സു​മേ​ഷി​നു സ്വ​പ്ന​ങ്ങ​ളേ​റെ; പ​ക്ഷേ എ​ല്ലാം നാ​ലു ചു​മ​രു​ക​ൾ​ക്കു​ള്ളി​ൽ
Friday, January 21, 2022 12:01 AM IST
മ​ണ്ണാ​ർ​ക്കാ​ട്: സു​മേ​ഷി​ന്‍റെ മ​ന​സിൽ സ്വ​പ്ന​ങ്ങ​ളേ​റെ​യു​ണ്ട്. പു​റ​ത്തി​റ​ങ്ങി ക​ണ്‍​നി​റ​യെ മ​നംകു​ളി​ർ​ക്കെ കാ​ഴ്ച​ക​ളും കാ​ഴ്ച​ക്കാ​രേ​യും കാ​ണ​ണം, ആ​ളു​ക​ളോ​ടു സം​സാ​രി​ച്ചി​രി​ക്ക​ണം അ​ങ്ങ​നെ പ​ല​തും. എ​ന്നാ​ൽ ജ​നി​ച്ച​തു മു​ത​ൽ കാ​ൽ​നൂ​റ്റാ​ണ്ടാ​യി ഈ​യൊ​രു കി​ട​പ്പു​ത​ന്നെ. എ​ല്ലാം നാ​ലു ചു​മ​രു​ക​ൾ​ക്കു​ള്ളി​ൽ. അ​ന്നും ഇ​ന്നും കൈ​ക്കു​ഞ്ഞാ​യി.

അ​ച്ഛ​നാ​യി​രു​ന്നു സു​മേ​ഷി​ന് വ​ലി​യ കൂ​ട്ട്. എ​ടു​ത്തു​കൊ​ണ്ടുപോ​യി പ​ല കാ​ഴ്ച​ക​ളും കാ​ണി​ക്കു​മാ​യി​രു​ന്നു. പ​ക്ഷേ ക​ഴി​ഞ്ഞ മൂ​ന്നു​വ​ർ​ഷ​മാ​യി ആ​ ഭാ​ഗ്യം നു​ണ​യാ​ൻപോ​ലും സു​മേ​ഷി​ന് ആ​വു​ന്നി​ല്ല. സു​മേ​ഷി​ന്‍റെ അ​ച്ഛ​ൻ കാ​ഞ്ഞി​ര​പ്പു​ഴ വെ​റ്റി​ല​പ്പാ​റ കു​ട്ടി​പ്പാ​ല​ൻ അ​ക​ത്തെ മു​റി​യി​ൽ എ​ഴു​ന്നേ​റ്റു ന​ട​ക്കാ​നാ​വാ​ത്തവി​ധം കി​ട​പ്പി​ലാ​ണ്. മൂ​ന്നു വ​ർ​ഷം മു​ന്പ് കൂ​ലി​പ്പ​ണി​യെ​ടു​ത്തു കൊ​ണ്ടി​രി​ക്ക​വേ ആ​ഘാ​തം വ​ന്നു ത​ള​ർ​ന്നു​പോ​യി.

ഇ​പ്പോ​ൾ അ​മ്മ വ​ല്ല​പ്പോ​ഴും സു​മേ​ഷി​നെ എ​ടു​ത്തു പു​റ​ത്തുകൊ​ണ്ടുപോ​യാ​ലാ​യി. അ​മ്മ വേ​ശു തൊ​ഴി​ലു​റ​പ്പ​ട​ക്കമുള്ള പ​ണി​ക​ൾ​ക്കു പോ​യാ​ണ് കു​ടും​ബം പോ​റ്റു​ന്ന​ത്. പ​ക​ൽസ​മ​യം അ​യ​ൽ​ക്കാ​രാ​ണ് സു​മേ​ഷി​ന്‍റെ​യും കു​ട്ടി​പ്പാ​ല​ന്‍റെ​യും കാ​ര്യ​ങ്ങ​ൾ നോ​ക്കു​ന്ന​ത്. ര​ണ്ട​ര​യ​ടി​യോ​ള​മാ​ണ് സു​മേ​ഷി​ന്‍റെ ശ​രീ​രം. കാ​ലു​ക​ൾ ച​ലി​പ്പി​ക്കാ​നാ​വി​ല്ല. ഇ​ച്ഛ​യ്ക്കൊ​ത്ത് ഒ​രു​വി​ധം നീ​ങ്ങു​ന്ന കൈ​ക​ളും ത​ല​യു​മാ​ണ​വ​ന് ആ​ശ്ര​യം. പ​ത്താം ക്ലാ​സിൽ പ​ഠി​ക്കു​ന്നു എ​ന്ന​തി​നാ​ൽ വി​ദ്യാ​ല​യ​ത്തി​ൽനി​ന്നും കി​ട്ടി​യ ലാ​പ്ടോ​പ്പും കൈ​വ​ശ​മു​ള്ള മൊ​ബൈ​ൽ ഫോ​ണു​മാ​ണ് ഇന്നു സു​മേ​ഷി​ന്‍റെ നേ​ര​ന്പോ​ക്കു​ക​ളും വൈ​ജ്ഞാ​നി​ക ഉ​റ​വി​ട​വും.

