എടത്വ സെന്‍റ് ജോര്‍ജ് ഫൊറോന പള്ളിയിൽ
എടത്വ: എടത്വ സെന്‍റ് ജോര്‍ജ് ഫൊറോന പള്ളിയില്‍ ഇന്നു രാവിലെ ആറിന്‍റെ വിശുദ്ധ കുർബാനയോടെ വിശുദ്ധവാരാചരണത്തിനു തുടക്കം. തുടര്‍ന്ന് കുരുത്തോല വെഞ്ചരിപ്പും യേശുവിന്‍റെ യെരുശലേം പ്രവേശനത്തെ അനുസ്മരിച്ച് കുരുത്തോല പ്രദക്ഷിണവും നടക്കും.
പെസഹാ ദിനമായ 28നു വൈകുന്നേരം നാലിന് കുര്‍ബാനയും കാല്‍കഴുകല്‍ ശുശ്രൂഷയും, രാത്രി ഏഴിന് പൊതു ആരാധന. ദുഃഖവെള്ളി രാവിലെ ആറു മുതല്‍ ആരാധനയും വൈകുന്നേരം മൂന്നിന് വിവിധ വാര്‍ഡുകളില്‍നിന്നു കുരിശിന്‍റെ വഴിയും വചനപ്രഘോഷണവും നഗരികാണിക്കല്‍ പ്രദക്ഷിണവും തിരുസ്വരൂപചുംബനവും നടക്കും.
ഉയിര്‍പ്പുദിനമായ 31നു പുലര്‍ച്ചെ 2.30ന് ഉയിര്‍പ്പ് തിരുക്കര്‍മങ്ങള്‍, കുര്‍ബാന, പ്രദക്ഷിണം എന്നിവ നടക്കും. വികാരി ഫാ. ഫിലിപ് വൈക്കത്തുകാരന്‍ മുഖ്യ കാര്‍മികത്വം വഹിക്കും.
ഇന്നു മുതല്‍ 27 വരെ ഫാ. തോമസ് വള്ളിയാനിപ്പുറത്തിന്‍റെ നേതൃത്വത്തില്‍ വാര്‍ഷികധ്യാനം നടക്കും.
പുളിങ്കുന്ന് വലിയപള്ളിയില്‍
മങ്കൊമ്പ്: പുളിങ്കുന്ന് വലിയപള്ളിയിൽ ഇന്നു രാവിലെ 6.30ന് ഓശന തിരുകര്‍മങ്ങള്‍, പ്രദക്ഷിണം, ആഘോഷമായ വിശുദ്ധ കുര്‍ബാന, വൈകുന്നേരം 4.30 ന് വിശുദ്ധ കുര്‍ബാന. 28നു വൈകുന്നേരം നാലിന് പെസഹ തിരുക്കര്‍മങ്ങള്‍. ആറു മുതല്‍ ഏഴുവരെ പൊതു ആരാധന. 29 നു രാവിലെ ആറിന് സപ്ര, ദിവ്യകാരുണ്യ ആരാധന, 12നു റീജണില്‍നിന്നുള്ള കുരിശിന്‍റെ വഴി. ഒന്നിന് നേര്‍ച്ചക്കഞ്ഞി വിതരണം, രണ്ടു മുതല്‍ മൂന്നുവരെ പൊതു ആരാധന, മൂന്നിന് പീഡാനുഭവ തിരുക്കര്‍മങ്ങള്‍, പീഡാനുഭവ സന്ദേശം: ഫാ. ജോസ് വേളാശേരി, തുര്‍ന്ന് നഗരികാണിക്കല്‍, തിരുസ്വരൂപ ചുംബനം.
30നു വൈകുന്നേരം നാലിന് വിശുദ്ധ കുര്‍ബാന, കുട്ടികളുടെ മാമ്മോദീസ വാഗ്ദാന നവീകരണം, വെള്ളം, തീ, തിരി വെഞ്ചരിപ്പ്. 31നു പുലർച്ചെ മൂന്നിന് ഉയിര്‍പ്പു തിരുക്കര്‍മങ്ങള്‍, വിശുദ്ധ കുര്‍ബാന. 6.30ന് വിശുദ്ധ കുര്‍ബാന- വലിയപള്ളി, കപ്പേള, കിഴേക്കത്തലയ്ക്കല്‍ കുരിശുപള്ളി.
ഏപ്രില്‍ ഏഴിന് പുതുഞായര്‍. 5.45, 7.15, 9.30, വൈകുന്നേരം 4.30 വിശുദ്ധ കുര്‍ബാന.
