പത്തനംതിട്ട: സാംസ്കാരിക വകുപ്പിന്‍റെ സഹകരണത്തോടെ തിലകൻ സ്മാരക വേദി നടത്തിയ സംസ്ഥാന പ്രഫഷണൽ നാടക മത്സരത്തിന്‍റെ അവാർഡ് വിതരണം 25നു വൈകുന്നേരം നാലിന് പത്തനംതിട്ട പ്രസ് ക്ലബ് ഹാളിൽ മന്ത്രി വി.എൻ. വാസവൻ നിർവഹിക്കും മുൻ മന്ത്രി സജി ചെറിയാൻ തിലകൻ സ്മാരക പ്രഭാഷണം നടത്തും.
ഒന്നും രണ്ടും സ്ഥാനങ്ങൾ നേടിയ കോഴിക്കോട് സൃഷ്ടി, കൊല്ലം അനശ്വര എന്നീ നാടകസമിതികൾ ക്കും വ്യക്തിഗത അവാർഡിന് അർഹത ലഭിച്ച വെൺകുളം ജയകുമാർ, മനോജ് നാരായണൻ, തിരുവല്ല ബാബുരാജ്, ശാന്തി പ്രബുദ്ധൻ, ഉഷാ ഉദയൻ, ജയൻ തിരുമന, ആലപ്പി ഋഷികേശ്, കേരളപുരം ശ്രീകുമാർ, ശുഭ രഘുനാഥ്, സ്പെഷൽ ജൂറി അവാർഡ് നേടിയ വടകര വരദ, പയ്യന്നൂർ മുരളി, വിമൽ മുരളി, പ്രദീപ് ചന്ദ്രൻ, ചെമ്പഴന്തി ചന്ദ്രബാബു, ആമി സതി റാം എന്നിവർ അവാർഡുകൾ ഏറ്റുവാങ്ങുമെന്ന് തിലകൻ സ്മാരക വേദി പ്രസിഡന്‍റ് മുൻ എംഎൽഎ രാജു ഏബ്രഹാം, സെക്രട്ടറി കൊടുമൺ ഗോപാലകൃഷ്ണൻ എന്നിവർ അറിയിച്ചു.