ക​ഴി​ഞ്ഞ ദി​വ​സം സ​ക്ഷ​മ ഭാ​ര​വാ​ഹി​ക​ളും കൃ​ഷ്ണ​ജ്യോ​തി സ്വാ​ശ്ര​യ കേ​ന്ദ്രം പ്ര​വ​ർ​ത്ത​ക​രും സു​മേ​ഷി​ന്‍റെ വീ​ട്ടി​ലെ​ത്തി. തൊ​ഴി​ൽ ന​ല്കി സ​ഹാ​യി​ക്കാ​നാ​കു​മോ എ​ന്ന വി​ചാ​ര​ത്തോ​ടെ​യാ​യി​രു​ന്നു സ​ന്ദ​ർ​ശ​ന​മെ​ന്നു സ​ക്ഷ​മ ജി​ല്ലാ സെ​ക്ര​ട്ട​റി പ്ര​കാ​ശ് കു​റു​മാ​പ്പ​ള്ളി പ​റ​ഞ്ഞു.

തൊ​ഴി​ലി​ലൂ​ടെ ഒ​രു സ്ഥി​ര​വ​രു​മാ​ന​വും സ​മൂ​ഹ​ത്തി​ൽ ഇ​ട​പെ​ട​ലും അ​താ​യി​രു​ന്നു ല​ക്ഷ്യം. സു​മേ​ഷും ആ​ഗ്ര​ഹി​യ്ക്കു​ന്ന​ത് അ​തു ത​ന്നെ​യാ​യി​രു​ന്നു. പ​ക്ഷേ പ​ര​സ​ഹാ​യ​മി​ല്ലാ​തെ ഒ​ന്നും ചെ​യ്യാ​നാ​വാ​ത്ത അ​ച്ഛ​നും മ​ക​നും കി​ട്ടു​ന്ന പ​ണി​യെ​ടു​ത്തു കു​ടും​ബം കാ​ക്കു​ന്ന അ​മ്മ​യ്ക്കും അ​ത് സാ​ധ്യ​മ​ല്ലെ​ന്ന് സു​മേ​ഷി​ന്‍റെ വീ​ട്ടി​ലെ​ത്തി​യ​പ്പോ​ൾ ബോ​ധ്യ​മാ​യെ​ന്ന് സം​ഘം പ​റ​ഞ്ഞു.

സു​മേ​ഷി​നും കു​ട്ടി​പ്പാ​ല​നും ആ​വ​ശ്യ​മാ​യ മ​രു​ന്നെ​ത്തി​ച്ചു കൊ​ടു​ക്കു​ന്ന​തി​നു​വേ​ണ്ട സ​ഹാ​യം അ​ടി​യ​ന്ത​ര​മാ​യി ഏ​ർ​പ്പെ​ടു​ത്തു​മെ​ന്ന് സം​ഘ​ത്തി​ലു​ള്ള​വ​ർ അ​റി​യി​ച്ചു.

സ​ക്ഷ​മ സം​സ്ഥാ​ന സെ​ക്ര​ട്ട​റി വി.​വി. പ്ര​ദീ​പ് കു​മാ​ർ, ജി​ല്ലാ സെ​ക്ര​ട്ട​റി പ്ര​കാ​ശ് കു​റു​മാ​പ്പ​ള്ളി, ഭാ​ര​വാ​ഹി​ക​ളാ​യ എ.​രാ​ധാ​കൃ​ഷ്ണ​ൻ ന​ന്പ്യാ​ർ, സി.​എ​സ്‌​. മൂ​ർ​ത്തി, കൃ​ഷ്ണ​ജ്യോ​തി സ്വാ​ശ്ര​യ കേ​ന്ദ്രം സ​മി​തി അം​ഗം ജ​യ​ശ്രീ എ​ന്നി​വ​ർ സം​ഘ​ത്തി​ലു​ണ്ടാ​യി​രു​ന്നു.