പ​ട്ടം​കോ​ള​നി​ക്ക് 66; പ​ഞ്ചാ​യ​ത്ത് എ​ന്ന സ്വ​പ്നം യാ​ഥാ​ർ​ഥ്യ​മാ​യി​ല്ല
Thursday, January 21, 2021 10:31 PM IST
നെ​ടു​ങ്ക​ണ്ടം: അ​റു​പ​ത്തി​യാ​റ് വ​യ​സ് പൂ​ർ​ത്തി​യാ​യി​ട്ടും പ​ട്ടം​കോ​ള​നി​ക്കാ​രു​ടെ സ്വ​ന്തം പ​ഞ്ചാ​യ​ത്തെ​ന്ന സ്വ​പ്നം യാ​ഥാ​ർ​ഥ്യ​മാ​യി​ല്ല. ഇ​ടു​ക്കി ജി​ല്ല​യി​ലെ കു​ടി​യേ​റ്റ​ത്തി​ന്‍റെ ച​രി​ത്ര സ്മാ​ര​ക​മാ​യ ക​ല്ലാ​ർ പ​ട്ടം​കോ​ള​നി 66 -ാം പി​റ​ന്നാ​ളി​ന്‍റെ നി​റ​വി​ലാ​ണ്. കൃ​ഷി​ചെ​യ്യാ​ൻ ഭൂ​മി​യി​ല്ലാ​ത്ത​വ​ന് അ​ര​യ​ണ​യു​ടെ അ​പേ​ക്ഷാ​ഫോ​മി​ലൂ​ടെ കി​ട്ടി​യ അ​ഞ്ചേ​ക്ക​ർ പ​ട്ട​യ​ഭൂ​മി, അ​താ​ണ് പ​ട്ടം​കോ​ള​നി​യു​ടെ ല​ഘു​ച​രി​ത്രം.
1955 ജ​നു​വ​രി 20-ന് ​രൂ​പീ​ക​രി​ച്ച പ​ട്ടം​കോ​ള​നി നെ​ടു​ങ്ക​ണ്ടം, ക​രു​ണാ​പു​രം, പാ​ന്പാ​ടും​പാ​റ പ​ഞ്ചാ​യ​ത്തു​ക​ളി​ലാ​യാ​ണ് സ്ഥി​തി​ചെ​യ്യു​ന്ന​ത്.
ക​ഷ്ട​പ്പാ​ടി​ന്‍റെ ന​ടു​വി​ൽ മ​ന​ക്ക​രു​ത്ത് കു​ത്തി മ​ണ്ണി​ൽ പൊ​ന്നു​വി​ള​യി​ച്ച ക​ർ​ഷ​ക​ർ ഇ​ന്നും വി​ക​സ​ന​ത്തി​നാ​യി കാ​ത്തി​രി​ക്കു​ക​യാ​ണ്.
പ​ട്ടം​കോ​ള​നി രൂ​പീ​ക​ര​ണ കാ​ലം മു​ത​ലു​ള്ള ആ​വ​ശ്യ​മാ​ണ് പ​ട്ടം​കോ​ള​നി പ​ഞ്ചാ​യ​ത്ത് എ​ന്ന​ത്. ഇ​തി​നാ​യി പു​തി​യ ത​ല​മു​റ ഒ​ട്ടേ​റെ പ​രി​ശ്ര​മ​ങ്ങ​ൾ ന​ട​ത്തി. ഒ​ടു​വി​ൽ അ​ഞ്ചു​വ​ർ​ഷം മു​ന്പ് പ​ട്ടം​കോ​ള​നി പ​ഞ്ചാ​യ​ത്ത് രൂ​പീ​ക​രി​ക്കാ​ൻ സ​ർ​ക്കാ​ർ തീ​രു​മാ​നി​ച്ചെ​ങ്കി​ലും ചി​ല പ്രാ​ദേ​ശി​ക ഇ​ട​പെ​ട​ലു​ക​ൾ ഇ​തി​ന് വി​ല​ങ്ങു​ത​ടി​യാ​കു​ക​യാ​യി​രു​ന്നു.
