രാജാക്കാട്: യുഡിഎഫ് സ്ഥാനാർഥി അഡ്വ. ഡീൻ കുര്യാക്കോസിന്‍റെ ഉടുമ്പൻചോല നിയോജക മണ്ഡലത്തിലെ രാജാക്കാട്, രാജകുമാരി, സേനാപതി, ഉടുമ്പൻചോല, ശാന്തൻപാറ പഞ്ചായത്തുകളിലെ തെരഞ്ഞെടുപ്പ് പ്രചാരണ പര്യടന പരിപാടി നാളെ നടക്കുമെന്ന് യുഡിഎഫ് നിയോജക മണ്ഡലം ഭാരവാഹികൾ പത്രസമ്മേളനത്തിൽ അറിയിച്ചു.
ബുധനാഴ്ച രാവിലെ എട്ടിന് തിങ്കൾക്കാട് കെപിസിസി സെക്രട്ടറി തോമസ് രാജൻ പ്രചാരണ പരിപാടി ഉദ്ഘാടനം ചെയ്യും. വൈകുന്നേരം 5.30 ന് മാവടിയിൽ നടക്കുന്ന സമാപന സമ്മേളനം കെപിസിസി മുൻ സെക്രട്ടറി റോയി കെ. പൗലോസ് ഉദ്ഘാടനം ചെയ്യും.
സ്വീകരണ സ്ഥലങ്ങളായ കുത്തുങ്കൽ, പഴയവിടുതി, പന്നിയാർകൂട്ടി, മുല്ലക്കാനം, രാജാക്കാട്, മുക്കുടിൽ, ഒട്ടാത്തി, മാങ്ങാത്തൊട്ടി, എൻആർ സിറ്റി, ഖജനാപ്പാറ, രാജകുമാരി നോർത്ത്, രാജകുമാരി സൗത്ത്, ആവണക്കുംചാൽ, കുളപ്പാറച്ചാൽ, കുരുവിളാസിറ്റി, എസ്റ്റേറ്റ് പൂപ്പാറ, പൂപ്പാറ, തോണ്ടിമല, ആനയിറങ്കൽ, ശാന്തൻപാറ, ചേരിയാർ, പള്ളിക്കുന്ന്, സേനാപതി, വട്ടപ്പാറ, തലയൻകാവ്, ചെമ്മണ്ണാർ, ഉടുമ്പൻചോല, മണത്തോട്, കല്ലുപാലം, പാറത്തോട് എന്നീ കേന്ദ്രങ്ങളിൽ വിവിധ യുഡിഎഫ് നേതാക്കൾ പ്രസംഗിക്കുമെന്ന് യുഡിഎഫ് നേതാക്കളായ എം.പി. ജോസ്, എം.ജെ. കുര്യൻ, ബെന്നി തുണ്ടത്തിൽ, ജമാൽ ഇടശേരിക്കുടി, കെ.എസ്. ശിവൻ, ഒ.എസ്. ജോസഫ്, ജോഷി കന്യാക്കുഴി, ബെന്നി പാലക്കാട്ട് എന്നിവർ അറിയിച്ചു.
ചാണ്ടി ഉമ്മൻ പ്രസംഗിക്കും
രാജാക്കാട്: ഇടുക്കി പാർലമെന്‍റ് മണ്ഡലം യുഡിഎഫ് സ്ഥാനാർഥി ഡീൻ കുര്യാക്കോസിന്‍റെ തെരഞ്ഞടുപ്പ് പ്രചാരണത്തിന്‍റെ ഭാഗമായി രാജാക്കാട് മണ്ഡലം കമ്മിറ്റിയുടെ നേതൃത്വത്തിൽ പഴയവിടുതി ക്ഷീരസംഘം ഓഡിറ്റോറിയത്തിൽ 19ന് രാവിലെ 11ന് കുടുംബസംഗമം നടക്കും.
ചാണ്ടി ഉമ്മൻ കുടുംബ സംഗമം ഉദ്ഘാടനം ചെയ്യും. യുഡിഎഫ് കക്ഷി നേതാക്കൾ പ്രസംഗിക്കും.