മൗണ്ട് കാര്‍മല്‍ കത്തീഡ്രലില്‍
ആലപ്പുഴ: ഔര്‍ ലേഡി ഓഫ് മൗണ്ട് കാര്‍മല്‍ കത്തീഡ്രലില്‍ വിശുദ്ധവാരാചരണം. 28നു രാവിലെ 6.30ന് പ്രഭാത പ്രാര്‍ഥന, ഏഴിന് തിരുതൈല പരികര്‍മം. ആലപ്പുഴ ബിഷപ് ഡോ. ജയിംസ് റാഫേല്‍ ആനാപറമ്പില്‍ മുഖ്യ കാര്‍മികനായിരിക്കും. വൈകുന്നേരം ആറിന് തിരുവത്താഴ പൂജ, പ്രസംഗം, കാലുകഴുകല്‍, ദിവ്യ കാരുണ്യ പ്രദക്ഷിണം.
29നു രാവിലെ ഏഴിന് പ്രഭാത പ്രാര്‍ഥന, എട്ടിന് ആരാധന, ഉച്ചകഴിഞ്ഞ് മൂന്നിന് ദൈവവചന പ്രഘോഷണം, പീഡാനുഭവ പ്രസംഗം, കുരിശ് ആരാധന, കുരിശുവന്ദനം, ദിവ്യകാരുണ്യ സ്വീകരണം, വൈകുന്നേരം ഏഴിന് പട്ടണ സ്ലീവാപാത, പ്രസംഗം: ഫാ. ജോനാഥന്‍, 8.15, 9.15,10.15 കുരിശിന്‍റെ വഴി, 11.30ന് കബറടക്കം. 30നു രാവിലെ ഏഴിന് പ്രഭാത പ്രാര്‍ഥന, രാത്രി ഒമ്പതിന് തീ, തിരി, വെള്ളം വെഞ്ചരിപ്പ്, പെസഹ പ്രഘോഷണം, ജ്ഞാനസ്നാന വ്രതവാഗ്ദാനം നവീകരിക്കല്‍, ഉയിര്‍പ്പു കുര്‍ബാന, പ്രദക്ഷിണം, ദിവ്യബലി ഒരുക്കം- സ്‌നേഹ സമൂഹ ഭാരവാഹികള്‍. 31നു രാവിലെ ഏഴിനും എട്ടിനും ഒമ്പതിനും ദിവ്യബലി.
പച്ച-ചെക്കിടിക്കാട് ലൂര്‍ദ്മാതാ പള്ളിയില്‍
എടത്വ: പച്ച-ചെക്കിടിക്കാട് ലൂര്‍ദ് മാതാ പള്ളിയില്‍ വിശുദ്ധവാര തിരുക്കര്‍മങ്ങളോടനുബന്ധിച്ച് ഇന്നു രാവിലെ 6.30നു നടക്കുന്ന കുരുത്തോല പെരുന്നാളിന് വികാരി ഫാ. ജോസഫ് ചൂളപ്പറമ്പില്‍ മുഖ്യകാര്‍മികത്വം വഹിക്കും. 28നു കുര്‍ബാനയും കാല്‍കഴുകല്‍ ശുശ്രൂഷയും.
ദുഃഖവെള്ളി രാവിലെ മുതല്‍ ആരാധനയും 7.30 ് കുരിശിന്‍റെ വഴി പറത്തറ പാലത്തില്‍നിന്നു പള്ളിയിലേക്ക് നടക്കും. വചനപ്രഘോഷണവും നഗരികാണിക്കല്‍ പ്രദക്ഷിണവും തിരുസ്വരൂപചുംബനവും നടക്കും. ഉയിര്‍പ്പു ദിനമായ 31നു പുലര്‍ച്ചെ 2.30 മുതല്‍ തിരുകര്‍മങ്ങള്‍. കുര്‍ബാന, പ്രദക്ഷിണം എന്നിവ നടക്കും.