പ​ട്ടം​കോ​ള​നി​യി​ലെ വി​വി​ധ ഭാ​ഗ​ങ്ങ​ളി​ൽ​നി​ന്നു​ള്ള ജ​ന​ങ്ങ​ൾ വി​വി​ധ ആ​വ​ശ്യ​ങ്ങ​ൾ​ക്കാ​യി പ​ഞ്ചാ​യ​ത്ത് ആ​സ്ഥാ​ന​ങ്ങ​ളി​ൽ എ​ത്ത​ണ​മെ​ങ്കി​ൽ അ​ഞ്ചു​മു​ത​ൽ 15 കി​ലോ​മീ​റ്റ​ർ​വ​രെ സ​ഞ്ച​രി​ക്കേ​ണ്ട സാ​ഹ​ച​ര്യ​മാ​ണു​ള്ള​ത്. ഗ്രാ​മീ​ണ മേ​ഖ​ല​ക​ളി​ൽ​നി​ന്നും പ​ഞ്ചാ​യ​ത്ത് ഓ​ഫീ​സി​ൽ എ​ത്തി തി​രി​കെ വീ​ടു​ക​ളി​ൽ എ​ത്തി​ച്ചേ​രാ​ൻ ഒ​രു​ദി​വ​സ​ത്തോ​ളം വേ​ണ്ടി​വ​രും.
മൂ​ന്നു പ​ഞ്ചാ​യ​ത്തു​ക​ളി​ലാ​യി വി​ഭ​ജി​ച്ചു​കി​ട​ക്കു​ന്ന​തി​നാ​ൽ വി​വി​ധ പ​ഞ്ചാ​യ​ത്തു​ക​ളി​ലാ​യി സ്ഥി​തി​ചെ​യ്യു​ന്ന മു​ണ്ടി​യെ​രു​മ, തൂ​ക്കു​പാ​ലം, രാ​മ​ക്ക​ൽ​മേ​ട്, ബാ​ല​ഗ്രാം തു​ട​ങ്ങി​യ മേ​ഖ​ല​ക​ളു​ടെ​യും ഗ്രാ​മീ​ണ റോ​ഡു​ക​ളു​ടെ​യും വി​ക​സ​ന​വും മു​ര​ടി​ച്ചു​കി​ട​ക്കു​ക​യാ​ണ്.
22 വാ​ർ​ഡു​ക​ളു​ള്ള നെ​ടു​ങ്ക​ണ്ടം പ​ഞ്ചാ​യ​ത്തി​ൽ​നി​ന്നും എ​ട്ട്, ഒ​ന്പ​ത്, പ​ത്ത്, പ​തി​നൊ​ന്ന്, പ​ന്ത്ര​ണ്ട്, പ​തി​മൂ​ന്ന് വാ​ർ​ഡു​ക​ൾ പൂ​ർ​ണ​മാ​യും പ​തി​നാ​ല്, ഏ​ഴ് വാ​ർ​ഡു​ക​ൾ ഭാ​ഗീ​ക​മാ​യും, 16 വാ​ർ​ഡു​ക​ളു​ള്ള പാ​ന്പാ​ടും​പാ​റ പ​ഞ്ചാ​യ​ത്തി​ൽ​നി​ന്നും നാ​ലാം വാ​ർ​ഡ് പൂ​ർ​ണ​മാ​യും ര​ണ്ട്, മൂ​ന്ന്, അ​ഞ്ച്, ആ​റ് വാ​ർ​ഡു​ക​ൾ ഭാ​ഗീ​ക​മാ​യും 17 വാ​ർ​ഡു​ക​ളു​ള്ള ക​രു​ണാ​പു​രം പ​ഞ്ചാ​യ​ത്തി​ൽ​നി​ന്നും ഒ​ന്ന്, ര​ണ്ട്, മൂ​ന്ന് വാ​ർ​ഡു​ക​ൾ പൂ​ർ​ണ​മാ​യും നാ​ല്, അ​ഞ്ച് വാ​ർ​ഡു​ക​ൾ ഭാ​ഗീ​ക​മാ​യും ഉ​ൾ​പ്പെ​ടു​ത്തി​യാ​ണ് പ​ട്ടം​കോ​ള​നി പ​ഞ്ചാ​യ​ത്ത് രൂ​പീ​ക​രി​ക്കാ​ൻ നേ​ര​ത്തേ തീ​രു​മാ​നി​ച്ചി​രു​ന്ന​ത്.
എ​ന്നാ​ൽ, തീ​രു​മാ​നം ഇ​പ്പോ​ഴും ഫ​യ​ലി​ൽ ഉ​റ​ങ്ങു​ക​യാ​ണ്.