ജില്ലയിൽ കോ​വി​ഡ് പ്ര​തി​രോ​ധ കു​ത്തി​വ​യ്പ് ആ​രം​ഭി​ച്ചു
Saturday, January 16, 2021 10:57 PM IST
ആ​ല​പ്പു​ഴ: കോ​വി​ഡ് പ്ര​തി​രോ​ധ വാ​ക്സി​ൻ കോ​വിഷീ​ൽ​ഡ് വി​ത​ര​ണം ജി​ല്ല​യി​ൽ ആ​രം​ഭി​ച്ചു. ജ​ന​റ​ൽ ആ​ശു​പ​ത്രി​യി​ൽ ന​ട​ന്ന കോ​വി​ഡ് വാ​ക്സി​ൻ വി​ത​ര​ണ​ത്തി​ൽ ജി​ല്ലാ മെ​ഡി​ക്ക​ൽ ഓ​ഫീസ​ർ എ​ൽ. അ​നി​ത​കു​മാ​രി ആ​ദ്യ​മാ​യി വാ​ക്സി​ൻ സ്വീ​ക​രി​ച്ചു. തു​ട​ർ​ന്ന് ഡോ​. വേ​ണുഗോ​പാ​ൽ, ആ​ർ സിഎ​ച്ച് ഓ​ഫീ​സ​ർ ഡോ​. മോ​ഹ​ൻ​ദാ​സ് എ​ന്നി​വ​രും വാ​ക്സി​ൻ സ്വീ​ക​രി​ച്ചു.

ജി​ല്ല​യി​ൽ സ​ജ്ജീ​ക​രി​ച്ചി​ട്ടു​ള്ള 9 കേ​ന്ദ്ര​ങ്ങ​ളി​ലാ​ണ് വാ​ക്സി​ൻ വി​ത​ര​ണം ആ​രം​ഭി​ച്ചി​രി​ക്കു​ന്ന​ത്. ജില്ലയിൽ ഇന്നലെ 616 പേർക്ക് വാക്സിൻ നൽകി. രാവി​ലെ 10.30ന് ​പ്ര​ധാ​നമ​ന്ത്രി ന​രേ​ന്ദ്ര മോ​ദി ഉ​ദ​്ഘാ​ട​നം ചെ​യ്തശേ​ഷ​മാ​ണ് വാ​ക്സി​ൻ വി​ത​ര​ണം ആ​രം​ഭി​ച്ച​ത്. മ​ന്ത്രി ജി. ​സു​ധാ​ക​ര​ൻ വാ​ക്സി​ൻ വി​ത​ര​ണ കേ​ന്ദ്ര​ങ്ങ​ളാ​യ വ​ണ്ടാ​നം മെ​ഡി​ക്ക​ൽ കോ​ളജി​ലും ആ​ല​പ്പു​ഴ ജ​ന​റ​ൽ ആ​ശു​പ​ത്രി​യി​ലും എ​ത്തി പ്ര​വ​ർ​ത്ത​ന​ങ്ങ​ൾ വി​ല​യി​രു​ത്തി. എ.​എം. ആ​രി​ഫ് എംപി വ​ണ്ടാ​നം മെ​ഡി​ക്ക​ൽ കോ​ള​ജി​ൽ എ​ത്തി വാ​ക്സി​ൻ വി​ത​ര​ണം വീ​ക്ഷി​ച്ചു.

ജി​ല്ല​യി​ലെ കോ​വി​ഡ് പ്ര​തി​രോ​ധപ്ര​വ​ർ​ത്ത​ന​ങ്ങ​ൾ​ക്ക് വാ​ക്സി​ൻ വി​ത​ര​ണം ആ​രം​ഭി​ച്ച​തോ​ടു​കൂ​ടി കൂ​ടു​ത​ൽ ആ​ത്മ​വി​ശ്വാ​സ​മാ​കു​മെ​ന്ന് വി​ത​ര​ണ കേ​ന്ദ്ര​ങ്ങ​ൾ സ​ന്ദ​ർ​ശി​ച്ച ശേ​ഷം മ​ന്ത്രി ജി. ​സു​ധാ​ക​ര​ൻ പ​റ​ഞ്ഞു. ആ​രോ​ഗ്യമേ​ഖ​ല​യി​ലെ ഡോ​ക്ട​ർ​മാ​ർ, ന​ഴ്സു​മാ​ർ മ​റ്റ് ആ​രോ​ഗ്യ​പ്ര​വ​ർ​ത്ത​ക​ർ തു​ട​ങ്ങി​യ​വ​രും ത്യാ​ഗ​പൂ​ർ​ണമാ​യ പ്ര​വ​ർ​ത്ത​ന​ങ്ങ​ളാ​ണ് കോ​വി​ഡ് കാ​ല​ത്ത് ന​ട​ത്തു​ന്ന​തെ​ന്നും മ​ന്ത്രി കൂ​ട്ടി​ച്ചേ​ർ​ത്തു.

