നെ​ല്ല​റ​യു​ടെ നാ​ട്ടി​ൽ വി​ള​വെ​ടു​പ്പി​നൊ​രു​ങ്ങി മു​ന്ന​ണി​ക​ൾ
Tuesday, March 2, 2021 10:53 PM IST
മ​ങ്കൊ​ന്പ്: നെ​ല്ല​റ​യു​ടെ നാ​ട്ടി​ൽ പു​ഞ്ച​കൃ​ഷി വി​ള​വെ​ടു​പ്പി​നു ക​ർ​ഷ​ക​ർ ത​യാ​റെ​ടു​ക്കു​ന്പോ​ൾ, തെ​ര​ഞ്ഞെ​ടു​പ്പി​ൽ വി​ജ​യം കൊ​യ്യാ​നു​ള്ള നി​ല​മൊ​രു​ക്ക​ലി​ലാ​ണ് മു​ന്ന​ണി​ക​ളും രാ​ഷ്ട്രീ​യപാ​ർ​ട്ടി​ക​ളും. ക​മ്യൂ​ണി​സ​വും കേ​ര​ള കോ​ണ്‍​ഗ്ര​സും ത​ഴ​ച്ചു​വ​ള​ർ​ന്നു​വ​ന്ന മ​ണ്ണി​ൽ ക​ഴി​ഞ്ഞ തെ​ര​ഞ്ഞെ​ടു​പ്പി​ൽ എ​ൻ​ഡി​എ​യും ക​രു​ത്ത​റി​യി​ച്ചി​രു​ന്നു. ഹാ​ട്രി​ക് വി​ജ​യം ആ​വ​ർ​ത്തി​ക്കാ​ൻ എ​ൽ​ഡി​എ​ഫ് ക​ച്ച​കെ​ട്ടു​ന്പോ​ൾ, ന​ഷ്ട​പ്പെ​ട്ട സീ​റ്റ് വീ​ണ്ടെ​ടു​ക്കാ​നു​ള്ള പ​ട​യൊ​രു​ക്ക​ത്തി​ലാ​ണ് യു​ഡി​എ​ഫ്. 2016 ലെ ​തെ​ര​ഞ്ഞെ​ടു​പ്പി​ൽ കാ​ട്ടി​യ മി​ക​ച്ച പ്ര​ക​ട​നം ഇ​ത്ത​വ​ണ വി​ജ​യ​ത്തി​ലെ​ത്തി​ക്കു​ക​യാ​ണ് എ​ൻ​ഡി​എ​യു​ടെ ല​ക്ഷ്യം.
1965 മു​ത​ൽ ന​ട​ന്ന 13 തെ​ര​ഞ്ഞെ​ടു​പ്പു​ക​ളി​ൽ വി​ജ​യം ഏ​റെ​യും എ​ൽ​ഡി​എ​ഫി​നൊ​പ്പ​മാ​യി​രു​ന്നു. എ​ട്ടു ത​വ​ണ ഇ​ട​തു സ്ഥാ​നാ​ർ​ഥി​ക​ൾ വി​ജ​യി​ച്ച​പ്പോ​ൾ അ​ഞ്ചു​ത​വ​ണ യു​ഡി​എ​ഫ് പ്ര​തി​നി​ധി നി​യ​മ​സ​ഭ​യി​ലെ​ത്തി. എ​ന്നാ​ൽ ക​മ്യൂ​ണി​സ​വും ക​ർ​ഷ​ക​ത്തൊ​ഴി​ലാ​ളി സം​ഘ​ട​ന​ക​ളും വ​ള​ർ​ന്ന മ​ണ്ണി​ൽ ക​മ്യൂ​ണി​സ്റ്റു പാ​ർ​ട്ടി​ക​ൾ​ക്ക് ഇ​തു​വ​രെ​യും ജ​യി​ക്കാ​നാ​യി​ട്ടി​ല്ല. ക​മ്യൂ​ണി​സ്റ്റു പാ​ർ​ട്ടി​ക്കു മാ​ത്ര​മ​ല്ല യു​ഡി​എ​ഫി​ലെ കാ​ര​ണ​വ​രാ​യ കോ​ണ്‍​ഗ്ര​സി​നും കു​ട്ട​നാ​ട്ടി​ൽ സ്ഥാ​നാ​ർ​ഥി​ക​ളെ വി​ജ​യി​പ്പി​ക്കാ​നാ​യി​ട്ടി​ല്ല. ഇ​രു മു​ന്ന​ണി​ക​ളി​ൽ നി​ന്നും ഘ​ട​ക​ക​ക്ഷി​ക​ളാ​യി​രു​ന്നു വി​ജ​യം കൊ​യ്തി​രു​ന്ന​ത്. ഇ​രു​മു​ന്ന​ണി​ക​ളി​ലു​മാ​യി ആ​റു ത​വ​ണ വി​ജ​യി​ച്ച കേ​ര​ള കോ​ണ്‍​ഗ്ര​സി​നാ​ണ് മ​ണ്ഡ​ല​ത്തി​ൽ ഏ​റ്റ​വുമ​ധി​കം വേ​രോ​ട്ടം.
