കുമരകത്ത് കാറ്റിലും മഴയിലും വൻനാശനഷ്ടം : Deepika.com Nattu Visesham

KOTTAYAM

കുമരകത്ത് കാറ്റിലും മഴയിലും വൻനാശനഷ്ടം

Wednesday, August 7, 2019 11:58 PM IST

കുമരകം: ഇന്നലെ വൈകുന്നേരം ശക്തമായ മഴക്കൊപ്പം ആഞ്ഞടിച്ച കാറ്റിൽ കുമരകത്തും പരിസര പ്രദേശങ്ങളിലും വൻ നാശനഷ്ടങ്ങളുണ്ടായി. നിരവധി പ്രദേശങ്ങളിൽ വെെദ്യുതി വിതരണം തകരാറിലായി. ഒരാഴ്ചയിലേറെയായി പെയ്യാൻ മടിച്ചു നിന്ന കാർമേഘങ്ങൾ ഇന്നലെ പെയ്തിറങ്ങിയതിനൊപ്പം ശക്തമായ കാറ്റും വീശിയതാണ് നാശനഷ്ടങ്ങൾക്ക് കാരണം.
കുമരകം ആറാം വാർഡിൽ ഈവട്ടത്ത് രണ്ടു വീടുകൾ തകർന്നു. പരേതനായ അന്പതിൽച്ചിറ ജോയിയുടെ ഭാര്യ സാറാമ്മയുടെ വീടിന്‍റെ മേൽക്കൂരയുടെ ഷീറ്റുകൾ പൂർണമായും കാറ്റിൽ പറന്നു പോയി കാറ്റിൽ പറന്നു പോയ ഷീറ്റുകൾ വന്നു വീണാണ് അയൽ വാസിയുടെ വീടിന്‍റെ അടുക്കള ഭാഗം പൂർണമായും തകർന്നത്. പരേതനായ മോഹനന്‍റെ ഭാര്യ രാജമ്മയുടെ വീടിന്‍റെ അടുക്കളയാണ് നിലംപൊത്തിയത്. അപകടം നടക്കുന്പോൾ സാറമ്മ വീട്ടിലില്ലായിരുന്നു. രാജമ്മ പുറത്തേക്കോടി രക്ഷപ്പെടുകയായിരുന്നു. കുമരകം ബോട്ട് ജെട്ടിക്കു സമീപം മരം 11 കെ.വി. ലൈനിലും ഷെഡിന്‍റെ മുകളിലുമായി വീണു. മരം വൈദ്യുതി ലൈനിൽ പതിച്ചതോടെ കോണ്‍ക്രീറ്റ് വൈദ്യുതി പോസ്റ്റ് ഒടിഞ്ഞു വീണു പാർക്കു ചെയ്തിരുന്ന കാറിന്‍റെ മുൻഭാഗം തകർന്നു. വാളത്താറ്റ് ജോസിന്‍റെ പുരയിടത്തിൽ നിന്ന തേക്കുമരമാണ് കടപഴുകി വൈദ്യുതി കന്പിയുമായി ജെ.സ്റ്റോക്ക് കാർ വാഷ് സെന്‍റ്റിന്‍റെ മേൽ കുരയിൽ വീണത് ഇതോടൊപ്പം ഒടിഞ്ഞു വീണ പോസ്റ്റ് പുത്തൻപറന്പ് തന്പാച്ചന്‍റെ കാറിന് മുകളിലാണ് പതിച്ചത് .
കുമരകം നവ നസ്രത്ത് പള്ളിക്കു സമീപം അൻപതിൽ സുനിൽ കുമാറിന്‍റെ വീടിനു മുകളിലും മരം വീണ് വീട് പുർണമായും തകർന്ന നിലയിലാണ്. മരം വീണു വൈദ്യുതി ലൈനുകൾ തകരാറിലായതോടെ പല പ്രദേശങ്ങളിലും വൈദ്യുതി വിതരണം തടസപ്പെട്ടിരിരിക്കുകയാണ് .വർഷ കൃഷിക്കായി ഒട്ടുമിക്ക പാടങ്ങളും വിതച്ചിരിക്കുന്ന സാഹചര്യത്തിൽ വൈദ്യുതി മുടങ്ങുന്നത് കാർഷിക മേഖലയ്ക്കും പ്രതിസന്ധി സൃഷ്ടിക്കും