കു​ള​ന​ട​യി​ൽ അ​ട്ടി​മ​റി സാ​ധ്യ​ത ?
Thursday, December 3, 2020 10:30 PM IST
കു​ള​ന​ട: ജി​ല്ലാ പ​ഞ്ചാ​യ​ത്ത് കു​ള​ന​ട മ​ണ്ഡ​ല​ത്തി​ൽ ഇ​ത്ത​വ​ണ ഒ​രു അ​ട്ടി​മ​റി പ്ര​തീ​ക്ഷി​ക്കാ​മോ. സാ​ധ്യ​ത​ക​ൾ ത​ള്ളി​ക്ക​ള​യാ​നാ​കി​ല്ലെ​ന്ന് പ​റ​യു​ന്പോ​ൾ ത​ന്നെ ഇ​രു​മു​ന്ന​ണി​ക​ളും സ്വ​ന്തം ത​ട്ട​ക​മെ​ന്നു കു​ള​ന​ട​യെ വി​ധി​യെ​ഴു​തി​ക്ക​ഴി​ഞ്ഞു. ജി​ല്ലാ പ്ര​സി​ഡ​ന്‍റി​നെ രം​ഗ​ത്തി​റ​ക്കി അ​ട്ടി​മ​റി സാ​ധ്യ​ത തേ​ടു​ന്നത് ബിജെപിയാണ്. മ​ണ്ഡ​ലത്തിലെ മത്സരം സം​സ്ഥാ​നാ​ടി​സ്ഥാ​ന​ത്തി​ൽ ത​ന്നെ ശ്ര​ദ്ധി​ക്ക​പ്പെ​ട്ടു ക​ഴി​ഞ്ഞു.
കു​ള​ന​ട​യി​ലെ സ്ഥാ​നാ​ർ​ഥി​ക​ൾ മൂ​വ​രും വോട്ടർമാർക്കു പ​രി​ചി​ത​രാ​ണ്. പ​ഞ്ചാ​യ​ത്ത് ഭ​ര​ണ​രം​ഗ​ത്തു ക​ഴി​വു തെ​ളി​യി​ച്ച​വരുമാ​ണ്. വോ​ട്ട​ർ​മാ​ർ​ക്കി​ട​യി​ലെ സ്വാ​ധീ​നമാണ് ഇനിയുള്ള അളവുകോൽ.
കോ​ണ്‍​ഗ്ര​സി​ലെ ജി. ​ര​ഘു​നാ​ഥ്, സി​പി​എ​മ്മി​ലെ ആ​ർ. അ​ജ​യ​കു​മാ​ർ, ബി​ജെ​പി​യി​ലെ അ​ശോ​ക​ൻ കു​ള​ന​ട, ജ​ന​പ​ക്ഷം പി​ന്തു​ണ​യി​ൽ അ​ല​ക്സാ​ണ്ട​ർ കാ​ക്ക​നാ​ട് എ​ന്നി​വ​രാ​ണ് സ്ഥാ​നാ​ർ​ഥി​ക​ൾ. ത്രി​ത​ല പ​ഞ്ചാ​യ​ത്ത് സം​വി​ധാ​നം നി​ല​വി​ൽ​വ​ന്ന 1995 മു​ത​ൽ കു​ള​ന​ട കേ​ന്ദ്ര​മാ​ക്കി ഒ​രു ജി​ല്ലാ പ​ഞ്ചാ​യ​ത്ത് മ​ണ്ഡ​ലം നി​ല​വി​ലു​ണ്ട്. 1995, 2000 തെ​ര​ഞ്ഞെ​ടു​പ്പു​ക​ളി​ൽ എ​ൻ​എ​സ്എ​സ് നേ​താ​വും അ​ന്ന​ത്തെ എ​ൻ​ഡി​പി പ്ര​തി​നി​ധി​യു​മാ​യ പ​ന്ത​ളം ശി​വ​ൻ​കു​ട്ടി മ​ണ്ഡ​ല​ത്തെ പ്ര​തി​നി​ധീ​ക​രി​ച്ചു.