ഇ​രു മു​ന്ന​ണി​ക​ളി​ലു​മാ​യി മ​ത്സ​രി​ച്ച് അ​ഞ്ചു​ത​വ​ണ വി​ജ​യി​ച്ച ഡോ. ​കെ.​സി. ജോ​സ​ഫാ​ണ് പു​തി​യ കു​ട്ട​നാ​ടി​ന്‍റെ ശി​ല്പി​യെ​ന്ന​റി​യ​പ്പെ​ടു​ന്ന​ത്. 2006ൽ ​ഡി​ഐ​സി​യി​ലൂ​ടെ​യാ​ണ് ഡോ​ക്ട​റി​ൽ നി​ന്നും തോ​മ​സ് ചാ​ണ്ടി കു​ട്ട​നാ​ട് യു​ഡി​എ​ഫി​നാ​യി തി​രി​ച്ചുപി​ടി​ച്ച​ത്. പി​ന്നി​ട് 2011, 2016 തെ​ര​ഞ്ഞ​ടു​പ്പു​ക​ളി​ൽ ഇ​ട​തു​പാ​ള​യ​ത്തി​ൽ നി​ല​കൊ​ണ്ട തോ​മ​സ് ചാ​ണ്ടി വി​ജ​യം ആ​വ​ർ​ത്തി​ച്ചു. 2011 ൽ ​കേ​ര​ള കോ​ണ്‍​ഗ്ര​സ്-എമ്മിനെ പ്ര​തി​നി​ധീ​ക​രി​ച്ച ഡോ. ​കെ.​സി. ജോ​സ​ഫ് വീണ്ടും പ​രാ​ജ​യ​പ്പെ​ട്ട​പ്പോ​ൾ 2016 ൽ ​മാ​ണി വി​ഭാ​ഗ​ത്തി​ലെ ത​ന്നെ ജേ​ക്ക​ബ് ഏ​ബ്ര​ഹാ​മി​നെ​യാ​ണ് തോ​മ​സ് ചാ​ണ്ടി പ​രാ​ജ​യ​പ്പെ​ടു​ത്തി​യ​ത്. തോ​മ​സ് ചാ​ണ്ടി​യു​ടെ നി​ര്യാ​ണ​ത്തെ​ത്തു​ട​ർ​ന്ന് മാ​സ​ങ്ങ​ൾ​ക്കു മു​ന്പ് ഉ​പ​തെ​ര​ഞ്ഞെ​ടു​പ്പി​നു ക​ള​മൊ​രു​ങ്ങി​യെ​ങ്കി​ലും കോ​വി​ഡ് സാ​ഹ​ച​ര്യ​ത്തി​ൽ ഉ​പേ​ക്ഷി​ക്കു​ക​യാ​യി​രു​ന്നു. ഒ​ടു​വി​ൽ പൊ​തു​തെ​ര​ഞ്ഞെ​ടു​പ്പു പ​ടി​വാ​തി​ൽ​ക്ക​ലെ​ത്തി​യ​പ്പോ​ൾ സ്ഥാ​നാ​ർ​ഥി നി​ർ​ണ​യം സം​ബ​ന്ധി​ച്ച് മു​ന്ന​ണി​ക​ളി​ൽ ഇ​നി​യും വ്യ​ക്ത​ത വ​ന്നി​ട്ടി​ല്ല.