അർത്തുങ്കൽ ബസിലിക്കയിൽ
ചേര്‍ത്തല: അർത്തുങ്കൽ സെന്‍റ് ആൻഡ്രൂസ് ബസിലിക്കയിൽ ഇന്നു രാവിലെ 6.15ന് പടിഞ്ഞാറേ കുരിശടിയിൽ കുരുത്തോല വെഞ്ചരിപ്പ് ബസിലിക്ക റെക്ടർ റവ.ഡോ. യേശുദാസ് കാട്ടുങ്കൽതയ്യിൽ നിർവഹിക്കും. കുരുത്തോല വിതരണം, പ്രദക്ഷിണം തുടർന്ന് ദിവ്യബലി. രാവിലെ ഒമ്പതിനും, 11 നും കുർബാന. വിശുദ്ധ വാരാചരണത്തിനു മുന്നോടിയായി നടത്തുന്ന നോമ്പുകാല നവീകരണ ധ്യാനം ഇന്നു മുതൽ 26 വരെ നടക്കും. വൈകുന്നേരം ആറുമുതൽ ഒമ്പതുവരെ നടക്കുന്ന ധ്യാനത്തിന് ഫാ. ബ്രിഗേൽ വിക്ടർ ഒസിഡി നേതൃത്വം നല്കും.
പെസഹ വ്യാഴം വൈകുന്നേരം 5.30 ന് തിരുവത്താഴബലി, പാദക്ഷാളനം, ദിവ്യകാരുണ്യ പ്രദക്ഷിണം, ദിവ്യകാരുണ്യാരാധന രാത്രി 12 വരെ. ദുഃഖവെള്ളി രാവിലെ ആറുമുതൽ ദിവ്യകാരുണ്യരാധന. വൈകുന്നേരം മൂന്നിന് ദൈവവചന ശുശ്രൂഷ, പീഡാനുഭവ അനുസ്മരണം, കുരിശു വന്ദനം, ദിവ്യകാരുണ്യ സ്വീകരണം. തുടർന്ന് കുരിശിന്‍റെ വഴി. പ്രസംഗം-റവ.ഡോ.ജോഷി മയ്യാറ്റിൽ. തുടർന്ന് നഗരികാണിക്കൽ, തിരുസ്വരൂപ വന്ദനം. രാത്രി 10 ന് കബറടക്കം.
30നു രാത്രി ഒമ്പതിന് തീ,തിരി, വെള്ളം വെഞ്ചരിപ്പ്, പെസഹാ ജാഗരണം, ദൈവവചന പ്രഘോഷണം, ജ്ഞാനസ്നാന വ്രത നവീകരണം. തുടർന്ന് ആഘോഷമായ ഉയിർപ്പ് ദിവ്യബലി, പ്രദക്ഷിണം , ഉയിർപ്പ് രൂപവന്ദനം. ഉയിർപ്പ് ഞായർ. രാവിലെ 5:30നും ഏഴിനും, ഒമ്പതിനും, 11നും ദിവ്യബലി.
പൂങ്കാവ് പള്ളിയിൽ
ആലപ്പുഴ: തീര്‍ഥാടനകേന്ദ്രമായ പൂങ്കാവ് പള്ളിയിൽ വിശുദ്ധവാരാചരണത്തിനുള്ള ഒരുക്കങ്ങള്‍ പൂര്‍ത്തിയായി. അരലക്ഷം തീര്‍ഥാടകര്‍ക്കു പൂങ്കാവിലെത്തി തിരിച്ചുപോകുന്നതിനു വിപുലമായ സംവിധാനങ്ങള്‍ സജ്ജമാക്കിയിട്ടുണ്ട്. ഇന്ന് ഓശാന ഞായര്‍ ആചരണത്തോടെ വിശുദ്ധവാരാചരണത്തിനു തുടക്കമാകും. പൂങ്കാവു സ്‌കൂള്‍ ഗ്രൗണ്ടിലാണ് കരുത്തോല വെഞ്ചരിപ്പ്. തുടര്‍ന്നു വെഞ്ചരിച്ച കുരുത്തോലകളുമേന്തി വിശ്വാസികള്‍ പള്ളിയിലേക്കു പ്രദക്ഷിണമായി നീങ്ങും. പള്ളിമൈതാനത്ത് ഒരുക്കിയിട്ടുള്ള പന്തലിൽ ഓശാന തിരുക്കര്‍മങ്ങള്‍ നടക്കും. ഫാ. ആന്‍റണി കാനപ്പള്ളി വചനസന്ദേശം നല്കും. വൈകുന്നേരം അഞ്ചിന് ചെട്ടികാടു കുടപ്പുറത്തുനിന്ന് പള്ളിയിലേക്ക് പരിഹാരപ്രദക്ഷിണം. സമാപന സന്ദേശം : ഫാ. അരുണ്‍ ടൈറ്റസ്.
