ക്വാ​റി​ക്കു​ള​ത്തി​ല്‍ യു​വാ​വ് അ​ക​പ്പെ​ട്ടെ​ന്നു സം​ശ​യം, തെ​ര​ച്ചി​ല്‍ വി​ഫ​ലം
Friday, April 12, 2024 1:30 AM IST
ക​ല്ല​ടി​ക്കോ​ട്: കോ​ങ്ങാ​ട് ചെ​റാ​യ​യി​ലെ ക്വാ​റി​ക്കു​ള​ത്തി​ല്‍ യു​വാ​വ് അ​ക​പ്പെ​ട്ടെ​ന്ന സം​ശ​യ​ത്തെ തു​ട​ര്‍​ന്ന് അ​ഗ്നി​ര​ക്ഷാ​സേ​ന തെ​ര​ച്ചി​ല്‍ ന​ട​ത്തി.

ഇ​ന്ന​ലെ രാ​വി​ലെ ക്വാ​റി​ക്കു സ​മീ​പം ബൈ​ക്കും വെ​ള്ള​ത്തി​ല്‍ ചെ​രി​പ്പും ക​ണ്ട നാ​ട്ടു​കാ​രാ​ണ് പോ​ലീ​സി​നേ​യും അ​ഗ്നി​ര​ക്ഷാ​സേ​ന​യേ​യും അ​റി​യി​ച്ച​ത്.

വി​വ​രം ല​ഭി​ച്ച​പ്ര​കാ​രം സ്ഥ​ല​ത്തെ​ത്തി​യ കോ​ങ്ങാ​ട് അ​ഗ്നി​ര​ക്ഷാ​നി​ല​യം സ്‌​റ്റേ​ഷ​ന്‍ ഓ​ഫി​സ​ര്‍ എ​ന്‍.​കെ. ഷാ​ജി​യു​ടെ നേ​തൃ​ത്വ​ത്തി​ലു​ള്ള സം​ഘം ഏ​ഴേ​മു​ക്കാ​ലോ​ടെ തെ​ര​ച്ചി​ല്‍ ആ​രം​ഭി​ച്ചു.
വ​ര്‍​ഷ​ങ്ങ​ള്‍​ക്കു​മു​മ്പ് പ്ര​വ​ര്‍​ത്ത​നം നി​ര്‍​ത്തി​യ ക്വാ​റി​യി​ലെ കു​ള​ത്തി​ല്‍ എ​ഴു​പ​ത​ടി​യോ​ളം താ​ഴ്ച​യി​ല്‍ വെ​ള്ള​മു​ണ്ട്.

പാ​താ​ള​ക്ക​ര​ണ്ടി പോ​ലു​ള്ള സം​വി​ധാ​നം ഉ​പ​യോ​ഗി​ച്ചാ​യി​രു​ന്നു തെ​ര​ച്ചി​ല്‍. മ​ണി​ക്കൂ​റു​ക​ള്‍ ക​ഴി​ഞ്ഞും ഫ​ല​മു​ണ്ടാ​കാ​താ​യ​തോ​ടെ അ​ഗ്നി​ര​ക്ഷാ​സേ​ന സ്‌​കൂ​ബാ ടീ​മി​ന്‍റെ സ​ഹാ​യം തേ​ടു​ക​യും പ​ത്തു​മ​ണി​യോ​ടെ ഇ​വ​ര്‍ സ്ഥ​ല​ത്തെ​ത്തു​ക​യും ചെ​യ്തു.

പി​ന്നീ​ട് അ​ഗ്നി​ര​ക്ഷാ​സേ​ന​യും സ്‌​കൂ​ബാ ടീ​മും സം​യു​ക്ത​മാ​യാ​ണ് തെ​ര​ച്ചി​ല്‍ ന​ട​ത്തി​യ​ത്. കോ​ങ്ങാ​ട് പോ​ലീസും സ്ഥ​ല​ത്തെ​ത്തി​യി​രു​ന്നു. വൈ​കു​ന്നേ​ര​ത്തോ​ടെ ഇ​ന്ന​ല​ത്തെ തെ​ര​ച്ചി​ൽ അ​വ​സാ​നി​പ്പി​ച്ചെ​ങ്കി​ലും ക​ണ്ടെ​ത്താ​നാ​യി​ല്ല. തെ​ര​ച്ചി​ൽ ഇ​ന്നു​രാ​വി​ലെ തു​ട​രും.

Copyright @ 2022 , Rashtra Deepika Ltd.