2005ൽ ​മ​ണ്ഡ​ല​ത്തി​ന്‍റെ ച​രി​ത്രം മാ​റി. കെ. ​ക​രു​ണാ​ക​ര​ൻ രൂ​പീ​ക​രി​ച്ച ഡി​ഐ​സി​യി​ൽ അം​ഗ​മാ​യ ആ​ശാ ബെ​ൻ എ​ൽ​ഡി​എ​ഫ് പി​ന്തു​ണ​യി​ൽ വി​ജ​യി​ച്ചു. 2010ൽ ​സി​പി​എ​മ്മി​ലെ ആ​ർ. അ​ജ​യ​കു​മാ​റാ​ണ് തെ​ര​ഞ്ഞെ​ടു​ക്ക​പ്പെ​ട്ട​ത്. യു​ഡി​എ​ഫി​ലെ എ.​ആ​ർ. ബാ​ല​നാ​യി​രു​ന്നു എ​തി​രാ​ളി. 699 വോ​ട്ടി​ന്‍റെ ഭൂ​രി​പ​ക്ഷ​ത്തി​ലാ​ണ് അ​ന്ന് അ​ജ​യ​കു​മാ​ർ വി​ജ​യി​ച്ച​ത്. വി​ജ​യം ആ​വ​ർ​ത്തി​ക്കാ​മെ​ന്ന പ്ര​തീ​ക്ഷ​യി​ലാ​ണ് വീ​ണ്ടും അ​ദ്ദേ​ഹ​ത്തെ പാ​ർ​ട്ടി രം​ഗ​ത്തി​റ​ക്കി​യ​ത്.
ക​ഴി​ഞ്ഞ ത​വ​ണ വ​നി​താ സം​വ​ര​ണ മ​ണ്ഡ​ല​ത്തി​ൽ കോ​ണ്‍​ഗ്ര​സി​ലെ വി​നീ​ത അ​നി​ലാ​ണ് വി​ജ​യി​ച്ച​ത്. 886 വോ​ട്ടു​ക​ളാ​യി​രു​ന്നു ഭൂ​രി​പ​ക്ഷം. ആ​റ​ന്മു​ള, കു​ള​ന​ട, മെ​ഴു​വേ​ലി ഗ്രാ​മ​പ​ഞ്ചാ​യ​ത്തു​ക​ളി​ലാ​യി വ്യാ​പി​ച്ചു കി​ട​ക്കു​ന്ന മ​ണ്ഡ​ല​ത്തി​ൽ 70,000 ഓ​ളം വോ​ട്ട​ർ​മാ​രു​ണ്ടാ​കു​മെ​ന്ന് ക​ണ​ക്കാ​ക്കു​ന്നു.
ക​ഴി​ഞ്ഞ അ​ഞ്ചു​വ​ർ​ഷം ജി​ല്ലാ പ​ഞ്ചാ​യ​ത്ത് മ​ണ്ഡ​ല​ത്തി​ൽ ന​ട​പ്പാ​ക്കി​യ വി​ക​സ​ന പ്ര​വ​ർ​ത്ത​ന​ങ്ങ​ളാ​ണ് യു​ഡി​എ​ഫി​ന്‍റെ തു​റു​പ്പു​ചീ​ട്ട്. സം​സ്ഥാ​ന സ​ർ​ക്കാ​ർ പ​ദ്ധ​തി​ക​ളി​ലൂ​ടെ​യു​ള്ള വി​ക​സ​നം ത​ന്നെ എ​ൽ​ഡി​എ​ഫും ഉ​യ​ർ​ത്തി​ക്കാ​ട്ടു​ന്നു. കേ​ന്ദ്ര സ​ർ​ക്കാ​ർ പ​ദ്ധ​തി​ക​ളും കു​ള​ന​ട ഗ്രാ​മ​പ​ഞ്ചാ​യ​ത്ത് പ്ര​സി​ഡ​ന്‍റ് എ​ന്ന നി​ല​യി​ൽ ഉ​ണ്ടാ​ക്കി​യ നേ​ട്ട​ങ്ങ​ളും എ​ണ്ണി​പ്പ​റ​ഞ്ഞാ​ണ് ബി​ജെ​പി​യു​ടെ പ്ര​ചാ​ര​ണം.
രാ​ഷ്ട്രീ​യ സാ​ധ്യ​ത​ക​ൾ മൂ​ന്ന് മു​ന്ന​ണി​ക​ളും ഒ​രേ​പോ​ലെ വി​ല​യി​രു​ത്തി​യി​ട്ടു​ണ്ട്. ലോ​ക്സ​ഭ തെ​ര​ഞ്ഞെ​ടു​പ്പി​ൽ വോ​ട്ടിം​ഗ് രീ​തി​യാ​യി​രി​ക്കി​ല്ല ഇ​ത്ത​വ​ണ. എ​ന്നി​രു​ന്നാ​ലും മൂ​ന്നു സ്ഥാ​നാ​ർ​ഥി​ക​ളും തി​ക​ഞ്ഞ വി​ജ​യ​പ്ര​തീ​ക്ഷ​യി​ലു​മാ​ണ്.