ചിത്രം: സ്പെഷൽ അറേഞ്ച്മെന്റ്
റോം: ഇറ്റലിയിലെ പ്രവാസി മലയാളികളുടെ പ്രമുഖ കൂട്ടായ്മയായ രക്തപുഷ്പങ്ങൾ കലാകായിക സാംസ്കാരിക വേദി ഇറ്റലിയുടെ ഏഴാമത് പൊതുസമ്മേളനം റോമിൽ നടന്നു. ബേബി ജോൺ മാസ്റ്റർ നഗരിയിൽ നടന്ന സമ്മേളനത്തിൽ ബിന്ദു വയനാട് പതാക ഉയർത്തി.
തുടർന്ന് രക്തസാക്ഷി മണ്ഡപത്തിൽ പുഷ്പാർച്ചന നടത്തുകയും രക്തസാക്ഷി പ്രമേയം ഫാത്തിമ തിരുവനന്തപുരവും അനുശോചന പ്രമേയം പ്രിയ നൈനാനും അവതരിപ്പിച്ചു. തുടർന്ന് സുനിൽ വയനാട് സമ്മേളനത്തിന് അധ്യക്ഷത വഹിച്ചു.
പ്രതിനിധി സമ്മേളനം രക്തപുഷ്പങ്ങൾ ഇറ്റലി മുൻ ചെയർമാൻ സാബു സ്കറിയ ഉദ്ഘാടനം ചെയ്തു. സമ്മേളനത്തിന് നൈനാൻ ചെറിയാൻ സ്വാഗതം ആശംസിച്ചു. സംഘാടക സമിതി കൺവീനർ ജീമോൻ അമ്പഴക്കാട് നന്ദിയും അറിയിച്ചു.തുടർന്ന് പ്രസിഡിയം സമ്മേളന നടപടികൾ നിയന്ത്രിച്ചു.
മുൻ ജനറൽ സെക്രട്ടറി ബിന്ദു വയനാട് കഴിഞ്ഞ ഒരു വർഷത്തെ പ്രവർത്തന റിപ്പോർട്ടും ട്രഷറർ ജോസ് പൂന്തറ വരവ്-ചെലവ് കണക്കുകളും അവതരിപ്പിക്കുകയും സമ്മേളനം അവ അംഗീകരിക്കുകയും ചെയ്തു.
സമ്മേളനത്തിൽ പ്രവാസികൾ നേരിടുന്ന വിവിധ വിഷയങ്ങളും ആരോഗ്യ മേഖലയുമായി ബന്ധപ്പെട്ട സുപ്രധാന പ്രമേയങ്ങളും വർഗീയതയ്ക്കെതിരായ ശക്തമായ നിലപാടുകളും ചർച്ച ചെയ്യുകയും പാസാക്കുകയും ചെയ്തു.
സമ്മേളനത്തിൽ 25 അംഗ സെൻട്രൽ കമ്മിറ്റിയെയും തുടർന്ന് 11 എക്സിക്യൂട്ടീവ് അംഗങ്ങളെയും തെരഞ്ഞെടുത്തു.
ഭാരവാഹികൾ
ചെയർമാൻ: കെ.സി. നൈനാൻ, ജനറൽ സെക്രട്ടറി: ടി.പി. സുരേഷ്, ട്രെഷറർ: ജോസ് പൂന്തറ, വൈസ് ചെയർമാൻ: സുനിൽ വയനാട്, ജോയിന്റ് സെക്രട്ടറിമാർ: ജിമോൻ അമ്പഴക്കാട്, ശാലു ജോർജ്, അസിസ്റ്റന്റ് ട്രഷറർ: സാബു സ്കറിയ, പ്രോഗ്രാം കോഓർഡിനേറ്റർ: ബിന്ദു വയനാട്, പ്ര വാസി ജോബ് കോഓർഡിനേറ്റർ: ജയപ്രകാശ്, ഹെൽത്ത് & സോഷ്യൽ മീഡിയ കോഓർഡിനേറ്റർ: പ്രിയ നൈനാൻ.
തുടർന്ന് നടന്ന ആദ്യ പൊതുയോഗം ഇറ്റാലിയൻ കമ്യൂണിസ്റ്റ് പാർട്ടി നേതാവും പ്രവാസി സംഘടനയായ കോമിറ്റാറ്റോ ഇമ്മിഗ്രാറ്റി ഇൻ ഇറ്റാലിയ പ്രതിനിധിയുമായ എഡ്ഗർ ഗലിയാനോ ഉദ്ഘാടനം ചെയ്തു.
ഇറ്റലിയിലെ പ്രവാസി മലയാളികളുടെ ഐക്യവും സാഹോദര്യവും ഊട്ടിയുറപ്പിക്കുന്നതിനൊപ്പം കലാ-കായിക-സാംസ്കാരിക പ്രവർത്തനങ്ങളിലൂടെയും സാമൂഹിക ഇടപെടലുകളിലൂടെയും സംഘടനയുടെ പ്രവർത്തനങ്ങൾ കൂടുതൽ ശക്തിപ്പെടുത്തുമെന്ന് പുതിയ നേതൃത്വം അറിയിച്ചു.
Tags : Rakthapushpangal Italy GeneralConference NewLeadership IndianCommunity