നടൻ ബിബിന് ജോര്ജിന്റെ പുതിയ റസ്റ്ററന്റിന്റെ ഉദ്ഘാടനത്തില് പങ്കെടുക്കാൻ ധർമജൻ മദ്യപിച്ചാണ് എത്തിയതെന്ന തരത്തിൽ വാർത്തകൾ പരന്നിരുന്നു.
പിന്നാലെ ധർമജനെതിരെ വിമർശനവും ട്രോളുകളും ഉയർന്നു. താരത്തിന്റെ ശരീരഭാഷയും പെരുമാറ്റവുമാണ് ഇത്തരമൊരു വാർത്ത ഉയരാൻ ഇടയാക്കിയത്.
പിന്നാലെ ബിബിൻ ജോർജ് തന്നെ ഇതിന് മറുപടിയുമായി രംഗത്തെത്തി. ധര്ജമനെ ട്രോളുന്നൊരു വീഡിയോയുടെ കമന്റിലൂടെയായിരുന്നു ബിബിന് ജോര്ജിന്റെ പ്രതികരണം.
‘‘നിങ്ങളുടെ വര്ക്കിനെ ബഹുമാനിക്കുന്നു. പക്ഷെ ദൈവം സത്യം. അദ്ദേഹം കഴിച്ചിട്ടില്ല. ദൈവം നിങ്ങളെ അനുഗ്രഹിക്കട്ടെ’’ എന്നായിരുന്നു ബിബിന് ജോര്ജിന്റെ പ്രതികരണം.
ഉദ്ഘാടനത്തിനെത്തിയ ധര്മജന്റെ ശരീരഭാഷയും പെരുമാറ്റവും കണ്ടാണ് നടൻ മദ്യപിച്ചാകും എത്തിയതെന്ന സംശയം ആളുകളിൽ ഉയർന്നത്. വീഡിയോയില് ധര്മജന് ബാലന്സ് നഷ്ടമാകുന്നതും ബിബിന് ജോര്ജ് പിടിക്കുന്നതും കാണാം. ധര്മജൻ ഷര്ട്ടിന്റെ ബട്ടന്സ് ഇട്ടത് നേരയല്ലെന്നും സോഷ്യല് മീഡിയ ചൂണ്ടിക്കാണിക്കുന്നു.
അതേസമയം, ധർമജനെ പിന്തുണച്ചും നിരവധി പേരാണ് കമന്റ് ചെയ്തിരിക്കുന്നത്. ‘മനുഷ്യന്റെ ആരോഗ്യാവസ്ഥ കൂടി മനസിലാക്കണം. അയാൾ ചിലപ്പോൾ പല അസുഖങ്ങൾക്കും മരുന്ന് കഴിക്കുന്നുണ്ടാകും. അതിന്റെ എഫക്ട് രാവിലെ വരെ നിൽക്കും. പലപ്പോഴും ബോഡി കൺട്രോളിൽ നിൽക്കില്ല, ഷര്ട്ടിന്റെ ബട്ടസ് മാറി ഇട്ടത് അബദ്ധം പറ്റിയതാകാമെന്നും അവര് പറയുന്നു.
Tags : Bibin George Darmajan explanation