കുമ്മനം: ഗാന്ധിജയന്തിയോട് അനുബന്ധിച്ച് കുമ്മനം നേതാജി ഗ്രന്ഥശാലയില്‍ നടത്തിയ ഗാന്ധി സ്മൃതി സംഗമം പഞ്ചായത്തംഗം റൂബി ചാക്കോ ഉദ്ഘാടനം ചെയ്തു.
വിവിധ പരീക്ഷകളില്‍ ഉന്നത വിജയം നേടിയവരെ ചടങ്ങില്‍ ആദരിച്ചു. ഗാന്ധിജിയുടെ ജീവിതവും ദര്‍ശനവും എന്ന വിഷയത്തെ ആസ്പദമാക്കി നടത്തിയ മത്സരങ്ങളില്‍ വിജയികളായവര്‍ക്ക് സമ്മാനങ്ങള്‍ വിതരണം ചെയ്തു. ഗ്രന്ഥശാല പ്രസിഡന്‍റ് എ.കെ. ജോസഫ് അധ്യക്ഷത വഹിച്ചു.
പഞ്ചായത്തംഗങ്ങളായ മിനിമോള്‍ മനോജ്, ബുഷ്‌റതല്‍ഹത്ത്, കെ.ആര്‍. ജഗദീഷ്, അമ്മിണി, ഒ.എന്‍ സുരേഷ്, എം.ഡി. പൊന്നാറ്റ്, സി.എസ്. ശ്രീധരന്‍, ശശികുമാര്‍ നെല്ലിപ്പള്ളില്‍, രമേഷ് ഉള്ളൂപ്ര എന്നിവര്‍ പ്രസംഗിച്ചു.
കൂരോപ്പട: ജനശ്രീ കൂരോപ്പട മണ്ഡലം കമ്മിറ്റിയുടെ നേതൃത്വത്തിൽ ഗാന്ധിജയന്തിയാഘോഷം നടത്തി.
കൂരോപ്പട ജനശ്രീഭവനിൽ ചേർന്ന സമ്മേളനം ജനശ്രീ മിഷൻ പുതുപ്പള്ളി ബ്ലോക്ക് ചെയർമാൻ അനിൽ കൂരോപ്പട ഉദ്ഘാടനം ചെയ്തു.
ജനശ്രീ മണ്ഡലം സെക്രട്ടറി എം.പി ഗോപാലകൃഷ്ണൻ നായർ അധ്യക്ഷത വഹിച്ചു. ജനശ്രീ ഭാരവാഹികളായ എം.സി ജോണിക്കുട്ടി, ഗോപൻ വെള്ളറ്റം, രാജേന്ദ്രൻ തേരേട്ട് എന്നിവർ പ്രസംഗിച്ചു.
അകലകുന്നം:പഞ്ചായത്തിലെ കാഞ്ഞിരമറ്റത്ത് ഗാന്ധിജയന്തിയോടനുബന്ധിച്ച നടത്തിയ ശുചീകരണ പ്രവർത്തനം പഞ്ചായത്ത് മെംബർ മാത്തുക്കുട്ടി ഞായർകുളം ഉദ്ഘാടനം ചെയ്തു. കുടുംബശ്രീ തൊഴിലുറപ്പ് അംഗങ്ങളാണ് ശുചീകരണ പ്രവർത്തനങ്ങൾക്ക് നേതൃത്വം നൽകിയത്.
കുമരകം: കുമരകം കോൺഗ്രസ് മണ്ഡലം കമ്മിറ്റിയുടെ നേതൃത്വത്തിൽ ഗാന്ധിജയന്തി അനുസ്മരണം നടത്തി. 153-ാമത് ഗാന്ധിജയന്തി ആഘോഷവും പുഷ്പാർച്ചനയും നടത്തി.
കുമരകം മണ്ഡലം കമ്മിറ്റി ഓഫീസിൽ നടന്ന യോഗം മണ്ഡലം പ്രസിഡന്‍റ് വി.എസ്. പ്രദീപ് കുമാർ അധ്യക്ഷത വഹിച്ചു. എ.വി. തോമസ് ആര്യപ്പള്ളി ഉദ്ഘാടനം ചെയ്തു .
കുഞ്ഞച്ചൻ വേലിത്തറ, രഘു അകവൂർ, സുരാജ് കാട്ടിശേരിയിൽ, സിജെ സാബു, സ്മൃതികാന്ത് സ്രാമ്പിക്കൽ സ്രാമ്പിക്കൽ, കൊച്ചുമൻ, ബിജു തൈത്തറ പഞ്ചായത്ത് അംഗങ്ങളായ അഡ്വക്കേറ്റ് മനോഹരൻ, ദിവ്യ ദാമോദരൻ എന്നിവർ പങ്കെടുത്തു.
ഗാന്ധിനഗർ: ഗാന്ധിജയന്തി പ്രമാണിച്ചു നവജീവൻ ട്രസ്റ്റിന്‍റേയും മള്ളൂശേരി യൂണിറ്റി ചാരിറ്റിബിൾ സൊസെെറ്റിയുടേയും നേതൃത്വത്തിൽ മെഡിക്കൽ കോളജ് ആശുപത്രി പരിസരം ശുചീകരിച്ചു.
ശുചീകരണ പ്രവർത്തനം പി.യു. തോമസ് ഉദ്ഘാടനം ചെയ്തു. റിജു, അനീഷ്, യൂണിറ്റി ഭാരവാഹികളായ സുബിൻ ജോസ്, സനൽകുമാർ, സിബി, ജിബു, മനോജ്, ലാൽശങ്കർ സനൽ എന്നിവർ നേതൃത്വം നൽകി.