പ്ര​ധാ​ന​മ​ന്ത്രി ന​രേ​ന്ദ്ര​മോ​ദി വാ​ക്സി​ൻ വി​ത​ര​ണം ഉ​ദ്ഘാ​ട​നം ചെ​യ്യു​ന്ന ച​ട​ങ്ങ് ക​ള​ക്ട​റേ​റ്റി​ൽ വീ​ഡി​യോ വ​ഴി വീ​ക്ഷി​ച്ച ശേ​ഷം ജി​ല്ലാ ക​ള​ക്ട​ർ എ. ​അ​ല​ക്സാ​ണ്ട​ർ വാ​ക്സി​ൻ വി​ത​ര​ണ കേ​ന്ദ്ര​മാ​യ ജ​ന​റ​ൽ ആ​ശു​പ​ത്രി​യി​ൽ എ​ത്തി. കോ​വി​ഡ് പ്ര​തി​രോ​ധ വാ​ക്സി​ൻ ജി​ല്ല​യി​ൽ തെര​ഞ്ഞെ​ടു​ക്ക​പ്പെ​ട്ട 9 കേ​ന്ദ്ര​ങ്ങ​ൾ വ​ഴി വി​ത​ര​ണം ചെ​യ്യു​ന്പോ​ൾ എ​ല്ലാ​വ​ർ​ക്കും ല​ഭ്യ​മാ​കാ​നു​ള്ള സൗ​ക​ര്യം ഉ​ണ്ടാ​വു​മെ​ന്ന് ജി​ല്ലാ ക​ള​ക്ട​ർ പ​റ​ഞ്ഞു. തീ​ര​ദേ​ശമേ​ഖ​ല, കു​ട്ട​നാ​ട് തു​ട​ങ്ങി എ​ല്ലാ വി​ഭാ​ഗ​ത്തി​ലെ​യും പ്രാ​തി​നി​ധ്യം ആ​ദ്യഘ​ട്ട​ത്തി​ൽ ഉ​റ​പ്പാ​ക്കി​ക്കൊ​ണ്ടാ​ണ് ജി​ല്ല​യി​ൽ ആ​ദ്യദി​നം 9 കേ​ന്ദ്ര​ങ്ങ​ളി​ലാ​യി 100 പേ​രെ വീ​തം തെര​ഞ്ഞെ​ടു​ത്തു വാ​ക്സി​നേ​ഷ​ൻ ആ​രം​ഭി​ച്ച​ത്. ഇ​തി​ൽ ആ​രോ​ഗ്യമേ​ഖ​ല​യി​ലെ താ​ഴേത്തട്ടി​ലു​ള്ള ജീ​വ​ന​ക്കാ​ർ അ​ട​ക്കം എ​ല്ലാ​വ​രെ​യും ഉ​ൾ​പ്പെ​ടു​ത്തി​യി​ട്ടു​ണ്ടെ​ന്നും ക​ള​ക്ട​ർ വ്യ​ക്ത​മാ​ക്കി.

കോ​വി​ഡ് പ്ര​തി​രോ​ധ വാ​ക്സി​നേ​ഷ​ൻ ജി​ല്ല​യി​ൽ ആ​രം​ഭി​ച്ച​ത് കോ​വി​ഡ് പ്ര​തി​രോ​ധ പ്ര​വ​ർ​ത്ത​ന​ങ്ങ​ൾ​ക്കു കൂ​ടു​ത​ൽ ആ​ത്മ​വി​ശ്വാ​സം പ​ക​രു​ന്നു​വെ​ന്ന് ജി​ല്ലാ മെ​ഡി​ക്ക​ൽ ഓ​ഫീസ​ർ എ​ൽ. അ​നി​ത​കു​മാ​രി പ​റ​ഞ്ഞു. ആ​ദ്യ​ഘ​ട്ട​ത്തി​ൽ ആ​രോ​ഗ്യ​പ്ര​വ​ർ​ത്ത​ക​ർ, പ്ര​തി​രോ​ധ നി​ര​യി​ലെ മു​ന്ന​ണി പോ​രാ​ളി​ക​ൾ എ​ന്നി​വ​ർ​ക്കാ​ണ് വാ​ക്സി​നേ​ഷ​ൻ ന​ൽ​കു​ന്ന​ത്. തു​ട​ർ​ന്ന് പ്രാ​യ​മു​ള്ള​വ​ർ ഉ​ൾ​പ്പ​ടെ മു​ൻ​ഗ​ണ​ന ക്ര​മ​ത്തി​ൽ പൊ​തു​ജ​ന​ങ്ങ​ൾ​ക്ക് വാ​ക്സി​ൻ ന​ൽ​കും. പി​ന്നീ​ടാ​വും മ​റ്റു​ള്ള​വ​ർ​ക്ക് വാ​ക്സി​ൻ ന​ൽ​കു​ക​യെ​ന്നും ജി​ല്ല​യി​ൽ ആ​ദ്യ വാ​ക്സി​നേ​ഷ​ൻ സ്വീ​ക​രി​ച്ച ശേ​ഷം മെ​ഡി​ക്ക​ൽ ഓ​ഫീ​സ​ർ പ​റ​ഞ്ഞു. മു​നി​സി​പ്പ​ൽ ചെ​യ​ർ​പേ​ഴ്സ​ണ്‍ സൗ​മ്യ രാ​ജ്, ജി​ല്ലാ പ​ഞ്ചാ​യ​ത്ത് പ്ര​സി​ഡ​ന്‍റ് കെ.ജി. രാ​ജേ​ശ്വ​രി തു​ട​ങ്ങി​യ​വ​രും ജ​ന​റ​ൽ ആ​ശു​പ​ത്രി സ​ന്ദ​ർ​ശി​ച്ചു.

