കൊല്ലം: ജില്ലയില്‍ ഇന്നലെ 664 പേര്‍ കോവിഡ് രോഗ മുക്തരായി. 509 പേര്‍ക്ക് കോവിഡ് സ്ഥിരീകരിച്ചു. കൊല്ലം കോര്‍പറേഷനില്‍ തൃക്കടവൂരും മുനിസിപ്പാലിറ്റികളില്‍ പുനലൂര്‍, കരുനാഗപ്പള്ളി എന്നിവിടങ്ങളിലും ഗ്രാമപഞ്ചായത്തുകളില്‍ പത്തനാപുരം, ആദിച്ചനല്ലൂര്‍, പന്മന, ശൂരനാട്, ഇളമ്പള്ളൂര്‍, ആലപ്പാട്, ശാസ്താംകോട്ട, ഏരൂര്‍, അഞ്ചല്‍, കൊറ്റങ്കര, പെരിനാട്, വെളിയം, പിറവന്തൂര്‍, മൈലം ഭാഗങ്ങളിലുമാണ് രോഗബാധിതര്‍ കൂടുതലുള്ളത്. സമ്പര്‍ക്കം മൂലം 505 പേരും ഉറവിടം വ്യക്തമല്ലാത്ത രണ്ടുപേരും രണ്ട് ആരോഗ്യ പ്രവര്‍ത്തകരും ഇന്നലെ രോഗം സ്ഥിരീകരിച്ചവരില്‍ ഉള്‍പ്പെടുന്നു. കൊല്ലം കോര്‍പ്പറേഷനില്‍ 56 പേര്‍ക്കാണ് രോഗബാധ. തൃക്കടവൂര്‍-14, കുപ്പണ -7, തങ്കശേരി-5, ഉളിയക്കോവില്‍, തിരുമുല്ലവാരം എന്നിവിടങ്ങളില്‍ മൂന്നു വീതവുമാണ് കോര്‍പ്പറേഷന്‍ പരിധിയിലെ രോഗബാധിതര്‍. മുനിസിപ്പാലിറ്റികളില്‍ പുനലൂര്‍ -14, കരുനാഗപ്പള്ളി -8, കൊട്ടാരക്കര -4, പരവൂര്‍ - 4 എന്നിങ്ങനെയാണ് രോഗബാധിതരുടെ എണ്ണം.
ഗ്രാമപഞ്ചായത്ത് പ്രദേശങ്ങളില്‍ പത്തനാപുരം- 60, ആദിച്ചനല്ലൂര്‍ -27, പന്മന- 23, ശൂരനാട് -22, ഇളമ്പള്ളൂര്‍ - 20, ആലപ്പാട് -16, ശാസ്താംകോട്ട -15, ഏരൂര്‍- 13, അഞ്ചല്‍, കൊറ്റങ്കര ഭാഗങ്ങളില്‍ 12 വീതവും പെരിനാട്, വെളിയം പ്രദേശങ്ങളില്‍ 11 വീതവും പിറവന്തൂര്‍, മൈലം എന്നിവിടങ്ങളില്‍ 10 വീതവും നെടുമ്പന-ഒന്‍പത്, തെക്കുംഭാഗം-ഏഴ്, ഓച്ചിറ, തൃക്കരുവ, തെന്മല, പട്ടാഴി വടക്കേക്കര, പടിഞ്ഞാറേ കല്ലട ഭാഗങ്ങളില്‍ ആറു വീതവും കിഴക്കേ കല്ലട, കുലശേഖരപുരം, ചിതറ, തൃക്കോവില്‍വട്ടം, പനയം, പോരുവഴി, മൈനാഗപ്പള്ളി, പ്രദേശങ്ങളില്‍ അഞ്ചു വീതവും അലയമണ്‍, ഇടമുളയ്ക്കല്‍, കരവാളൂര്‍, കുന്നത്തൂര്‍, തലവൂര്‍, നിലമേല്‍, പേരയം, വെളിനല്ലൂര്‍ ഭാഗങ്ങളില്‍ നാലു വീതവും കരീപ്ര, ചവറ, ചാത്തന്നൂര്‍, തേവലക്കര, നെടുവത്തൂര്‍ എന്നിവിടങ്ങളില്‍ മൂന്നു വീതവുമാണ് രോഗബാധിതരുള്ളത്. മറ്റിടങ്ങളില്‍ രണ്ടും അതില്‍ താഴെയുമാണ് രോഗബാധിതരുടെ എണ്ണം.
ആയൂര്‍ സ്വദേശി അബ്ദുല്‍ ജബാര്‍(65), ക്ലാപ്പന സ്വദേശി താജുദീന്‍(60), അമ്പനാട് സ്വദേശി ജലാലുദീന്‍(56), തേവലക്കര സ്വദേശിനി ഐഷ കുഞ്ഞ്(72) എന്നിവരുടെ മരണം കോവിഡ് മൂലമാണെന്ന് സ്ഥിരീകരിച്ചു.