28ന് പെസഹാദിനത്തില്‍ വൈകുന്നേരം വികാരി ഫാ.സേവ്യര്‍ ചിറമ്മലിന്‍റെ മുഖ്യകാര്‍മികത്വത്തില്‍ തിരുവത്താഴ പൂജയില്‍ കാലുകഴുകല്‍ ശുശ്രൂഷ നടക്കും. ഫാ. യേശുദാസ് പഴമ്പള്ളി വചന സന്ദേശം നല്കും. രാത്രി എട്ടു മുതല്‍ ദുഃഖവെള്ളി പുലര്‍ച്ചെ വരെ സ്‌നേഹദീപക്കാഴ്ച. പാലക്കാട് ജില്ലാ ജഡ്ജി സരിത ജോര്‍ജ് ആദ്യ ദീപംതെളിക്കും. രാത്രി 12 മുതല്‍ കുരിശിന്‍റെ വഴി. ഫാ. ബാബുപോള്‍ ധ്യാനപ്രസംഗം നടത്തും.
ദുഃഖവെള്ളി രാവിലെ അഞ്ചുമുതല്‍ ഉച്ചകഴിഞ്ഞു രണ്ടു വരെ നേര്‍ച്ചക്കഞ്ഞി വിതരണം. തുടര്‍ന്നു പീഡാനുഭവ അനുസ്മരണ തിരുക്കര്‍മങ്ങള്‍. രാത്രി മൂന്നിന് കുരിശിന്‍റെ വഴിയിലെ ധ്യാനം തുടങ്ങും. ഫാ. മാത്യു എസ്ജെ സന്ദേശം നൽകും. രാത്രി 12 ന് കബറടക്ക ശുശ്രൂഷ. 30നു രാത്രി 10.30ന് പെസഹ പ്രഘോഷണവും ഉയിര്‍പ്പു ശുശ്രൂഷയും തുടര്‍ന്ന് ഉയിര്‍പ്പു കുര്‍ബാനയും നടക്കും. പെസഹാവ്യാഴം, ദുഃഖവെള്ളി ദിവസങ്ങളില്‍ തിരുക്കര്‍മങ്ങള്‍ പള്ളി വെബ്സൈറ്റിലൂടെ തത്സമയം സംപ്രേഷണം ചെയ്യും.
തുമ്പോളി സെന്‍റ് തോമസ് പള്ളിയില്‍
ആലപ്പുഴ: മരിയന്‍ തീര്‍ഥാടന കേന്ദ്രമായ തുമ്പോളി സെന്‍റ് തോമസ് പള്ളിയില്‍ വലിയനോമ്പാചരണത്തിന്‍റെ ഭാഗമായി ഇന്നു രാവിലെ ആറിന് സെന്‍റ് ആന്‍റണീസ് കുരിശടിയില്‍ കുരുത്തോല വെഞ്ചരിപ്പ് വികാരി റവ. ഫാ ജോസ്‌ലാഡ് കോയിപ്പറമ്പില്‍ നിര്‍വഹിക്കും. കുരിശടിയില്‍നിന്നു വെഞ്ചരിച്ച കുരുത്തോലകള്‍ കൈയിലേന്തി വിശ്വാസികള്‍ പ്രദക്ഷിണമായി ദേവാലയത്തില്‍ എത്തിച്ചേരും. തുടര്‍ന്ന് ആഘോഷമായ ദിവ്യബലി. വചനസന്ദേശം: ഫാ. സെബാസ്റ്റ്യന്‍ പള്ളിക്കല്‍. വൈകുന്നേരം അഞ്ചിനു കുരിശിന്‍റെ വഴി, ദിവ്യബലി.
കായല്‍പ്പുറം സെന്‍റ് ജോസഫ് പള്ളിയില്‍
പുളിങ്കുന്ന്: കായല്‍പ്പുറം സെന്‍റ് ജോസഫ് പള്ളിയില്‍ വിശുദ്ധവാര തിരുക്കര്‍മങ്ങള്‍ ഇന്ന് ആരംഭിക്കും. ഇന്നു രാവിലെ 6.15ന് കുരുത്തോല വെഞ്ചരിപ്പും വിശുദ്ധ കുര്‍ബാനയും. 9.30ന് വിശുദ്ധ കുര്‍ബാന.