ഉ​പ​തെ​ര​ഞ്ഞെ​ടു​പ്പി​ൽ തോ​മ​സ് ചാ​ണ്ടി​യു​ടെ സ​ഹോ​ദ​ര​ൻ തോ​മ​സ് കെ. ​തോ​മ​സി​നെ എ​ൽ​ഡി​എ​ഫ് സ്ഥാ​നാ​ർ​ഥി​യാ​ക്കാ​നാ​ണ് നി​ശ്ച​യി​ച്ചി​രു​ന്ന​ത്. യു​ഡി​എ​ഫി​ൽ ജേ​ക്ക​ബ് ഏ​ബ്ര​ഹാ​മി​ന്‍റെ പേ​രും പാ​ർ​ട്ടി നേ​തൃ​ത്വം അം​ഗീ​ക​രി​ച്ചി​രു​ന്നു. എ​ന്നാ​ൽ ഇ​പ്പോ​ൾ സാ​ഹ​ച​ര്യ​ങ്ങ​ൾ മാ​റി​യി​ട്ടു​ണ്ട്. മാ​ണി സി. ​കാ​പ്പ​ന്‍റെ പാ​ർ​ട്ടി മാ​റ്റ​ത്തെ​ത്തു​ട​ർ​ന്ന് എ​ൻ​സി​പി​യി​ൽ അ​സ്വാ​ര​സ്യ​ങ്ങ​ൾ നി​ല​നി​ൽ​ക്കു​ന്നു​ണ്ട്. എ​ൻ​സി​പി​ക്കു ത​ന്നെ കു​ട്ട​നാ​ട് സീ​റ്റു ന​ൽ​കി​യാ​ൽ സീ​റ്റ് തോ​മ​സി​നു ത​ന്നെ​യാ​കാ​നാ​ണ് സാ​ധ്യ​ത. തോ​മ​സ് ത​ന്നെ ഇ​ക്കാ​ര്യം ക​ഴി​ഞ്ഞദി​വ​സം സൂ​ചി​പ്പി​ച്ചി​രു​ന്നു. എ​ന്നാ​ൽ സി​പി​എം സീ​റ്റേ​റ്റെ​ടു​ക്ക​ണ​മെ​ന്ന ആ​വ​ശ്യം ക​ഴി​ഞ്ഞ തെ​ര​ഞ്ഞെ​ടു​പ്പിനു മു​ന്പു​ത​ന്നെ പാ​ർ​ട്ടി​യി​ൽ ഉ​യ​ർ​ന്നി​രു​ന്നു. വി​ജ​യസാ​ധ്യ​ത ക​ണ​ക്കി​ലെ​ടു​ത്ത് ഡോ. ​കെ.​സി. ജോ​സ​ഫ് കു​ട്ട​നാ​ട്ടി​ലേ​ക്കു മ​ട​ങ്ങി​യെ​ത്താ​നു​ള്ള സാ​ധ്യ​ത​യും ത​ള്ളി​ക്ക​ള​യാ​നാ​വി​ല്ല. യു​ഡി​എ​ഫി​ൽ കേ​ര​ള കോ​ണ്‍​ഗ്ര​സ് ജോ​സ​ഫ് വി​ഭാ​ഗ​വു​മാ​യി ച​ർ​ച്ച​ക​ൾ ന​ട​ന്നി​ട്ടി​ല്ലെ​ങ്കി​ലും കു​ട്ട​നാ​ടി​ന്‍റെ കാ​ര്യ​ത്തി​ൽ മാ​റ്റ​ങ്ങ​ളു​ണ്ടാ​കാ​നു​ള്ള സാ​ധ്യ​ത കു​റ​വാ​ണ്. എ​ന്നാ​ൽ കോ​ണ്‍​ഗ്ര​സി​നും സീ​റ്റി​ൽ നോ​ട്ട​മു​ണ്ട്. എ​ൻ​ഡി​എ​യി​ലും സീ​റ്റു​സം​ബ​ന്ധി​ച്ച കാ​ര്യ​ത്തി​ൽ തീ​രു​മാ​ന​മാ​യി​ട്ടി​ല്ല. ക​ഴി​ഞ്ഞ ത​വ​ണ ഘ​ട​ക​ക​ക്ഷി​യാ​യ ബി​ഡി​ജെഎ​സി​നാ​യി​രു​ന്നു സീ​റ്റ്. താ​ര​ത്തി​ള​ക്ക​മു​ള്ള സ്ഥാ​നാ​ർ​ഥി​യെ​യി​റ​ക്കി​യാ​ൽ ബി​ഡി​ജെഎ​സ് ത​ന്നെ മ​ൽ​സ​രി​ക്കാ​നാ​ണ് സാ​ധ്യ​ത. തു​ഷാ​ർ ത​ന്നെ സ്ഥാ​നാ​ർ​ഥി​യാ​യി എ​ത്താ​നു​ള​ള സാ​ധ്യ​ത​യു​മു​ണ്ട്. 2011 ലെ ​തെ​ര​ഞ്ഞെ​ടു​പ്പി​ൽ നേ​ടി​യ 4395 വോ​ട്ട് 2016 ൽ 33044 ​ആ​യി ഉ​യ​ർ​ത്താ​നാ​യ​ത് എ​ൻ​ഡി​എ​യ്ക്കും പ്ര​തീ​ക്ഷ ന​ൽ​കു​ന്നു.
ച​ന്പ​ക്കു​ളം, എ​ട​ത്വ, കൈ​ന​ക​രി, കാ​വാ​ലം, മു​ട്ടാ​ർ, നെ​ടു​മു​ടി, നീ​ലം​പേ​രൂ​ർ, പു​ളി​ങ്കു​ന്ന്, രാ​മ​ങ്ക​രി, ത​ക​ഴി, ത​ല​വ​ടി, വെ​ളി​യ​നാ​ട്, വീ​യ​പു​രം തു​ട​ങ്ങി​യ പ​ഞ്ചാ​യ​ത്തു​ക​ളു​ൾ​പ്പെ​ടു​ന്ന​താ​ണ് മ​ണ്ഡ​ലം. 79,865 പു​രു​ഷ​ൻ​മാ​രും 85,392 സ്ത്ര​ീക​ളു​മ​ട​ക്കം 1,65,257 വോ​ട്ട​ർ​മാ​രാ​ണ് കു​ട്ട​നാ​ട്ടി​ലു​ള്ള​ത്.