കോട്ടയം: മഹാത്മാ ഗാന്ധിയുടെ 153-ാം ജന്മദിനത്തോടനുബന്ധിച്ച് കോട്ടയം ബസേലിയസ് കോളജ് നാഷണല്‍ സര്‍വീസ് സ്‌കീമും കോട്ടയം വെസ്റ്റ് വൈസ് മെന്‍സ് ക്ലബ്ബും സംയുക്തമായി ഗാന്ധി ജയന്തി ആചരിച്ചു.
കുട്ടികളുടെ ആശുപത്രിയായ ഐസിഎച്ച് ശുചികരിച്ചു.
ഐസിഎച്ച് സൂപ്രണ്ട് ഡോ. ജയപ്രകാശ് ഉദ്ഘാടനം ചെയ്തു. വൈസ് മെന്‍ സോണ്‍ ഷാജി മാത്യു, എന്‍എസ്എസ് പ്രോഗ്രാം ഓഫീസര്‍ ഡോ. വിജു കുര്യന്‍, വൈസ് മെന്‍സ് ക്ലബ്ബ് പ്രസിഡന്‍റ് സാജു ജേക്കബ്, സെക്രട്ടറി അനു കോവൂര്‍, ഡോ.എല്‍ ഷേബ മാത്യു ടെസ് ജോര്‍ജ് എന്നിവര്‍ പ്രസംഗിച്ചു.
കോട്ടയം: മഹാത്മാഗാന്ധി ലോകത്തിന് നല്‍കിയ അഹിംസയുടെ സന്ദേശമാണ് ലോകരാജ്യങ്ങള്‍ ഇന്നും പിന്തുടര്‍ന്നതെന്ന് തോമസ് ചാഴികാാടന്‍ എംപി. തിരുനക്കര ഗാന്ധിചത്വരത്തില്‍ സര്‍ക്കാര്‍ സംഘടിപ്പിച്ച ഗാന്ധിജയന്തി വാരാഘോഷത്തിന്‍റെ ജില്ലാതല ഉദ്ഘാടനം നിര്‍വഹിച്ചു പ്രസംഗിക്കുകയായിരുന്നു എംപി. തിരുവഞ്ചൂര്‍ രാധാകൃഷ്ണന്‍ എംഎല്‍എ അധ്യക്ഷത വഹിച്ചു. ജില്ലാ പഞ്ചായത്ത് പ്രസിഡന്‍റ് നിര്‍മ്മലാ ജിമ്മി, കോട്ടയം നഗരസഭാധ്യക്ഷ ബിന്‍സി സെബാസ്റ്റ്യന്‍, ജില്ലാ കളക്ടര്‍ പി.കെ. ജയശ്രീ, നഗരസഭാംഗം ജയമോള്‍ ജോസഫ്, ജില്ലാ ഇന്‍ഫര്‍മേഷന്‍ ഓഫിസര്‍ എ. അരുണ്‍ കുമാര്‍, എക്സൈസ് അസിസ്റ്റന്റ് കമ്മീഷണര്‍ ആര്‍. രാജേഷ്, ഹയര്‍സെക്കന്‍ഡറി മേഖല ഉപഡയറക്ടര്‍ എം. സന്തോഷ് കുമാര്‍, സാക്ഷരത മിഷന്‍ ജില്ലാ കോ-ഓര്‍ഡിനേറ്റര്‍ വി.വി. മാത്യു , ഡിവൈ.എസ്.പി. കെ.ജി. അനീഷ്, തഹസില്‍ദാര്‍ എസ്.എന്‍. അനില്‍കുമാര്‍, പോലീസ്, എക്സൈസ്, വിവിധ വകുപ്പ് ഉദ്യോഗസ്ഥര് എന്നിവര്‍ പങ്കെടുത്തു. സമ്മേളനത്തിനു മുന്നോടിയായി കോട്ടയം തിരുനക്കരയിലെ ഗാന്ധി പ്രതിമയില്‍ ഹാരാര്‍പ്പണവും പുഷ്പാര്‍ച്ചനയും നടത്തി.
കോട്ടയം: ഗാന്ധിജയന്തി ദിനത്തില്‍ എംജി സര്‍വകലാശാലയില്‍ വൈസ് ചാന്‍സലര്‍ പ്രഫ. സാബു തോമസ് ഗാന്ധി പ്രതിമയില്‍ ഹാരാര്‍പ്പണവും പുഷ്പാര്‍ച്ചനയും നടത്തി. പ്രോ വൈസ് ചാന്‍സലര്‍ ഡോ. സി.ടി. അരവിന്ദകുമാര്‍, സ്‌കൂള്‍ ഓഫ് ഗാന്ധിയന്‍ തോട്ട് ആൻഡ് ഡവലപ്‌മെന്‍റ് സ്റ്റഡീസ് മേധാവി ഡോ. ബിജു ലക്ഷ്മണന്‍, ഫാക്കല്‍റ്റി അംഗം ഡോ. സി.ആര്‍. ഹരി ലക്ഷ്മീന്ദ്രകുമാര്‍, അധ്യാപക, അനധ്യാപക, വിദ്യാര്‍ഥി സംഘടനാ പ്രതിനിധികള്‍ തുടങ്ങിയവര്‍ പങ്കെടുത്തു. കൊളംബോ സര്‍വകലാശലയിലെ അധ്യാപികയായ ഡോ. അഞ്ജലി മിശ്ര ഗാന്ധി ഭജന്‍ അവതരിപ്പിച്ചു.