28നു വൈകുന്നേരം നാലിനു കാലുകഴുകല്‍ ശുശ്രൂഷ, വിശുദ്ധ കുര്‍ബാന, ആരാധന. 29നു രാവിലെആറു മുതല്‍ 12 വരെ ആരാധന, വൈകുന്നേരം മൂന്നിന് പീഡാനുഭവ തിരുക്കര്‍മങ്ങള്‍. 31 നു രാവിലെ മൂന്നിനും ഏഴിനും വിശുദ്ധ കുര്‍ബാന, ഉയിര്‍പ്പു തിരുനാള്‍ കര്‍മങ്ങള്‍.
ചങ്ങങ്കരി സെന്‍റ് ജോസഫ് പള്ളിയില്‍
എടത്വ: ചങ്ങങ്കരി സെന്‍റ് ജോസഫ് പള്ളിയില്‍ വിശുദ്ധവാര തിരുക്കര്‍മങ്ങളോടനുബന്ധിച്ച് ഇന്നു രാവിലെ ഏഴിന്് കുരുത്തോല വെഞ്ചരിപ്പ്, കുര്‍ബാന. പെസഹ ദിനമായ 28നു വൈകുന്നേരം നാലിന് കുര്‍ബാനയും കാല്‍കഴുകല്‍ ശുശ്രൂഷയും, ആരാധനയും നടക്കും.
ദുഃഖവെള്ളിയാഴ്ച രാവിലെ 7.15ന് മാമ്പ്രയില്‍ പാലത്തില്‍നിന്നു കുരിശിന്‍റെ വഴി നടക്കും. പത്തു മുതല്‍ ആരാധന. 2.30ന് പീഡാനുഭവ തിരുക്കര്‍മങ്ങള്‍, നഗരികാണിക്കല്‍. 31 നു പുലര്‍ച്ചെ 2.30 മുതല്‍ ഉയിര്‍പ്പ് തിരുക്കര്‍മങ്ങള്‍, കുര്‍ബാന എന്നിവ നടക്കും. വികാരി ഫാ. തോമസ് കാരയ്ക്കാട് കാര്‍മികത്വം വഹിക്കും.
തായങ്കരി സെന്‍റ് ആന്‍റണീസ് പള്ളിയില്‍
എടത്വ: തായങ്കരി സെന്‍റ് ആന്‍റണീസ് പളളിയില്‍ വിശുദ്ധവാര തിരുക്കര്‍മങ്ങളുടെ ഭാഗമായി ഇന്നു രാവിലെ 6.45ന് കുരിശടിയില്‍നിന്ന് പള്ളിയിലേക്ക് കുരുത്തോല പ്രദക്ഷിണം. പെസഹ ദിനമായ 28നു 4.30 ന് കുര്‍ബാനയും കാല്‍കഴുകല്‍ ശുശ്രൂഷയും വൈകുന്നേരം ആറിന് ആരാധനയും.
ദുഃഖവെള്ളിയാഴ്ച രാവിലെ 7.30ന് മാതാവിന്‍റെ കുരിശടിയില്‍നിന്നു കുരിശിന്‍റെ വഴി നടക്കും. ഒന്‍പത് മുതല്‍ ആരാധന. ഉയിര്‍പ്പുദിനമായ 31നു പുലര്‍ച്ചെ 2.30 മുതല്‍ തിരുക്കര്‍മങ്ങള്‍, കുര്‍ബാന എന്നിവ നടക്കും. വികാരി ഫാ. അനീഷ് കുടിലില്‍ കാര്‍മികത്വം വഹിക്കും.
മുട്ടാര്‍ സെന്‍റ് ജോര്‍ജ് പള്ളിയില്‍
എടത്വ: മുട്ടാര്‍ സെന്‍റ് ജോര്‍ജ് പള്ളിയുടെ നേതൃത്വത്തില്‍ നടക്കുന്ന ചടങ്ങുകള്‍ക്ക് വികാരി ഫാ. സിറിൾ ചേപ്പില മുഖ്യ കാര്‍മികത്വം വഹിക്കും. ഇന്നു രാവിലെ 6.25 ന് മുട്ടാര്‍ സെന്‍റ് ജോര്‍ജ് ഹയര്‍ സെക്കന്‍ഡറി സ്‌കൂളില്‍നിന്നു പള്ളിയിലേക്ക് കുരുത്തോല പ്രദക്ഷിണം. പെസഹ ദിനമായ 28 നു വൈകുന്നേരം നാലിന് കുര്‍ബാനയും കാല്‍കഴുകല്‍ ശുശ്രൂഷയും, രാത്രി 7 ന് പൊതു ആരാധന.