വ​ണ്ടാ​നം മെ​ഡി​ക്ക​ൽ കോ​ള ജ്, ആ​ല​പ്പു​ഴ ജ​ന​റ​ൽ ആ​ശു​പ​ത്രി, ചെ​ങ്ങ​ന്നൂ​ർ, മാ​വേ​ലി​ക്ക​ര, ജി​ല്ലാ ആ​ശു​പ​ത്രി​ക​ൾ, കാ​യം​കു​ളം താ​ലൂ​ക്ക് ആ​ശു​പ​ത്രി, ആ​ർഎ​ച്ച്റ്റിസിചെ​ട്ടി​കാ​ട്, പു​റ​ക്കാ​ട് പ്രാ​ഥ​മി​കാ​രോ​ഗ്യ​കേ​ന്ദ്രം, ചെ​ന്പും​പു​റം സാ​മൂ​ഹി​കാ​രോ​ഗ്യ​കേ​ന്ദ്രം, സേ​ക്ര​ഡ് ഹാ​ർ​ട്ട് ആ​ശു​പ​ത്രി, ചേ​ർ​ത്ത​ല എ​ന്നി​വി​ട​ങ്ങ​ളാ​ണ് ആ​ദ്യ​ഘ​ട്ട​ത്തി​ലെ വാ​ക്സി​നേ​ഷ​ൻ കേ​ന്ദ്ര​ങ്ങ​ൾ. ആ​ദ്യ​ഘ​ട്ടം ആ​ദ്യദി​ന​ത്തി​ൽ വാ​ക്സി​നേ​ഷ​ൻ സ്വീ​ക​രി​ക്കു​ന്ന​തി​ന് ആ​രോ​ഗ്യ​പ്ര​വ​ർ​ത്ത​ക​രി​ലെ എ​ല്ലാ മേ​ഖ​ല​ക​ളി​ൽനി​ന്നും പ്ര​തി​നി​ധി​ക​ളെ​യാ​ണ് തെ​ര​ഞ്ഞെ​ടു​ത്തി​രു​ന്ന​ത്.

വ​ണ്ടാ​നം മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ൽ ഓ​ർ​ത്തോ വി​ഭാ​ഗം അ​സോ​സി​യേ​റ്റ് പ്രഫ​സ​ർ ഡോ. ​ജോ​ർ​ജുകു​ട്ടി ആ​ദ്യ വാ​ക്സി​ൻ സ്വീ​ക​രി​ച്ചു. സൂ​പ്ര​ണ്ട​് ആ​ർ.വി. ​രാം​ലാ​ൽ, ഡെ​പ്യൂ​ട്ടി സൂ​പ്ര​ണ്ട് ഡോ.​ അ​ബ്ദു​ൾ സ​ലാം, ഡോ.​ ടി.​കെ.​ സു​മ, ന​ഴ്സിം​ഗ് സൂ​പ്ര​ണ്ട് പ്ര​ഭാ​കു​മാ​രി, വാ​ക്സി​നേ​ഷ​ൻ നോ​ഡ​ൽ ഓ​ഫീ​സ​ർ ഡോ.​ സു​നി​ൽ ഡാ​നി​യേ​ൽ, കോ​വി​ഡ് സെ​ൽ നോ​ഡ​ൽ ഓ​ഫീ​സ​ർ ഡോ.​ ജൂ​ബി ജോ​ണ്‍ എ​ന്നി​വ​ർ നേ​തൃത്വം ന​ൽ​കി.


Copyright @ 2021 , Rashtra Deepika Ltd.