൾ ചെ​ല​വ​ഴി​ച്ച​ങ്കി​ലും ഡി​പ്പോ പ്ര​വ​ർ​ത്ത​നം മാ​ത്രം ആ​രം​ഭി​ച്ചി​ല്ല.​
ശ​ക്ത​മാ​യ രാ​ഷ്ട്രീ​യ സ​മ്മ​ർ​ദ്ദ​ങ്ങ​ൾ ന​ട​ത്തി​യി​ട്ടും കെഎ​സ്ആ​ർടി​സിയു​ടെ സാ​മ്പ​ത്തി​ക പ്ര​തി​സ​ന്ധി​യാ​ണ് ഇ​തി​ന് ത​ട​സ​മാ​യി നി​ന്ന​ത്. എ​ങ്കി​ലും ഡി​പ്പോ എ​പ്പോ​ഴെ​ങ്കി​ലും പ്ര​വ​ർ​ത്ത​നം തു​ട​ങ്ങാ​ൻ സാ​ധി​ക്കു​മെ​ന്ന പ്ര​തീ​ക്ഷ​യി​ലാ​യി​രു​ന്നു കു​ന്ന​ത്തൂ​ർ നി​വാ​സി​ക​ൾ .ഈ ​പ്ര​തീ​ക്ഷ​യാ​ണ് അ​സ്ത​മി​ച്ച​ത്.​ എ​ന്നാ​ൽ ഡി​പ്പോ​യു​ടെ കാ​ര്യ​ത്തി​ൽ സ​ർ​വക്ഷി യോ​ഗം വി​ളി​ച്ച് തീ​രു​മാ​നം ഉ​ണ്ടാ​ക്കാം എ​ന്നാ​ണ് കോ​വൂ​ർ കു​ഞ്ഞു​മോ​ൻ എം ​എ​ൽ എ ​യു​ടെ നി​ല​പാ​ട്.

ഇ​തി​നി​ട​യി​ൽ പ​ഞ്ചാ​യ​ത്ത് വി​ട്ട് ന​ൽ​കി​യ സ്ഥ​ലം തി​രി​കെ നൽകണമെന്ന ആ​വ​ശ്യ​വു​മാ​യി പ​ഞ്ചാ​യ​ത്ത് രം​ഗ​ത്ത് വ​ന്നി​ട്ടു​ണ്ട്. കെ​എ​സ്ആ​ർടി​സി ഡി​പ്പോ യാ​ഥാ​ർ​ഥ്യ​മാ​കി​ല്ലെങ്കി​ൽ എ​ല്ലാ ബ​സു​ക​ളും​സ്വ​കാ​ര്യ ബ​സു​ക​ൾ ഉ​ൾ​പ്പെ​ടു​ന്ന ത​ര​ത്തി​ൽ ബ​സ് സ്റ്റാ​ൻ​ഡ് നി​ർ​മി​ക്ക​ണ​മെ​ന്ന ആ​വ​ശ്യം ഉ​യ​ർ​ന്നി​ട്ടു​ണ്ട്.

വി​വി​ധ ആ​വ​ശ്യ​ങ്ങ​ൾ​ക്ക് എ​ത്തു​ന്ന​വ​രു​ടെ വാ​ഹ​ന​ങ്ങ​ളും താ​ലൂ​ക്ക് ആ​ശു​പ​ത്രി​യി​ലെ ആം​ബു​ല​ൻ​സു​ക​ൾ പാ​ർ​ക്ക് ചെ​യ്യു​ന്ന​തി​ന്നും സ​മീ​പ​ത്തെ ക​ട​ക​ളി​ലെ സാ​ധ​ന​ങ്ങ​ൾ സൂ​ക്ഷി​ക്കു​ന്ന​തി​ന്നു​ള്ള സ്ഥ​ല​മാ​യി ഡി​പ്പോ മാ​റി​യി​രി​ക്കു​ക​യാ​ണ്. രാ​ഷ്ട്രീ​യ പാ​ർ​ട്ടി​ക​ളു​ടെ​യും മ​റ്റു സം​ഘ​ട​ന​ക​ളു​ടെ​യും സ​മ്മേ​ള​ന​ങ്ങ​ൾ ന​ട​ത്തു​ന്ന​തും ഇ​പ്പോ​ൾ ഇ​വി​ടെ​യാ​ണ്. ഇ​പ്പോ​ൾ പ്ര​വ​ർ​ത്തി​ച്ചു വ​രു​ന്ന ച​ന്ത കെഎ​സ് ആ​ർടി​സി ഡി​പ്പോ സ്ഥ​ല​ത്തേ​ക്കും ച​ന്ത​പ്ര​വ​ർ​ത്തി​ച്ചു വ​രു​ന്ന സ്ഥ​ല​ം താ​ലു​ക്ക് ആ​ശു​പ​ത്രി വി​ക​സ​ന​ത്തി​ന് വേ​ണ്ടി വി​ട്ടു ന​ൽ​കു​ന്ന​തി​നും നീ​ക്ക​മു​ണ്ട്.