ദുഃഖവെള്ളിയാഴ്ച പുലര്‍ച്ചെ മുതല്‍ ആരാധനയും 8.30ന് ദീപ ജംഗ്ഷനില്‍നിന്നു കുരിശിന്‍റെ വഴിയും. ഉയിര്‍പ്പു ദിനമായ 31നു പുലര്‍ച്ചെ 2.30 മുതല്‍ തിരുക്കര്‍മങ്ങള്‍, കുര്‍ബാന, പ്രദക്ഷിണം എന്നിവ നടക്കും.
ചെട്ടികാട് വിശുദ്ധ മരിയ ഗൊരേത്തി പള്ളിയിൽ
ആലപ്പുഴ: ചെട്ടികാട് വിശുദ്ധ മരിയ ഗൊരേത്തി ദേവാലയത്തില്‍ വിശുദ്ധ വാരാചരണം ഇന്ന് ആരംഭിക്കും. ഇന്നു രാവിലെ ആറിന് ചെട്ടികാട് കടല്‍ത്തീരത്തുള്ള സെന്‍റ് ആന്‍റണീസ് ചാപ്പലില്‍ കുരുത്തോല വെഞ്ചരിപ്പ് വികാരി ഫാ. ബെന്‍സി കണ്ടനാട്ട് നിര്‍വഹിക്കും. കുരുത്തോലകളുമേന്തി വിശ്വാസികള്‍ ദേവാലയത്തിലേക്ക് പ്രവേശിക്കും. തുടര്‍ന്ന് ദിവ്യബലി.
വൈകുന്നേരം 4.30ന് കുരിശിന്‍റെ വഴി ദേവാലയ അങ്കണത്തില്‍നിന്ന് ആരംഭിച്ച് ഇടവകയിലെ കിഴക്കേ അതിര്‍ത്തി ചുറ്റി തിരിച്ചെത്തും. 25, 26, 27 തീയതികളില്‍ രാവിലെ കുരിശിന്‍റെ വഴിയും ദിവ്യബലിയര്‍പ്പണവും നടക്കും. ഈ ദിനങ്ങളില്‍ വൈകുന്നേരം ആറുമുതല്‍ മുതല്‍ എട്ടുവരെ കുമ്പസാരം ഉണ്ടായിരിക്കും. 28നു വൈകുന്നേരം 5. 30ന് തിരുവത്താഴപൂജ തുടര്‍ന്ന് കാല്‍കഴുകല്‍ ശുശ്രൂഷ. വചന സന്ദേശം: ഫാ. ബെര്‍ലി വേലിയകം. തുടര്‍ന്ന് ദിവ്യകാരുണ്യപ്രദക്ഷിണവും കുരിശിന്‍റെ വഴിയും.
29നു രാവിലെ ഏഴിന് കുരിശിന്‍റെ വഴി പള്ളിയില്‍നിന്ന് ആരംഭിച്ച് പാതിരപ്പള്ളി തീരദേശ റോഡുവഴി ഓമനപ്പുഴ, ചെട്ടികാട് കടല്‍ക്കര പ്രിയദര്‍ശനി ജംഗ്ഷന്‍വഴി നടക്കും. പീഡാനുഭവ പ്രസംഗം: ഫാ. ബെനഡിക്ട് നടത്തും. തുടര്‍ന്ന് നേര്‍ച്ചക്കഞ്ഞി വിതരണം. വൈകുന്നേരം മൂന്നിന് പീഡാനുഭവ വായന. വചന സന്ദേശം: ഫാ. ജോണ്‍സണ്‍ പുത്തന്‍വീട്ടില്‍, കുരിശ് ആരാധന, ദിവ്യകാരുണ്യ സ്വീകരണം തുടര്‍ന്ന് കുരിശിന്‍റെ വഴി, പള്ളിയങ്കണത്തില്‍ വചന സന്ദേശം: ഫാ. സോണു കുളത്തൂര്‍. തുടര്‍ന്ന് നഗരി കാണിക്കല്‍ രാത്രി 11ന് കബറടക്കം. 30നു രാത്രി 10.30 ന് ആഘോഷമായ ഉയര്‍പ്പ് ദിവ്യബലി. വചന സന്ദേശം: ഫാ. യേശുദാസ് അറയ്ക്കല്‍. തുടര്‍ന്ന് ദിവ്യകാരുണ്യപ്രദക്ഷിണം. 31നു രാവിലെ ഏഴിന് ദിവ്യബലി.